Levítico 4:3 - Biblia Yanowamö

³ Abinaja Jeobaa a cuma. —Nofi bäyäalewä a bada ma cuinö, ya tä taö lä wasöö wei tä ja a yacläö dicoo ja, bä nofi nia bluca nacaaö. Ö̦jö bluca bä nija ya tä nowa tabou mladobä, baca ocalo a nia wa̦lo dodobou, a lä dodijidai. Etä wai jalili yädäa lä mlai a yalo ca̦i fa juimanö, camiyä Jeobaa ya nija a nia dodobou, etä nowa mladobä.

Levítico 4:3 Iomraidhean Croise

Levítico 1:10

’Oweja wa̦lo a ma cui, shibo wa̦lo a ma cui, ö̦jö a nia comi ö̦shö dodobou ja, a lä dodijidai a nia ca̦i icuo, etä wai jalili yädäa lä mlai —a cuma—.

Levítico 1:3

’Baca wa̦lo a nia comi ö̦shö dodobou ja, a lä dodijidai a ca̦i nia icuo, etä wai jalili yädäa lä mlai —a cuma—. Iba yano ja täbä lä fablaaö wei yoca lä cui jamö a ca̦i nia icuo, camiyä Jeobaa yanö dodijidawä ya tabobä.

Levítico 16:11

’¿Ö̦jö tawä? —a cuma—. Aaloni cama a doblou lä mlai tä nowa wa̦lidiwä mladobä, baca wa̦lo a nia dodobou. A nia shäö. Cama a ma cui, bä ca̦i lä cule ebä ma cui, ö̦jö bä nija ya tä nowa mladamabä, tä nia taö.

Levítico 16:3

’Abinaja Aaloni a cuaalanö, iba yano lä nowamaö wejei jamö a nia shino juu —a cuma—. Camiyä Jeobaa ya nija, yalo cäcöbö dodobobä cäcöbö nia ca̦i lucäö. Wa̦lidiwä etä nowa mladobä, baca wa̦lo a ocalo ca̦i nia juu. A ö̦shömabä, oweja wa̦lo a ca̦i nia juu showao.

Levítico 16:5

’Wa̦lidiwä etä nowa mladobä, cama Isaeli ebä blucanö, Aaloni nija shibo 2 cäcöbö wa̦lo nia jöbäaöje —a cuma—. A ö̦shö dodobobä, oweja moli a nia wa̦lo ca̦i jöbäaöje.

Levítico 16:6

Ö̦jö däjä, cama Aaloni a doblono lä mlai etä nowa mladobä, baca wa̦lo a nia dodobou. Cama ma cui, bä ca̦i lä cule ebä ma cui, ö̦jö bä nija ya tä nowa mladamabä, a nia taö.

Levítico 4:14

Bä doblou lä mlaono wei tä wawäblou däjä, cama bä blucanö baca ocalo a nia wa̦lo dodobouje. Wa̦lidiwä tä nowa mladobä a dodobobeje cä a. Iba yano tä je̦fa jamö a nia ca̦i juuje.

Levítico 4:23

a doblono lä mlai etä wawäblamaöje däjä, shibo a dodobobä, bada anö a nia ca̦i juimaö. Shibo a lä dodijidai a nia wa̦lo ca̦i juimaö, etä wai jalili yädäa lä mlai.

Levítico 4:28

A doblono lä mlai etä wawäblamaöje däjä, shibo a dodobobä a nia ca̦i juimaö. A doblono lä mlai tä nowa ja, shibo a lä dodijidai a ca̦i nia suwä juimaö, etä wai jalili yädäa lä mlai.

Levítico 4:5

Ö̦jö däjä, ö̦jö nofi bäyäalewä bada anö, baca i̦yäbö mashi fa dälänö, iba yano jamö i̦yäbö ca̦i nia faö.

Levítico 5:6

Tä doblono lä mlai etä nowa mladobä, camiyä Jeobaa ya nija, yalo e nia ca̦i juimaö. Oweja ocalo a ma cui, shibo a ma cui, suwä a ca̦i fa juimanö, wa̦lidiwä etä nowa co̦amabä e ca̦i yalo fa waloicunö, a doblono lä mlai ya etä nowa mladamabä, inaja nofi bäyäalewä a nia cuaaö.

Números 16:22

Ö̦jö däjä, mashita jamö Moisesi, Aaloni sho cäcöbö möfe boblaquema, Yai Bada tä nija. Abinaja cäcöbö cuma. —Yai Bada wa tä lä bufiblamou wei wa tä. Cafä Yai Bada wa tä lä cuinö, bluca yamacö lä bälöblai yamalecö demi tabou. Yanowamö moli a doblou lä mlale jamö, bluca bä showadawä nija ¿bei wa nia jushudou showadao daanö? Inaja wa cuaabä wami —cäcöbö cuma.

Romanos 8:3

¿Ö̦jö tawä? Yanowamö bämacö showadi dobloimi yalo, Moisesinö tä a̦ ma lämaqueno wei ma cui, ö̦jö tä a̦ ja, bämacö nö bayeli cublobimi waiquiwä. Ö̦jö ma cui, Yai Bada tänö bämalecö bayeliblaö fe yadioma. Cama bä Ijilubö e fa shimölödunö, e yanowamöblaleyoluma. Bämacö doblou lä mlai tä nowa ja, a shämou läobä. Bä Ijilubö e lija tä nowa mladamabä, a shämalema,

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Hebreos 5:3

¿Ö̦jö tawä? Cama a bufi yabäcamou mö feduwä yalo, ai täbä doblono lä mlai etä nowa mladobä, tä nia taö ayaomi. Cama a showawä ma cui, a doblono lä mlai etä nowa mladobä, tä ca̦i taö mö feduo showadao.

Hebreos 9:12

E yano yai nowamaö lä dodijiladi jamö, Cristo moli a fadou waiquilayoma. A lucäö co̦obä etä cuami. Shibo bä i̦yäbö ca̦i mlai ja, baca bä ocalo ca̦i i̦yäbö mlai ja, cama i̦yäbö ca̦i yai famolayoma, ö̦jö i̦yäbö ja, bämacö doblou lä mlai tä nowa co̦amamou shi wa̦lii showadaobä.