Levítico 1:4 - Biblia Yanowamö

⁴ A ö̦shö nia lä dodobou wei fe yalo ja, imicö nia maqueo. “Tä dodijidawä”, ya etä nofi nia tabou, cama ya etä nowa mladamabä.

Levítico 1:4 Iomraidhean Croise

Levítico 16:21

Ö̦jö a shibo lä demi wei fe ja, bolacabö imicö maquelanö, a wa̦ nö nia wäo. Isaeli ebä cadidou lä mlai tä a̦ nia bluca wäaö. Bä nofi lä jushuaö wei tä a̦ nia bluca wäyäö. ¿Ö̦jö tawä? Bä doblou lä mlai tä a̦ nia bluca wäaö showadao. Inaja a cuaalanö, shibo a jamö ö̦jö tä wa̦lidiwä bluca fa yädämacönö, ulifi bloque tä jamö a nia shömaö. A ca̦i jubä a lä cui nija a fa jöböcönö a nia ca̦i sibou.

Levítico 16:24

Ö̦jö däjä, tä ulifi lä yaile jamö nofi bäyäalewä a fa ya̦lömolunö, cama camishibö yai ja a nia didio co̦o. Ö̦jö bä ja a didio fa co̦icunö, a nia wawäblou. Ö̦jö däjä, yalo cäcöbö ö̦shö dodomamobä, bolacabö cäcöbö yalo nia ca̦i juu. ’¿Ö̦jö tawä? —a cuma—. Cama a doblou lä mlai ya etä nowa mladamabä, ai a nia yalo dodobou. Isaeli ebä bluca doblou lä mlai ya etä nowa mladamaö mö feduo showadaobä, ai a nia mashi dodobou.

Levítico 3:13

ö̦jö fe yalo ja imicö maquelanö, iba yano je̦fa jamö a nia shäö —a cuma—. Ö̦jö däjä, yalo bä maqueblamobä täcö jamö, nofi bäyäalewä bänö i̦yäbö nia yomösaö fe fa̦yoaöje.

Levítico 3:2

’A ö̦shö nia lä dodobou wei fe yalo ja, imicö maquelanö, iba yano jamö yoca lä cui jamö a nia shäö —a cuma—. Ö̦jö däjä, yalo bä lä dodoblamou wei bä maqueblamobä täcö jamö, nofi bäyäalewä bä lä cuinö, i̦yäbö nia yomösaö fe fa̦yoaöje.

Levítico 3:8

ö̦jö fe yalo ja, imicö maquelanö, iba yano je̦fa jamö a nia shäö. Ö̦jö däjä, yalo bä lä dodoblamou wei bä maqueblamobä täcö cotä jamö, nofi bäyäalewä bänö i̦yäbö nia yomösaö fe fa̦yoaöje.

Levítico 4:15

Ö̦jö däjä, ö̦jö fe yalo ja, bada bä imicö maquelanö, camiyä Jeobaa ya lä cule jamö a nia shäöje.

Levítico 4:20

¿Ö̦jö tawä? Wa̦lidiwä tä nowa mladobä a baca taamaö lä balöono weinaja, inaja showawä. Isaeli ebä nija ya tä nowa mladamabä, inaja nofi bäyäalewä a nia cuaaö. Ö̦jö däjä, ya etä nowa nia mladamaö.

Levítico 4:24

’Ö̦jö fe yalo ja, imicö maquelanö a nia shäö —a cuma—. Yalo a ö̦shö dodobobeje, bä shäö lä yaimou wejei jamö a nia shäö, camiyä Jeobaa ya lä cule jamö. ¿Ö̦jö tawä? Wa̦lidiwä tä nowa mladobä a dodobobeje a.

Levítico 4:26

’Ö̦jö däjä, yalo bä maqueblamobä täcö jamö, shibo dabö dabö bluca bä nia ö̦shömaö —a cuma—. Jeobaa wale a̦ oquemabobeje, bä dabö dabö lä taamaö wejeinaja showawä. Bada ya etä nowa mladamabä, inaja nofi bäyäalewä a nia cuaaö. Ö̦jö däjä, ya etä nowa nia mladamaö —Jeobaa a cuma.

Levítico 4:29

’Wa̦lidiwä tä nowa mladobä a nia lä shämou wei a fe yalo ja, imicö maquelanö a nia shäö —a cuma—. Yalo a ö̦shö dodobobeje bä shäö lä yaimou wejei jamö a nia shäö.

Levítico 4:31

’¿Ö̦jö tawä? —a cuma—. Ö̦jö däjä, bei dabö bä nia comi däaö, Jeobaa wale a̦ oquemabobeje bä yalo lä shämou wei bei dabö bä comi lä däaö wejeinaja showawä. Yalo bä maqueblamobä täcö jamö, nofi bäyäalewänö bä nia dabö dabö ö̦shömaö. Camiyä Jeobaa yanö ö̦jö ya tä nö u̦cucaö däjä, “Tä dodijidawä”, ya nofi tabobä. Ö̦jö ya etä nowa mladamabä, inaja nofi bäyäalewä a nia cuaaö. Ö̦jö däjä, ya etä nowa nia mladamaö.

