Lucas 1:41 - Biblia Yanowamö

⁴¹ María a wa̦ fa ji̦lilänö, Elisabei bä ijilubö e lä didibono wei e i̦cali qui̦blaliyoma. Ö̦jö däjä, Yai Bada tä Bufinö Elisabei a fa jödödöblalunö,

Lucas 1:41 Iomraidhean Croise

Génesis 25:22

Bei ijilubö ecöbö didio bolacaoma. Cäcöbö didibou showao däjä, cäcöbö i̦cali bacäjayou ja, Lebeca a bufi nö bleaama. “¿Wedinaja ya li cuaabä da tawä?”, a bufi cudaliyoma. A bufi fa cudalunö, Jeobaa a wa̦libä a icuquema.

Lucas 1:15

Bada dodijiwä a cuobä, Bada tänö a nia malä tablamaö wei. Nashiwä toubä nia coaimi. Ai toubä ma cui, täbä shi lä wa̦lii wei toubä nia coaimi dodijiwä. Bä nöö nija a didio showao däjä, Yai Bada tä Bufinö a nia jödödöbou showao.

Lucas 1:40

Sacalia a yai lä bälöle jamö a co̦blou majölayoma. A fa falönö, Elisabei nija a wa̦ fayoluma.

Lucas 1:42

a wa̦ bädaliyoma. María nija a wa̦ i̦cali faö ja, abinaja e cuma. —Suwä bluca bämacö ma cule, Yai Bada tänö cafä wa bayelibobä wa yai. Ijilufä wa nia lä tablaö wei a ma cui, ö̦jö a nia ca̦i bayelibou fe balojoo.

Lucas 1:44

Bäfä a̦ lä ji̦liaö wei däjä, ijiluyä ya lä didibole a bufi doblalou ja, i̦cali a malä qui̦blalufe.

Lucas 1:67

Ö̦jö ijilu bä fö̦ö e a̦ falayoma, Sacalia a lä cui. Yai Bada tä Bufinö a fa jödödöblalunö, Yai Bada a wa̦no wäyäö ja, abinaja a cudaliyoma.

Lucas 4:1

Jodana u jamö Jesús a culanö, a waloa co̦quema. Yai Bada tä Bufinö a jödödöbou ja, ulifi bloque jamö a lulubou cuaama.

Hechos 2:4

Inaja tä fa cuonö, Jesucristo bluca ebä nijamö, Yai Bada a Bufi fa jödödöblalunö, bä a̦ faö shomiblamalema. Yai Bada a Bufinö bä a̦ fa bädamanö, shomi bä caficö a̦ ja bä a̦ bluca fadou cuaama.

Hechos 4:8

Ö̦jö däjä, Yai Bada tä Bufinö Pedro a fa jödödöblalönö, a wa̦ juo shalilioma. —Bada wamacö lä läo wei wamacö. Wamacö bufi lä walalai wamacö ca̦i bada.

Hechos 6:3

¿Ö̦jö tawä, iba wamacö? Ö̦jö cudeenö, cafä wamacö nija 7 wama bä nia yaiaö, nii showadi bä jöbäbeje jamö, yama bä lämabobä. Bä a̦fa wayoamou dao lä mlai wama bä nia yaiaö, Yai Bada tä Bufinö bä lä jödödöbou wei, bä bufi ca̦i lä jaducui.

Hechos 7:55

Ö̦jö ma cui, Yai Bada tä Bufinö Esteban a fa jödödöblalunö, fedu jamö a mö fa nonoicunö, Yai Bada bei tä shi̦i dalalema. Jesús a ca̦i ublaa dalalema, Yai Bada jayu boco mashi jamö.

Hechos 9:17

Inaja a nowa fa talönö, Anania a aa showalayofälöma. A fa yafilönö, Saulo a dalalema. Imicö maquelanö, abinaja a nowa tama. —U̦asi. Saulo. Cafä nijamö, Bada tä Jesúsnö wale shömölei lä cufe, wa juimabä jamö a dablamou lä läono wei a lä cuinö. Wa mamocu dodijidablou co̦obä wale shömölema, Yai Bada tä Bufinö wa ca̦i jödödöblou showaobä —a cuma.

Efesios 5:18

Nashiwä toubänö bä shi ca̦i wa̦li dijä. Ö̦jö toubä wayunö täbä malä wa̦lidiblou wei. Ö̦jö toubä ja wamacö taamamou mlai, Yai Bada tä Bufi lija bä bufi yai da jödödöblamamolu.

Apocalipsis 1:10

Bada tä Jesucristo ebä yododabä tä mö jalu ja, Yai Bada tä Bufinö wale lojodobolanö, bei ya mabucabö jamö ya wa̦ ji̦lia mö talema. Amowa fibä jolaöje däjä fibä a̦ nacläaö lä cuaaö weinaja a wa̦ nacli cuoma.