Lucas 1:7 - Biblia Yanowamö

⁷ Ö̦jö ma cui Elisabei a shöbönabödalou fa mlacunö, cäcöbö badao ma waiquiono wei cäcöbö ijilubö cuonomi.

Lucas 1:7 Iomraidhean Croise

Génesis 17:17

Ö̦jö däjä, Ablaamö a fa blaalunö, a möfe quilili fa boalunö, a i̦cablaloma. “¿Inaja dodijiwä mada tawä?”, a bufi cudaliyoma. “Einaja ya wa̦lobada cuo däjä, lasha 100 ya faa ma waiquimaleno wei ma cui, ¿ijilu ya taaö da yai tawä? Einaja Sara a suwäbada cuo däjä, lasha 90 a faa ma waiquimaleno wei ma cui, ¿ijilu wa etä cublou da yai tawä?”, a bufi cuma yalo, a i̦cablaloma.

Génesis 18:11

¿Ö̦jö tawä? Ablaamö a wa̦lobadaoma. Sara a suwäbadaoma. Cäcöbö nö dedewä dodijiwä waiquiwä cudeenö, Sara a loo mladou waiquilayoma.

Génesis 25:21

Isaacö bei suwäbö Lebeca e lä cui, a ijilubö cublou fa mlacunö, Jeobaa nija bä fe̦yalobönö a nö bayeli nacama. A bayeliblamaö lä bufino wei, Jeobaanö a wa̦ ji̦lilema. Ö̦jö däjä, Lebeca a shöbönabölayoma.

Génesis 30:1

Laquela a shinoco nö bleaama. Bei amiyobö nija, Jacobo bei ijilubö ebä möö fa ayaonö, bei amiyobö a nofi wa̦liboma. Bä fe̦yalobö Jacobo nija, abinaja e cuma. —Camiyä nija, ijilu a taa mö da feduba, bufi wa̦lidiwä tänö ya nomaö mlaobä —a cuma.

Lucas 1:5

Judea jamö Elode a bada lä läono wei däjä, nofi bäyäalewä Sacalia a bälöo mö feduoma. Bä suwäbö Elisabei e a̦fa cuoma. Ö̦jö a suwä lä cui, Aaloni nodiwä e suwä cuoma. ¿Ö̦jö tawä? Nofi bäyäalewä bä ojodamou lä nomöjono wei bä yaiblamoma. Sacalia a lä cui, Abiasi ebä nija a co̦caoma.

Lucas 1:6

Ö̦jö cäcöbö lä cui, Yai Bada nija cäcöbö cadidoma. Bada tänö tä tamaö lä bufii wei tä ja, showadi cäcöbö cadidoma yalo, cäcöbö a̦fa tamobä etä cuonomi.

Lucas 1:8

Bei. Yai Bada etä yafi jamö Abiasi ebä ojodamou nomöjöobä tä lä cublaliyono wei däjä, täbä nofi bäyäabeje jamö Sacalia a läoma. Ö̦jamö a läo däjä,

Romanos 4:19

¿Ö̦jö tawä? Ablaamö a ma wa̦lobadaono wei ma cui, a mölaö showaoma yalo a bufi lofotoo fe yadio showaoma. Bä ijilubö e taabä etä ca̦i cuonomi. Lasha 100 a jayumaö ajedeo waiquioma. Bä suwäbö Sara a ma cui, a shibönabödalou fa mlacunö a ijilubö cuonomi showawä. Ö̦jö ma cui, Yai Bada tä a̦ nofi mölabou cadidio showao fe yadioma.

Hebreos 11:11

Sara a lä cuinö, Yai Bada a wa̦ nofi mölaboma yalo, a lofotomaboma. A suwäbada ma waiquiono wei ma cui, a nia shibönaböö fe lä yadiono wei tä ja, a nö wa̦lojomaboma. Bä ijilubö e a̦fa lä wäqueno wei a wa̦ bufiblalema yalo, e cublaliyoma.

1 Samuel 1:2

Ö̦jö Elecana a lä cuinö bä suwäbö ecöbä bolacaboma. Ai e lä cui, Ana e a̦fa cuoma. Ai e mö feduwä lä cui, Benina e a̦fa cuo mö feduoma. ¿Ö̦jö tawä? Benina bä ijilubö ebä shi̦lo cuoma. Ana bä ijilubö cuonomi.