Levítico 4:33

Wa̦lidiwä etä nowa mladobä a fe yalo ja, imicö maquelanö a nia shäö. Yalo a ö̦shö dodobobeje, bä shäö lä yaimou wejei jamö a nia shäö.

Levítico 4:35

’Ö̦jö däjä, bei dabö bä nia comi däaö, Jeobaa wale a̦ oquemabobeje bä oweja lä shämou wei bei dabö bä comi lä däaö wejeinaja showawä —a cuma—. Yalo bä lä dodoblamou wei bä maqueblamobä täcö jamö, nofi bäyäalewänö bä nia dabö dabö ö̦shömaö. ¿Ö̦jö tawä? Cowa wacö ja bä yalo fa ö̦shömajenö, camiyä Jeobaa ya nija bä ö̦shö dodobobeje jamö, bä nia yablaö yädämou. A doblono lä mlai ya etä nowa mladamabä, inaja nofi bäyäalewä a nia cuaaö. Ö̦jö däjä, ya etä nowa nia mladamaö —Jeobaa a cuma.

Levítico 4:4

’Iba yano jamö yoca lä cui jamö, camiyä Jeobaa ya nija baca a ca̦i fa juimanö, ö̦jö fe yalo ja, imicö maquelanö a nia shäö —a cuma—.

Levítico 5:6

Tä doblono lä mlai etä nowa mladobä, camiyä Jeobaa ya nija, yalo e nia ca̦i juimaö. Oweja ocalo a ma cui, shibo a ma cui, suwä a ca̦i fa juimanö, wa̦lidiwä etä nowa co̦amabä e ca̦i yalo fa waloicunö, a doblono lä mlai ya etä nowa mladamabä, inaja nofi bäyäalewä a nia cuaaö.

Levítico 6:7

Ö̦jö däjä, a doblono lä mlai ya etä nowa mladamabä, camiyä Jeobaa ya lä cule jamö, inaja nofi bäyäalewä a nia cuaaö. Ö̦jö däjä, a doblono lä mlai ya etä nowa nia mladamaö. Bä nö bleaamaö lä bädao wei ai tä ma cui ja, ö̦jö tänö etä nowa ma cule ma cui, ya etä nowa nia mladamaö.

Romanos 12:1

Ö̦jö cudeenö, cafä wamacö lija ya wa̦ fe blacäjodii, iba wamacö. ¿Ö̦jö tawä? Yai Bada tänö wamacö nofi ojodabou fe balojoa yalo, ö̦jö lija bä yai da jibäo. Cama lija yalo bä ö̦shö dodobou lä culajeinaja, inaja showawä wamacö demi dodoo cuobä. Cama wama ecö yaiobä. Wama a bufi ca̦i doblamabobä. ¿Ö̦jö tawä? Inaja wamacö cuaaö ja, bufi bejedimolanö Yai Bada lija wamacö yai nia ojodamou.

Romanos 3:25

Yai Bada tänö Jesucristo a noshi ö̦jödaboma, a shämou läobä. Ö̦jö a nofi fa mölabojenö, cama bei i̦yäbönö bä doblou lä mlai etä nowa mladou. ¿Ö̦jö tawä? Cama Yai Bada tä nia cadejewä fa dablamonö, inaja a li cuaama. Jaba däjä täbä doblono ma mlai, a bufi asio fa balöonö, a bufi lämoma. Ö̦jö ma cui fei däjä tä nowa yai tabou, cama a cadejewä dablamobä. Jesús a nofi lä mölabou wejei tänö, jai bä dodijidawä waiquiwä bä nofi tabou.

Romanos 5:11

Abenaja ca̦i. Bada tä Jesucristonö bämalecö nofiblamalema yalo, Yai Bada lija fei däjä bämacö bufi yai doblalou.

Filipenses 4:18

Wamale bayeliblabä, aifä Ebaflodi lija wama bä lä shimöbeno wei ya bä dälema. Ai wama bä yädäamaö co̦oma yalo, wamale a̦ fejelaamaö dodijioma. Fei däjä ya fo̦lia mlaa lä cule. Fei däjä dodijidawä ya cuobä, ya tä bluca tabou. Abenaja ca̦i. Wamale nö bayeli lä shimaö wei, ö̦jö tänö Yai Bada wama a bufi ca̦i doblalamaö. Jai Yai Bada cama a dobämou bei tä cuwä. Jai Yai Bada lija, toubä ni cle̦deli liyäyaö lä cuaaö wejeinaja, inaja showawä tä nofi tabou lä culadi.

Hebreos 10:4

Baca bä ma cui, shibo bä ma cui, täbä doblou lä mlai, ö̦jö i̦yäbö yalonö etä nowa nö mladobimi waiquiwä.

1 Juan 2:2

Camiyä bämacö doblou lä mlai, ö̦jö nija Yai Bada tänö bämalecö nowa bluca mladamalema. ¿Ö̦jö tawä? Camiyä bämacö befi shino ayawä mlai, yanowamö täbä bluca lä cublai bä nowa ca̦i mladamaö mö feduobä, a shämou ojodaoma.