Lucas 1:70 - Biblia Yanowamö

⁷⁰ Yedu jamö ma cui, cama a wa̦no wäyämobä ebä lä yaileno wei, inaja cama bä cuu balöo showadaoma, Yai Bada a wa̦no wäyälewä bä lä cui.

Lucas 1:70 Iomraidhean Croise

Génesis 12:3

’Cafä wa lä bayeliblaö wejei bä lä cui, inaja showawä, cama bä ma cui, ya bä nia bayeliblaö cuo mö feduo. Wa nö lä bleaamaö wejei bä lä cui, inaja showawä, cama bä ma cui, ya bä nö nia bleaamaö cuo mö feduo. Cafä bäfä bayelibou fa balöonö, bluca bä bälöjöwä lä yaiblai, afä a nodiwä nija, bä nia bayeliblamou nomöjöo —Jeobaa a cuma.

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

Génesis 49:10

U̦asi, Judawä. Cafä wa lä cui, showadi wa nö nia yai wa̦lojaö. Showadi wa bada nia läo. Afä bä nia lä nodiblou wei bä ma cui, bä nia ca̦i bada läo nomöjöo. Bä bluca bälöblawä lä yaiblai bä lä cuinö, showadi wa dobäbeje, bä nia waloo. Showadi wa nosie nia juaöje.

Marcos 12:36

Yai Bada bei tä Bufinö a wa̦ famaö cadidou ja, David cama a showawä ma cui, a wa̦ nö malä wäono wei. Abinaja a cuma. Iba Badayä a nija, abinaja Bada tä yai lä cui a cuma. “Äyämö, camiyä jayu ya boco mashi jamö, a döcäa da balöiquiyo. Bä nö lä nabämou wei bä lä cui, cafä nija ya bä möfe nia quilili bomabou.” ’Einaja David a cuma.

Lucas 24:44

Ö̦jö däjä abinaja bä nowa ca̦i tama. —Yai Bada etä a̦ oni ja ya wa̦fa lä tamou wei tä bluca wawäblobä cätä. Moisesi tä a̦ ma cui ja, Yai Bada a wa̦no wäyälewä bä a̦ ma cui ja, amowa bä a̦ ma cui ja, ö̦jö waiquiwä. Cafä bämacö ca̦i juu showao däjä, inaja ya mada cublei —bä nowa tama.

Hechos 28:25

Ö̦jö cudeenö, ö̦jö tä a̦ ja bä bufi shalilio fa mlacunö, bä a̦ lämoma. Bä co̦o lä bufiole däjä, Pablo moli a wa̦ faö co̦oma. —Yai Bada tä Bufi lä cui a wa̦ cadidou dodijioma. Cafä wamacö nö badabö nija a wa̦no wäyämobä, abinaja Isaia a nowa tama, Yai Bada a wa̦no wäyälewä a lä cui.

Romanos 1:2

Ö̦jö tä a̦ lä cui, Yai Bada a wa̦no wäyälewä bä lija tä a̦fa wäyäö balöoma. Yai Bada tä a̦ oni jamö tä a̦ cua.

Hebreos 3:7

Ö̦jö cudeenö, Yai Bada a Bufi lä cui, abenaja a cuma. Ei däjä, Yai Bada wamale a̦ ji̦liaö ja,

1 Pedro 1:12

Ö̦jö däjä, Yai Bada tänö bä moyawäblamalema. Cama bä nia bayeliblamou lä showadaono wei tä a̦ cuonomi. Ma, cafä wamacö nia obi yai lä bayeliblamono wei tä a̦ yai jo̦wa cuoma. ¿Ö̦jö tawä? Inaja bä nowa tama. Bä nowa lä tano weinaja, inaja showawä tä bejedi cublaliyoma. Fedu jamö culanö Yai Bada tä Bufi fa shömöludunö, fei däjä ö̦jö tä lojodenö cafä wamacö nija tä a̦ yai wäyämaje. ¡Tä a̦ yai doblao! Yai Bada tänö bämalecö lä bayeliblaö wei tä a̦ lä cui ja, Yai Bada etäbä a̦jele lä culadi täbä ma cui täbä bufi ca̦i shino dayäodii. ¡Bämacö bufi doblalobä lä!

2 Pedro 1:21

Ma, Yai Bada a wa̦no lä wäyämono wei tä a̦ lä cui, yanowamö täbä bufi cuu lä bädao wei tä a̦ cuonomi. Yai Bada bei tä Bufinö cama bä nijamö tä a̦ wäyäö fa shalilionö, yanowamö täbä nija tä a̦no wäyäö shalilio nomöjöomaje.

2 Pedro 3:2

¿Ö̦jö tawä? Yai Bada a wa̦no wäyälewä bä lä cuinö, tä a̦ wäyäö lä balöono wejei wama tä a̦ nofi mojodubou mlaobä, ya tä a̦ oni shömaö. Bada tä Jesucristonö täbä taamaö lä bufino wei tä a̦ ca̦i. Bämalecö lä jucäaö wei, ö̦jö a Bada waiquiwä. ¿Ö̦jö tawä? Cafä wamacö nija yama a wa̦no wäyäö cuaabä, yamalecö malä shömöleno wei. Ö̦jö wama tä a̦ nofi jaducubobä ya wa̦.

Apocalipsis 19:10

Ö̦jö däjä, ö̦jö ya wa̦fa Bada doblao tabä, a̦jele bei a cotä jamö ya möfe boblaquema ma cui, wale wasölema. —Inaja dicoo mlai —a cuma—. Camiyä bämacö bluca. Jesucristonö tä a̦ lä wawämano wei wama tä a̦ nofi lä cadidibole wamacö lä cuinö, Yai Bada wama a wa̦ juaö lä cuaaö weinaja ya ca̦i cuaaö mö lä feduo wei cä ya. Wa möfe bolanö, Yai Bada wa tä a̦fa nia shino yai Bada doblao taö —a cuma. Jesucristonö tä a̦ lä wäyäno wei tä a̦ bejedi lä cuinö täbä nö malä wa̦lojoblamaö wei, Yai Bada etä a̦ wäyäbeje.