Levítico 23:3 - Biblia Yanowamö

³ Wamacö ojodamou showao däjä, 6 wama tä mö nia didi tablamaö. Ö̦jö däjä, 7 tä mö jalu jamö wamacö nia yanöcöo. Jeobaa ya nija wamacö iyaö ca̦i co̦camobä tä mö li jalu. Wamacö nia juimi. Bluca wamacö yanobö lä cublai jamö ma cui, inaja showawä. “Jeobaanö bämalecö yanöcömabobä, ei tä mö li jalu”, wama tä nofi nia jalu tabou.

Levítico 23:3 Iomraidhean Croise

Éxodo 16:23

Tä a̦ wäyäöje ja, abinaja Moisesi a cuu mö feduoma. —Awei. Ö̦jö waiquiwä —a cuma—. Inaja Jeobaanö wamacö taamaö malä bufino wei. Abinaja bä nowa ca̦i taö showaoma. —Fena ja, sábado däjä, wamacö ojodamou yanöcöblobä cätä. Wamacö yanöcöobä tä mö jalu lä cui, tä mö nia jalu yaio, Jeobaa wama tä nofi jaducubobä. Ai wama täbä nia lä yaaö wei täbä ma cui, ai wama täbä nia lä jaliaö wei täbä ma cui, fei däjä ö̦jö wama täbä nia jödödöwä löböblaö showadao. Fena ja ö̦jö wama bä nii waö co̦obä, wama bä ca̦i löbö tabou fe jalubä —bä nowa tama.

Éxodo 16:29

Wamale a̦ da ji̦lilä. Wamacö ojodamou yanöcöblobä, cafä wamacö nija ei ya tä a̦fa jalu wäyäö mada waiquioblei, camiyä Jeobaa yanö. Ö̦jö cudeenö, 6 tä mö jalu lä cui däjä, bluca ya täbä jöböaö showadao, wamacö iyaö co̦obä. ¿Ö̦jö tawä? Sábado däjä wamacö nia yanöcöo. Yano bä jamö wamacö bluca fa cudionö, wamacö nia juimi —a Jeobaa cuma.

Éxodo 16:30

Ö̦jö cudeenö, bä yanöcöobä tä mö jalu lä cublou wei däjä, bä ojodamou mlai, bä yanöcöoma.

Éxodo 34:21

’Wamacö ojodamobä, 6 tä mö nia didi cuo —a cuma—. Ö̦jö tä fena ja, sábado däjä wamacö nia yanöcöo. Ö̦jö däjä, nii bä döamobä tä ma cule, nii bä tamobä tä ca̦i ma cule, wamacö nia yanöcöo fe yadio.

Lucas 13:14

Ö̦jö ma cui, judio bä yododabä yafi jamö a bada lä läono wei a jushudaliyoma. ¿Ö̦jö tawä? Täbä yanöcöobä tä mö jalu ja Jesúsnö a jalomama yalo, a jushudaliyoma. Bä lä yododono wei abinaja bä nowa tama. —Wamacö ojodamodibä 6 tä mö jalu cua. Bämacö nia lä yanöcöo wei tä mö jalu cublou showaa mlai ja, wamacö jalomamou mö juimabä, ö̦jö lä, sábado däjä mlai —bä nowa tama.

Lucas 23:56

bä lä bälöle jamö bä co̦a co̦layofälöma. Nomawä bä showadi jölöcaö lä cuaano wejeinaja a taamabeje, dabö dabö toubä nö lä li̦oli wei toubä tamaje. Täbä nö lä cle̦deli wei tä ca̦i coyocamaje. Ö̦jö ma cui, sábado däjä täbä yanöcöo balöoma, Moisesi tä a̦ lä cuu weinaja showawä.

Hechos 15:21

Yedu jamö ma cui, jödödöwä täbä shabonobö jamö, Moisesi tä a̦ ja bä yömölamou malä waiquii. Täbä yanöcöobä tä mö jalu ja, judio bä yododabä yafi bä jamö, ö̦jö tä a̦ oni doamou blaucou malä cui —a cuma.

Apocalipsis 1:10

Bada tä Jesucristo ebä yododabä tä mö jalu ja, Yai Bada tä Bufinö wale lojodobolanö, bei ya mabucabö jamö ya wa̦ ji̦lia mö talema. Amowa fibä jolaöje däjä fibä a̦ nacläaö lä cuaaö weinaja a wa̦ nacli cuoma.