Levítico 3:12 - Biblia Yanowamö

¹² ’Wale a̦ oquemabobä, shibo a dodobou ja, camiyä Jeobaa ya nija a ca̦i fa juimanö,

Levítico 3:12 Iomraidhean Croise

Isaías 53:2

Jeobaa a nosie fuamobä e yai lä cui, jai tefi cauu fe lä yadio weinaja e tamaboma, mashita jifuwä jamö tefi nasöcö fuu fe lä yadio weinaja showawä. “Fei a liyäjäwä dao”, bäma a nofi ca̦i tabonomi. Bäma a möbä etä cuonomi. Bäma a nofi mölabobä tä ca̦i cuonomi.

Isaías 53:6

Oweja bä mojoluu si ijejewä lä cuaaö weinaja bämacö bluca cuaaö fa dicoonö, bämacö mojoluolaliyoma. Camiyä bämacö cuaaö bufi lä doblao weinaja bämacö li cuaaö dicooma. Ö̦jö tä nowa ja, Jeobaanö bämalecö nö bleaamabä tä ma cuono wei ma cui, ö̦jö lija tä nowa fa majöcönö, tä li yädämaquema.

Levítico 1:10

’Oweja wa̦lo a ma cui, shibo wa̦lo a ma cui, ö̦jö a nia comi ö̦shö dodobou ja, a lä dodijidai a nia ca̦i icuo, etä wai jalili yädäa lä mlai —a cuma—.

Levítico 1:2

—Camiyänö bäfä nowa lä talenaja, Isaeli ebä da yömöla. Cafä wamacö ai a lä cuinö, camiyä Jeobaa ya nija a dodobobä a yalo ca̦i juu däjä, baca a ma cui ja wale dobäö dao. Oweja a ma cui ja, shibo a ma cui ja, wale dobäö dao.

Levítico 1:6

Yalo a ca̦i lä juu weinö, a si fa yoblalönö a nia cobemaö.

Levítico 3:1

Moisesi a yömölaö showalanö, abinaja Jeobaa a cuu co̦oma. —Jeobaa wale a̦ oquemabobä, ai anö cama yalo e ca̦i juu däjä, cama baca ebä nijamö a lä dodijidai a nia yaiaö. Suwä a ma cui, wa̦lo a ma cui, Jeobaa ya nija etä wai jalili yädäa lä mlai a nia dodobou.

Romanos 8:3

¿Ö̦jö tawä? Yanowamö bämacö showadi dobloimi yalo, Moisesinö tä a̦ ma lämaqueno wei ma cui, ö̦jö tä a̦ ja, bämacö nö bayeli cublobimi waiquiwä. Ö̦jö ma cui, Yai Bada tänö bämalecö bayeliblaö fe yadioma. Cama bä Ijilubö e fa shimölödunö, e yanowamöblaleyoluma. Bämacö doblou lä mlai tä nowa ja, a shämou läobä. Bä Ijilubö e lija tä nowa mladamabä, a shämalema,

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.