Levítico 1:8 - Biblia Yanowamö

⁸ Ö̦jamö yalo bä nia maquecaö nomöjöoje. Yalo bei fe ma cui, bei daböbö ma cui, cowa wacöbä jamö a̦sho bä lä maqueo wei bä ja, yalo bä nia bluca maqueblaö feyacaoje.

Levítico 1:8 Iomraidhean Croise

1 Reyes 18:23

¿Ö̦jö tawä? Camiyä yamacö lija, baca bolacabö wama cäcöbä nia jibäayoluu. Baala a wa̦no wäyälewä bä lä cuinö, cama e baca fa yailöjenö, e nia janööje. A fa janölalöjenö, co̦wa a̦yobä lä jilale jamö, bä nia maquecaö ma cujei, cowa wacä nia taimije. ’Ai a baca mö feduwä lä cui, inaja showawä camiyänö ya nia ca̦i taamaö mö feduo —a cuma—. Iba a̦yobä jilaa mö lä fedule jamö, ya bä nia maquecaö mö feduo, cowa wacä cua mlai ja.

1 Reyes 18:33

Ö̦jö däjä, dodijidawä co̦wa a̦yobä fa maquequeacönö, baca e fa janölalönö, ö̦jö a̦yobä jamö bä maqueblaö feyacalayoma. Abenaja bä nowa taö nomöjöoma. —Bei. Mau 4 wama ubä fe lajowä fa dälänö, yalo bä ma cui jamö, co̦wa a̦yobä ma cui jamö, ubä da löaquiyoje —bä nowa tama.

Levítico 1:12

’Yalo a ca̦i lä juu wei a lä cuinö a nia cobemaö —a cuma—. Bei fe ma cui, bei daböbö ma cui, comi a yalo fa cobelalönö, yalo bä lä dodoblamou wei bä maqueblamobä täcö jamö, nofi bäyäalewänö dodijidawä bä nia maquecaö. Cowa wacöbä jamö a̦shobä lä maqueo wei a̦shobä ja, yalo bä nia bluca maqueblaö feyacao.

Levítico 3:3

Ö̦jö däjä, wale a̦ oquemabobä, a yalo lä dodobou wei a lä cuinö, ai a nia mashi yalo jöböäö. Camiyä Jeobaa ya nija bä ö̦shö dodobobeje. Bei shicö jamö bä dabö dabö lä cublai bä nia jöböäö.

Levítico 3:4

’Bei jumoto jamö, bei wa̦cle mabö dabö dabö a befi ca̦i lä cui, ö̦jö bä nia ca̦i jöböäö —a cuma—. Bei wa̦cle maböcö bolacabö lä delei wei däjä, bei amocu dabö nia ca̦i icocoaö showadao.