Lucas 1:51 - Biblia Yanowamö

⁵¹ Cama a lojodenö a nö wa̦lojaö. ’“Camiyä cä yai”, bä nofi lä tamamou wei, Yai Bada tänö bä yashublaö shelelou.

Lucas 1:51 Iomraidhean Croise

Génesis 11:8

¿Ö̦jö tawä? Jeobaa a lä cuinö, inaja showawä bä caficö a̦ fa tablamalönö, yafi bluca bä nia ma i̦tamano wejei ma cui, bä waiquidou showalayoma. Ö̦jamö culanö bä fa shedequeblalunö, jödödöwä tä ulifi jamö bä bälöjöolaliyoma.

Génesis 6:5

Jeobaa a mamo fa showaicunö, jödödöwä tä jamö, yanowamö täbä dobloimi daa fe balojolalema. Wa̦lidiwä tä ja, showadi täbä bufi mö shino blucaoma. Bä nofi lä jushuaö wei tä fa dalalönö,

Génesis 8:21

Jeobaa nija, yalo bä nö ö̦shö lä̦shamou fa liyäjäonö, abinaja a bufi cuma. “Fei däjä, yanowamö täbä nowa ja, ya tä nia ulifi wa̦liaö co̦daaimi. Bä bluca demi lä juu wei, ya bä nia ca̦i waicaö co̦daaimi, ya tä ulifi lä tablamalöfenaja. Bä ma osheo däjä ma cui, bä dobloimi malä showadai. Wa̦lidiwä tä ja, showadi bä bufi shino dayäodii.

Romanos 1:21

Yai Bada tä ma dano wejei ma cui, “Ö̦jö a yai bufiblamobä a”, bä bufi cunomi. Ö̦jö lija bä ma bayeliblamou wei ma cui, bä bufi a̦fa doblalou ca̦i wäyämonomi. Tä nowa lä mlai tä ja, bä bufi shi̦lo cuaablalou bädaoma. Bä bufi dao fa mlacunö, bä bufi mö dödölayoma.

2 Corintios 10:5

Yai Bada etä a̦ ji̦liaö mlaobeje, ai bä a̦ shi̦lo lämodii ma cui, yama bä a̦ nö wa̦loblamaimi. Ala nacö badanö bä fe dadomabou lä culajeinaja, tä a̦ ji̦liaö mlaobeje tä lämabou ma cuo wejei ma cui, yama etä wa̦liaö cuaaö. Bä bufi ma shominajaablalou wei ma cui, Cristo a wa̦ dodijidawä fuabeje yama bä bufi li taamaö fe yadio.

1 Pedro 5:5

Fiya wamacö lä cuinö, bada wama bä a̦ ca̦i nia juaö. ¿Ö̦jö tawä? Bluca wamacö ma cui, wamacö a̦ dodijidawä juayobä wamacö. Cafä wamacö jömöo mlai, ai wama bä a̦ shino ji̦liabä. Abinaja tä a̦ malä cuu wei. Cama bä lä jömöo wei bä lä cui nija, Yai Bada a bufi lämou. Ö̦jö ma cui, bä jömöo lä mlai bä lä cui bä nofi yai ojodabou. ¿Ö̦jö tawä? Einaja tä a̦ cuu.

Apocalipsis 18:8

Inaja Babiloniateli bä bufi li cuu cudeenö, yedu bä nomablobä etä nia wayu cublou, bä mö ö̦cöbä. Bä nia ca̦i ofälayou. Cowa wacöbänö bä nia ca̦i ö̦shölaliyo. ¿Ö̦jö tawä? Yai Bada tä Bada lä cui, bä dobloimi jömabä a showawä lä cui, ö̦jö a nö shino malä wa̦lojaö wei —a cuma.