Levítico 6:2 - Biblia Yanowamö

^2-3 —Abinaja ai bä cuaaö si ijejeo fa dicoonö, Jeobaa yanö ya tä nowa tabou. Ai anö, cama bä showawä ma cui, a mölamaö. Etä madofi nowamabä a ma cui, e däaö läo. Etä majöaö ma cui etä co̦amaimi. A tomömou. A fa waitelionö etä däaö fe yadio. Ai etä madofi nofi lä mojodulayono wei etä ma tabole ma cui, a wa̦ mojodumou. A wa̦ nö wäamaö ma cujei a jolemou.

Levítico 6:2 Iomraidhean Croise

Colosenses 3:9

täbä lä joleblamaö wejei tä ca̦i lä cui, ö̦jö wama tä nia ca̦i bluca mladamaö. Yanowamö täbä bufi showadi lä cuaablalou wei, wama tä waia malä waiquileno wei. Wamacö jaba lä cuaano wei tä ca̦i.

Hechos 5:4

’Wa täca jöböaö showao mlao däjä, afä täca cadidiwä cuoma. Wa täca fa jöböcönö, ö̦jö täca nowa ja wa bä blada lä däleno wei, afä bä ca̦i blada cuo showaoma. Wa bä jöböaö bufi doblao ja, wa bä jöböabä bä li cuoma. Wa bä noshi umabou bufi doblao ja, wa bä noshi ca̦i umabobä. Einaja tä yai ma cuono wei ma cui, ¿wedi tä tabä, jai wa bä comi jöböquema bei wa wa̦ li cuaaö dicooma? Yanowamö yamacö nija wa jolemonomi. Yai Bada nija wa yai jolemoa dicolayoma —Pedronö a nowa tama.

Levítico 5:15

—Camiyä Jeobaa ya nija etä nowa co̦amabeje tä bluca cublawä. Etä nowa cua ja, täbä ca̦i jubeje, iba täbä nia yaio. Ai anö etä ca̦i juimi dicoo ja, tä wa̦lidiwä. “Ya jolemou daanö”, cama a bufi cuu ma mlai ma cui ya etä nowa tabou. ¿Ö̦jö tawä? Wa̦lidiwä etä nowa co̦amabä, Jeobaa ya nija oweja wa̦lo a nia ca̦i juimaö, a lä dodijidai, etä wai jalili yädäa lä mlai. Ö̦jö a nowa yalo lä cui, cafänö wa nowa nia jayublaö, iba yano jamö showadi täbä nowa wawämaö lä culajeinaja showawä. ’¿Ö̦jö tawä? —a cuma—. Wa̦lidiwä etä nowa co̦amabä a.

Apocalipsis 22:15

Sibo jamö ai bä nia cuo. Bä shamiaö bufi lä doblao wei bä nia siboo, fecula bä nija täbä nabä lä shömaö wejei bä ca̦i. Bä lä joleblalou wei bä ca̦i. Täbä lä shäö wejei bä ca̦i. Nö idubö täbä lä bufiblaö wejei bä ca̦i. Bä jolemou bufi lä doblao wei bä ca̦i, bä showadi lä jolemou wei.

Efesios 4:25

Ö̦jö cudeenö bä caficö jolemo dijä. Aifä bä lija wamacö caficö bluca shi̦lo yai bejedimobä. Moli bämacö mashi waiquiwä malä cui.

Juan 8:44

’Faafä fecula bada wama ecö yai ijilubö. Ö̦jönö tä tamaö lä bufii weinaja, wamacö cuaaö bufi doblao. Jaba däjä ma cui, täbä shäö bufi doblao showaoma. A bejedimou daimi yalo, tä lä bejedi wei tä julii daimi waiquiwä. A jolemou däjä, cama a bufi lä cuaaö wei etä wawälayou. Jolemolewä a waiquiwä malä cui. Bä lä jolemou wei bä lä cui, ö̦jö nija bä li fö̦ömou.

Levítico 5:19

¿Ö̦jö tawä? Wa̦lidiwä tä nowa co̦amabä a. Jeobaa yanö ya tä nowa malä tabole.

Levítico 6:1

Moisesi nija abinaja Jeobaa a cuma.

Levítico 1:3

’Baca wa̦lo a nia comi ö̦shö dodobou ja, a lä dodijidai a ca̦i nia icuo, etä wai jalili yädäa lä mlai —a cuma—. Iba yano ja täbä lä fablaaö wei yoca lä cui jamö a ca̦i nia icuo, camiyä Jeobaa yanö dodijidawä ya tabobä.