Levítico 16:2 - Biblia Yanowamö

² Abinaja a cuma. —A̦iyofä Aaloni a da yömöla, acadafu cäcö lä läle jamö, a yano yai nowamaö lä dodijio wejei jamö a juu bädao mlaobä. Ya wa̦no oni didiobä defi ca fe laobä tä feyaca lä cule jamö, cama a bufi cuu bädao däjä a nia juimi. A nia nomalayou. ¿Ö̦jö tawä? Ö̦jö defi ca fe laobä tä feyaca fedu jamö, ya nia malä dablamou wei, ölajashi a jamö.

Levítico 16:2 Iomraidhean Croise

2 Crónicas 5:14

Ölajashi anö a yafi jödödöblou yalo, nofi bäyäalewä bä lä läono wei bä yanöcöa doblonomi. Jeobaa etä shi̦i fa jödödöonö etä yafi malä jödödöblaliyono wei.

Levítico 16:13

Ö̦jö bä ca̦i fa junö, Jeobaa ya lä cule jamö, amanafu wacöbä jamö täbä wa̦queshi nö li̦yoli u̦cucamobä täbä nia wai möcashi tablamaö. Ö̦jö täbä wa̦queshinö, ya wa̦no oni didiobä defi ca fe laobä a feyaca nia dablamou mladou showadao. A nomaö showadao mlaobä.

Levítico 16:34

Ei ya wa̦ lä cui, wamale a̦ nofi jaducubou shi wa̦libä ya wa̦. Inaja wamacö nia cuaaö shi wa̦lii. Lasha ai a lalou co̦o ma cui, ai a co̦o ma cui, belibo 7 ajamö, 10 tä mö jalu lä cui däjä, wa̦lidiwä tä bluca jamö Isaeli wama ecö doblou lä mlai ya tä nowa mladamabä, nofi bäyäalewänö showadi tä nia taö —a Jeobaa cuma. Inaja Moisesi a cuaama, Jeobaanö a nowa lä tano weinaja showawä.

Levítico 23:27

—Bei. 7 a belibo ja, 10 tä jalu däjä, wamacö doblou lä mlai ya tä nowa mladamabä ö̦jö tä mö nia jalu cuo. Wamale nofi nia co̦camoaö. Wamacö doblou lä mlai tä ja wamacö nofi fa jalujumobonö, iyaö mlai ja, wamacö bufi nia ca̦i wa̦lidiwä jilao. Jeobaa ya nija wama tä dodobobä wama tä nia ca̦i juimaö, cowa wacö ja wama tä ö̦shömabä.

Números 17:10

Moisesi nija abinaja Jeobaa a cuma. —Bei. Ya wa̦no oni lä didile defi ca lä cule jamö, Aaloni e defi taa da co̦cu. Ö̦jamö showadi e defi nia cudio. Bä ja̦amodou lä mlai bä nija, ö̦jö wa e defi nofi jaducumabolanö, mamicai wa bä tamabobä. Camiyä nija bä a̦ bufi jushujuwä ca̦i faö dicoo ja, bä nomablou mlaobä —a Jeobaa cuma.

Mateo 27:51

Ö̦jö däjä showawä, Yai Bada etä yafi jamö, camishi cäcö bada acadafu lä läono wei cäcö cacablou wädätefälöma. Mashita a ma cui, a bada blösö blösömolayoma. Maa mabä ma cui, mabä jafatolaliyoma.

Hebreos 6:19

Bäma a nofi lä mölabou wei tänö bämacö bufi lofote ca̦i cudia. Modu u jamö, wadoli anö täbä befi ca̦i jilulamou mlaobä, fude täbä bada fa ca̦bojenö, täbä befi ca̦i lofotomabou fe lä yadio wejeinaja showawä. ¿Ö̦jö tawä? Bäma a nofi mölabou yalo, jai Yai Bada etä yafi lä culadi jamö bämacö lucäa waiquilayodayoma bämacö li cuwä. Yano a yai nowamaö lä dodijiladi jamö ma cui, acadafu cäcö lä läle jamö bämacö fa jayublalufälönö, jai bämacö u̦eshiblou waiquilayodayoma bämacö cuwä.

Hebreos 9:25

Eja Yai Bada etä yano yai nowamaö lä dodijio wejei jamö, nofi bäyäalewä bada a shi̦lo fuu lä cuaadii weinaja mlai. Lasha ai a faö lä co̦le däjä ma cui, ai a faö lä co̦le jamö ma cui, ai a ja ma cui, i̦yäbö shi̦lo ca̦i malä fuu wei. ¿Ö̦jö tawä? Cama i̦yäbö mlai, yalo i̦yäbö ca̦i fuu. Ma, inaja Jesús a cuaanomi. Cama a nia dodoo cuaadino malä mlai.

Hebreos 9:3

Acadafu cäcö lä läle tä mashi jamö, ai a yano olaoma. Ö̦jö a lä cui, “A yano yai nowamaö lä dodijio wejei”, a wa̦fa yano jilabou mö feduomaje.

Hebreos 9:5

Ö̦jö tefi ca fe laobä tä feyaca fedu jamö, yai waiteli täcöbä nö ijidubö cuoma. Bei täcöbä majecö fa lelejeicunö, jai tefi ca nowamöboböö täcöbä majecö cuoma. ¿Ö̦jö tawä? Fei däjä ö̦jö yama tä̦ a̦fa nia wayoaö fe balojoomi.

Apocalipsis 15:8

¿Ö̦jö tawä? Yai Bada etä yano yai nowamaö lä dodijio wejei jamö, wa̦queshi a bada cublaliyoma. Cama a lojodenö a shi̦i ca̦i fa cualunö, wa̦queshi a bada sublenö a yano comablaliyoma. Ö̦jö cudeenö a̦jele 7 bä lä cuinö, 7 bä nö nia lä bleaamano wejei tä jödödöblou showao mlao däjä, ö̦jö yano jamö ai täbä lucäö doblonomi.