Lucas 1:2 - Biblia Yanowamö

² Yamalecö yömölaöje ja bä lä cuno weinaja, inaja showawä tä a̦ oniblaö cadidiomaje. ¿Ö̦jö tawä? Tä bluca lä cuaano wei däjä, bä mamo lä showaono wei bä lä cuinö yamalecö yömölamaje, tä a̦ showadi lä wäyäno wejei bä lä cuinö.

Lucas 1:2 Iomraidhean Croise

Marcos 1:1

Ei Jesucristo dodijidawä etä a̦ colo, Yai Bada bei Ijilubö e lä cui.

Marcos 16:20

Ö̦jö däjä, cama ebä fa alufälönö, jödödöwä täbä lä bälöblai bä nijamö bä yömölaö blaucou cuaamaje. Bä yömölaöje däjä bä a̦ nö bejedi ö̦jöböamobä, Bada tänö bä ca̦i bayeliblaö cuaama, tä nö lä quilijii tä wawämaö cuaabeje. Inaja lä tä yai cuoma.

Marcos 4:14

’Mobä lä shäyäjaö wei a lä cuinö, Yai Bada etä a̦ lä wäyäö wei, ö̦jö ya tä a̦fa yai taö lä cufe.

Lucas 24:48

’Ya showadi lä cuaano wei wamale möma cudeenö, wamale a̦fa wäyäbä wamacö waiquiwä.

Juan 15:27

Cafä wamacö ma cuinö wamale a̦fa wäyäbä wamacö li. Ya bä jaba lä yömölano wei däjä, camiyä nija wamacö cudio fa showaonö, wamacö cua showaa malä cule.

Juan 16:4

’Bämacö yömölaö balöa lä cule. Inaja cama bä yai cuaaö däjä, ya bä a̦fa lä wäyäfe wama tä a̦ nofi jaducubobä. Jaba däjä inaja bämacö nowa taö showadaonomi. Bämacö ca̦i nia cudioma yalo, ya wa̦ faö jaöonomi. Fei däjä, wawädowä bämacö nowa taö lä cule.

Hechos 1:3

A nö lä bleaamano wejei däjä a fa nomalönö, a demi ca̦i jocädou fa co̦lonö, cama ebä showawä lä cui nija a demi damoa co̦laliyoma. A lä cuaano wei tä blucanö, a nö demi ö̦jöbömolayoma. 40 tä mö didi cublou jaöo mlao däjä, ö̦jö bä nija a dablamou lä cuaale jamö, Yai Badanö cama ebä nia ca̦i lä cuo wei tä a̦ wäyäö cuaama.

Hechos 1:8

Ö̦jö ma cui, cafä wamacö nija Yai Bada tä Bufi bälöo däjä, wamacö nö wa̦lojoblobä, wamacö nia bayeliblamou. Ö̦jö däjä, Jelusaleteli bä nija wamale a̦fa nia wäyäö. Judea jamö ma cui, Samalia jamö ma cui, wamale a̦fa wäyäö fa cuaaimadunö, täbä bälöo lä jödödole jamö ma cui, wamale a̦fa nia wäyäö cuaaö —a cuma.

Hechos 14:25

Ö̦jamö, Bejeteli bä nija Jesucristo etä a̦ wäyäböö fa jayuaimadunö, Adalia jamö cäcöbö waloa majöquema.

Hechos 16:6

Pablonö bä ca̦i lä cuono wei bä nija, Asia jamö Yai Bada tä Bufinö tä a̦ wäyäö wasöma. Ö̦jö cudeenö, Flijia ma cui jamö, Calasia ma cui jamö, ö̦jamö lä bä shino jayuquefälöma.

Hechos 17:11

Ö̦jö bä judio lä cuinö tä a̦ ji̦liaö bufi doblaomaje. Ö̦jö bä bufi shino yai walalao dodijioma, Desalonicateli bä bufi lä cuono weinaja mlai. Cäcöbö a̦ nia bejedi fa möjenö, Yai Bada showadi etä a̦ oni mömaje.

Hechos 26:16

A da ublaicu. Bäfä shömabä, cafä nija ya dablamou lä cule. Wale a̦ juabä bäfä yailema, wale a̦fa wäyäö cuaabä. Fei däjä ya lä dablamole ma cui, cafä nija ya nia obi lä dablamou wei ma cui, ö̦jö wa tä a̦ bluca wäyäbä.

Hechos 4:20

Yafä tä lä möno wei tä ma cui, yafä tä a̦ lä ji̦lileno wei tä a̦ ma cui, yafä tä a̦ wäyäö mladobä tä cua malä mlai —cäcöbö cuu mö feduoma.

Hechos 8:4

Bei. Jesucristo ebä lä sheleleblaliyono wei ebänö, etä a̦ wäyäö cuaamaje.

Romanos 15:16

¿Ö̦jö tawä? Judio bä lä mlai bä lija, Jesucristo ya etä a̦ dodijidawä wäyäbä wale tablamalema. Yai Bada ya wa̦ dodijidawä wäyälanö, nofi bäyäalewä bänö täbä nowamaö lä cuaaö wejeinaja, ya bä nofi bäyäbou li cuobä. Yai Bada a dobäö lä cuaaö wejeinaja, inaja showawä, judio bä lä mlai bä ja, ya dobäö cuo mö feduobä. ¿Ö̦jö tawä? Cama ebä cuobä, Yai Bada tä Bufinö bä fa yaimacönö, dodijidawä bä nofi nia tabou.

1 Corintios 4:1

Abenaja yamalecö nofi shi̦lo tabobä. “Jesucristo a wa̦ lä fuaö wejei cäbä. Yai Bada lija bä lä ojodamou wei cäbä, etä a̦ wawäblamabeje.” Einaja yamalecö nofi shi̦lo yai tabobä.

Hebreos 2:3

bämacö bufi yai da jaducäblo, ö̦jö lä, camiyä bämalecö nö bleaamaö nomöjöo mlaobä. Bämacö nia lä fucäamou wei tä a̦ lä cui, cama Bada tä showawänö, tä a̦ wäyäö balöoma. Ö̦jö däjä, camiyä bämacö lija a wa̦ lä ji̦liano wejei bänö, walalawä a wa̦no wäyäö nomöjöomaje.

1 Pedro 5:1

Jesucristo wama ebä ca̦i lä yododaö wei wamacö lä cui nija ya wa̦ nia faö nomöjöo, camiyänö iba ya bä ca̦i yododaö mö lä feduo wei ya lä cui. Jesucristo ya nö bleaaö lä dalaleno wei cä ya. Fedu jamö a lä doblaladi tä wawäblou däjä, camiyä ma cui ya nia doblao cuo mö feduo. ¿Ö̦jö tawä? Ö̦jö lä ya lä cuinö, abinaja bämacö nowa taö lä cule.

2 Pedro 1:16

Cafä bämacö yömölaö däjä yamacö bejedimoma. Inaja wamalecö nofi tabobä ya wa̦. Yanowamö täbä mölamabeje täbä jole lä cuu weinaja yama bä a̦ owäblalanomi. Ma. “Bäma bä joleblamabä, abinaja bämacö yai cubä”, yamacö nowa ca̦i tayonomi. Bada tä Jesucristo lä cui, bejedi lä yama etä doblao dalalema. A waloo däjä, a nö yai wa̦lojayoluma, cafä wamacö nija yamacö da cubleinaja showawä.