Lucas 1:68 - Biblia Yanowamö

⁶⁸ —Isaeli bäma ecö nija a Bada lä bufiblamou wei a waloqueyoluma, cama bäma ecö nowa co̦amabä. ¡Bäma a nofi da doabla, ö̦jö lä!

Lucas 1:68 Iomraidhean Croise

Génesis 14:20

Ö̦jö Yai Bada a Bada lä ayai a lä cuinö, wa nö wa̦lojoblamaö fa ayalonö, bä nö lä nabämono wei, wa bä nö bleaamabodayoma. Cafä nija bä noshi ö̦jödaboma cudeenö, showadi cama a nofi shino doablamobä —a cuma. Ö̦jö däjä, täbä lä co̦leno wei täbä ja, Ablamönö Mequisedeco a dobälema. Täbä bluca lä co̦leno wei, fe usucuwä 10 täbä fa shedequeblalönö, ö̦jö ai moli täbä ja, Mequisedeco a dobälema.

Génesis 24:27

abinaja a cuma. —¡Cama Jeobaa a nofi shino yai doablamobä! Iba bada Ablaamö a lä cuinö, tä lä bufiblaö wei tä showawä lä cui. Showadi Ablaamö a lä nofimaö wei, a nofimaö malä showale. A wa̦ nö wäo ja, a lä cuno wei tä ja, a cadidou showaoma. Camiyä ya ma cui, yale fa bayeliblalönö, yale waloa cadidimaquema. Ablaamö ebä mashi cadidiwä yafibö jamö, Jeobaanö wale lulubou cadidioma —a cuma.

Génesis 9:26

Jeobaa ya lä bufiblaö wei nija, ijiluyä Semö a lä cui, showadi ö̦jö a nia shino bayeliblamamou ayao. A nosie juamobä, Canaana a nia tabou.

Éxodo 4:31

Ö̦jö däjä, tä a̦ bejedi bufia showadalemaje. Jeobaanö Isaeli ebä nofi lä jaducubono wei tä a̦ ji̦lilemaje. Cama nija bä nö bleaaö lä dablamono wei tä a̦ ca̦i ji̦lilemaje. Ö̦jö tä a̦ bluca fa ji̦liläjenö, bä möfe fa boolalunö, Jeobaa a wa̦fa Bada doblao tamaje.

Lucas 1:71

’A nia lä shömano wei a lä cuinö, bä nö lä nabämou wei bä nija, bämalecö nia jo̦wa jucäaö co̦oma —a cuma—. Bämalecö nofi lä wa̦libou wejei bä bluca nija, bämalecö nia jo̦wa ca̦i nowamaö showaoma.

Lucas 19:44

Cafä wamacö yafibö nabä fa quebojenö, wamacö lä bälöle wamacö mö nia watäblaöje. Wamacö yafibö wa̦lia fa jödödöblalöjenö, ai ma jamö ma nia maqueo feibloimi. Yai Bada tänö wamacö bayeliblabä ya ma waloqueyoluno wei ma cui, wamale nö ö̦jöböaö fa mlacunö wamacö nö nia bleaaö —a Jesús cuma.

Lucas 2:38

Ö̦jö a lä cui, María nija, José nija a suwä icua fa showadaicunö, Yai Bada nija a bufi a̦fa doblalou wäyämoma. Ö̦jö däjä, Yai Bada nija Jelusaleteli bä bayeliblamobä bä nö bluca lä daono wei bä lä cui bä nija, ijilu Jesús a wa̦fa wäyädima.

Lucas 24:21

’¿Ö̦jö tawä? —cäcöbö cuma—. Ö̦jö ma cui, ö̦jö nija yamacö mölaö fe balojooma. “Isaeli bäma ecö nija fei tä ulifi nia jo̦wa däamaö lä co̦ono wei, ö̦jö a waiquiwä”, yama a nofi tabou dodijio cublelei. ¿Ö̦jö tawä? A lä shäleno wejei bolacabö tä mö didi cublou waiquia lä cule.

Lucas 7:16

Ö̦jö tä ja bä bluca fa quililalunö, Yai Bada a nofi doablaöje ja, abinaja bä cuma. —Camiyä yamacö nija, ¡Yai Bada a wa̦no wäyälewä a bada waloqueyoluu lä cufe! ¡Yai Bada tänö bejedi lä cama ebä bayeliblaö dodijilayoyoluu lä cufe! —bä cuma.

Efesios 1:3

Yai Bada tä nofi shi̦lo yai doablamobä a, Bada tä Jesucristo bä Fö̦ö e lä cui. Jesús lija a lä bufiblamou wei a showawä lä cui. Cristo lija bämacö yädäa yalo, bämacö bufi nia yai lä bayeliblamou wei täbä ja, bämalecö dobäö waiquia lä culadi.

Efesios 1:7

Wa̦lidiwä tä ja, Jesucristo i̦yäbönö bämalecö fujeblamalema. Bämacö doblou lä mlai tä nowa mladamalema. ¿Ö̦jö tawä? ¡Bejedi lä bämalecö nofi ojodabou!

Hebreos 9:12

E yano yai nowamaö lä dodijiladi jamö, Cristo moli a fadou waiquilayoma. A lucäö co̦obä etä cuami. Shibo bä i̦yäbö ca̦i mlai ja, baca bä ocalo ca̦i i̦yäbö mlai ja, cama i̦yäbö ca̦i yai famolayoma, ö̦jö i̦yäbö ja, bämacö doblou lä mlai tä nowa co̦amamou shi wa̦lii showadaobä.

1 Pedro 1:3

Awei. No mlai ja Yai Bada tänö bämalecö nofi ojodabou fe balojooma yalo, bämacö bufi doblalobä bämacö. Bada tä Jesucristo bä Fö̦ö e nija, bämacö bufi a̦fa shino doblalou da wäyämo, Jesucristo nija a lä bufiblamou wei a showawä lä cui nija. ¿Ö̦jö tawä? Dude bämalecö bufi tablaö co̦layoma. Jesucristo a demi jocädou co̦layoma yalo, bämacö mölaö showalanö bämacö cua lä cule.