Lucas 1:13 - Biblia Yanowamö

¹³ Ö̦jö ma cui abinaja a̦jelenö a nowa tama. —A quili dijä, Sacalia. Yai Bada nija wa nö bayeli lä nacao wei tä a̦ ji̦lio culadi. Suwäböfä Elisabei a lä cuinö, ijilufä a nia tablaö. Juan wa wa̦fa nia jilaö.

Lucas 1:13 Iomraidhean Croise

Génesis 17:10

Cafä sho, ijilufä bä nia nodiwä cuo lä juo wei bä sho, dodijidawä bämacö ca̦i cuo mö feduobä, ya wa̦ nö wäo. Cafä wamacö wa̦lo bluca lä cui wamacö mosi sicö nia joyamou.

Génesis 17:19

—Ma, ö̦jö mlai —Yai Bada a cuma—. Suwäböfä Sara a yainö, ijilufä a nia tablaö. Isaacö wa wa̦fa nia jilaö. Ö̦jö lä ya nia fa bayelibonö, ya wa̦ nö mada wäoblei. Cama bei ijilubö ya ebä nodiwä ca̦i bayelibou juo showaobä.

Génesis 18:14

Camiyä Jeobaa yale doblamaö mlaobä tä cuami. Obi, ei a belibo cublou co̦o däjä, bäfä fe waloo co̦o weicätä. Ya wa̦ nö wäo malä waiquiofe. Ö̦jö däjä, Saranö bei ijilubö e nia tabou —a cuma.

Génesis 25:21

Isaacö bei suwäbö Lebeca e lä cui, a ijilubö cublou fa mlacunö, Jeobaa nija bä fe̦yalobönö a nö bayeli nacama. A bayeliblamaö lä bufino wei, Jeobaanö a wa̦ ji̦lilema. Ö̦jö däjä, Lebeca a shöbönabölayoma.

Mateo 1:21

Ijilu wa̦lo a nia tablaö. Cama ebä lä cui, bä doblou ma mlai ma cui, etä nowa nia mladamaö. ¿Ö̦jö tawä? Etä nowa nia mladamaö cudeenö, Jesús wa wa̦fa nia jilaö —a nowa majali tama.

Mateo 14:27

Bä ma quililaliyono wei ma cui, lobe bä quilii wasöblalema. —Bä bufi da lojododalu. Ei camiyä cä ya. Bä quili dijä —bä nowa tama.

Mateo 28:5

Suwä cäcöbö nija abinaja a̦jele e cuma. —Cäcöbö quili dijä. Jesús wafä a lä dayäboyoi bäfäcö daö, fii balitama defi jamö a lä basuono wei a lä cui.

Marcos 16:6

Abinaja tä cuma. —Bä bufi shädayaimo dijä. Nasaleteli Jesús wama a lä dayäboyoi, fii balitama defi jamö a lä basuqueno wejei a lä cui, fei däjä äyämö a cuami. A demi jocädou waiquilayoma. A nomawä lä maquequeno wejei wama tä möblaaö balöobä, ö̦jö lä.

Lucas 1:14

Ö̦jö nija wa bufi nia doblalou. Ai bä ma cui, ijilufä a oshe wawäblou cudeenö bä bufi nia bluca doblalou cuaaö.

Lucas 1:30

Ö̦jö däjä, María nija abinaja a̦jele e cuma. —A quili dijä, María. Yai Bada tänö wa bayeliblabä, wa nofi ojodabou waiquia lä cule.

Lucas 2:21

Ö̦jö däjä, 8 tä mö didi fa cublalunö, ijilu mosi sicö joyalemaje. Mosi sicö fa joyalöjenö, Jesús a wa̦fa ijilu jilaquemaje, bä nöö e shöbönaböo showao mlao däjä, a̦jele anö a wa̦fa jilaamaö lä bufino weinaja showawä.

Hechos 10:31

Ö̦jamö a fa ubladalunö, a wa̦ fama. “Conelio”, a cuma. “Showadi Yai Bada nija wa nö bayeli lä nacao wei, tä a̦ ji̦limou culadi. Bä lä jo̦li wei wa bä showadi lä dobäö wei, ö̦jö tä ca̦i dablamodayou. Yai Bada tänö wa nofi jaducubou lä culadi.

Jueces 6:23

abenaja Jeobaa e cuma. —A bufi da yanöcöicu. Quili dijä. Wa nia nomaimi —e cuma.

1 Samuel 2:21

¿Ö̦jö tawä? Jeobaanö Ana a bayeliblaö fa co̦onö, a shibänaböa co̦layoma. Bä ijilubö 3 ebä tablaö co̦layoma. Bä tää bolacabö ecöbä. Bä ijilubö Samuel e lä cui, Jeobaa a lä cule jamö e yawäfälöma.