Levítico 2:3 - Biblia Yanowamö

³ ’Lo̦shi mobä ja wale dobäöje däjä, ji̦bä lä jäblou wei, nofi bäyäalewä Aaloni nija ji̦bä nia jöböamou, bä ijilubö ebä ca̦i nija —a cuma—. Camiyä Jeobaa ya nija ji̦bä ö̦shö dodobobeje ji̦bä mashi lä jäblono wei ji̦bä cudeenö, ji̦bä nia yaio.

Levítico 2:3 Iomraidhean Croise

Levítico 2:10

’Lo̦shi mobä ja, nii wa ji̦bä lä dodobou wei ji̦bä mashi lä jäblou wei, nofi bäyäalewä bä nija ji̦bä nia jöböamou, Aaloni nodiwä bä lä cui bä nija —a cuma—. Camiyä Jeobaa ya nija ji̦bä ö̦shö dodobobeje ji̦bä mashi lä jäblono wei ji̦bä cudeenö, ji̦bä nia yaio.

Levítico 5:13

Ö̦jö däjä, täbä wa̦lidiblou lä ja̦too wei ai tä ma cui ja, ö̦jö tänö etä nowa ma cule ma cui, ya tä nowa mladamabä, inaja nofi bäyäalewä a nia cuaaö. Ö̦jö däjä, ya etä nowa nia mladamaö. Ai ji̦bä mashi lä jäblou wei, nofi bäyäalewänö ji̦bä wabä ji̦bä. Lo̦shi mobä ja ya dobämou däjä bä lä cuaaö weinaja showawä —a Jeobaa cuma.

1 Samuel 2:28

’Isaeli bä ijilubö nodiwä ebä yaiablalou lä nodiaö wei bä bluca lija, Aaloni a yaia cadidilema —a cuma—. Jeobaa lija a ojodamobä a yailema, täbä nofi bäyäbobä. Cama ebänö täbä nofi ca̦i bäyäbou nodiablalou showaobeje. Yalo bä lä dodoblamou wei bä maqueblamobä täcö jamö, bä ajedoyolubä. Täbä wa̦queshi ni cle̦deli lä u̦cucamou wei täbä ca̦i ö̦shömabeje. Jeobaa a lä cule jamö, nofi bäyäalewä bänö sibä showadi lä jalebou wejei, sibä ca̦i jalebobeje. ¿Ö̦jö tawä? Inaja afä bä cuo lä balöono wei bä taamama. Isaeli ebä lä cuinö, yalo bä lä ö̦shömaö wejei bä mashi wabeje, tä nabä ca̦i shimöquema.