Lucas 1:53 - Biblia Yanowamö

⁵³ Bä lä ofäö wei, dodijidawä tä ja bä ma dodijamaö däjä ma cui, bä nö lä madofibö wei bä lä cui, ö̦jö bä bloque shömaö co̦o.

Lucas 1:53 Iomraidhean Croise

Mateo 5:6

’Yai Bada nija bä cadidou bufi lä doblao wei bä lä cui, ö̦jö bä bufi yai doblalobä cäbä. Yai Bada tänö bä bufi nia malä doblamabou wei.

Lucas 1:54

Isaeli bäma ecö lä cui, Yai Bada tänö bämalecö bayeliblaö, a nosie juamobä bäma ecö lä cui. ’A wa̦fa wäyämou lä balöono wei, tä a̦ nofi jaducubolanö bämalecö nofi ojodabou,

Lucas 6:21

’Yai Bada nija wamacö cadidou bufi lä doblao wei wamacö lä cui, wamacö bufi yai doblalobä wamacö. Yai Bada tänö wamacö bufi nia malä doblamabou wei. ’Wamacö lä ö̦cöö wei wamacö lä cui, wamacö bufi yai doblalobä wamacö. Wamacö nia i̦cablalou malä majöo wei.

Lucas 6:24

Abinaja Jesús a cuma. —Ö̦jö ma cui, wamacö nö lä madofibö wei wamacö nö nia bleaaö majöo. Fei wamacö bufi dodijaö lä waiquile, ö̦jö tä waiquiwä.

Juan 6:35

Abinaja Jesúsnö bä nowa taö ja a cuma. —Bä ba̦limi cuobä cäcö nii lä cui, ö̦jö bei ya. Camiyä nija bä lä juu wei bä nia ofäimi. Camiyä wale a̦ bejedi lä bufii wejei bä nia amishaö co̦daaimi.

1 Corintios 1:26

Iba wamacö. Bä bufi da jaducäicu. Yai Bada tä a̦ ja wamacö bufi jaba lä jaducäblaliyono wei däjä, yanowamö täbänö wamacö nofi tabobeje wamacö bluca cuonomi. Wamacö bufi a̦fa dao tanomije. Wamacö nosie fuabeje wamacö ca̦i cuonomi. Wamacö a̦fa bada wäyänomije.

1 Corintios 4:8

Wamacö jolemou dicoo. Wamacö bufi fudädäwä ca̦i bälöo dodijio mlaicätä. Wamacö nö madofiböo dodijio mlaicätä. Jai blowäjäwä wamacö yamili bälöo dodijio mlaicätä. ¡Blowäjäwä wamacö bejedi bälöaö yaio nowa! Wamacö jo̦wa blowäjäwä bälöa lä dodijile jamö, yamacö bälöo naleobä.

1 Samuel 2:5

Bä jaba dodijidawä lä bälöo wei bä ofäö fa majöonö, shomi täbä lija bä nosiemamou majöo. Ö̦jö ma cui, bä nö jaba ofili lä bleaaö wei bä iyaö majöo. Bä ijilubö ebä jaba cublou lä mlaono wei bänö, bä ijilubö 7 ebä tabou majöoje. Ö̦jö ma cui, bä ijilubö ebä jaba lä blucao wei bä lä cui, bä bufi nö bleaaö nomöjöo.