Levítico 5:3 - Biblia Yanowamö

³ Abinaja ca̦i. Yanowamö täbä nijamö täbä shami shami faö lä bädale tä shami jubaö ja̦too ja etä nia ca̦i shami yädäo. Etä lä yädäle etä wawäblou däjä, etä nowa nia cuo.

Levítico 5:3 Iomraidhean Croise

Levítico 5:2

’Abinaja ca̦i —a cuma—. Ai anö shami tä jubaö ja̦too ja, tä nia shami yädäo. Cama a nia shami cuo nomöjöo. ¿Ö̦jö tawä? Yalo a nomawä lä blale a nomawä jubaö ja̦too ja, ulifi jamö a yalo lä juu wei a ma cui, a yalo lä tabou wejei a ma cui, a lä joleaö wei a ma cui, ö̦jö a jubaö fa ja̦toonö, cama a shami cuo nomöjöo ja, etä nowa nia cuo.

Levítico 5:4

’Abinaja ca̦i —a cuma—. Bufi jaducua mlalanö bä caficö cuu lä bädao weinaja, ai a wa̦ nö wäo noshi jalilao buo ja, tä wa̦lidiwä. Abinaja a lä cuu wei, “Ya jolemoimi. Jeobaa a malä cule”, a cuu lä bädao wei etä nowa nia ca̦i cuo. Wa̦lidiwä tä tamobä tä ma cui ja, dodijidawä tä tamobä tä ma cui ja, a wa̦ noshi jalilao buo ja, a bufi jaducublou däjä etä nowa nia cublou.