Levítico 1:3 - Biblia Yanowamö

³ ’Baca wa̦lo a nia comi ö̦shö dodobou ja, a lä dodijidai a ca̦i nia icuo, etä wai jalili yädäa lä mlai —a cuma—. Iba yano ja täbä lä fablaaö wei yoca lä cui jamö a ca̦i nia icuo, camiyä Jeobaa yanö dodijidawä ya tabobä.

Levítico 1:3 Iomraidhean Croise

Génesis 22:13

Ö̦jö däjä, Ablaamönö tä möö fa cuaanö, yalo oweja a wa̦lo ja̦a dalalema. Baimi defi bococu ja yo̦lacö ja̦o däjä, a jucäo doblonomi. Ablaamönö a nabä icua fa showadaicunö, a juwälema. A fa shälönö, Jeobaa nija a ö̦sho dodobou showadaoma. Bei ijilubö e ö̦shö nia ma dodobono wei ma cui, yalo a yai ö̦shö dodoa majöquema.

Génesis 22:2

—Ijilufä wa moli lä tabole, Isaacö a lä cui, wa lä nofimaö wei, wa fa nocamalänö, Molia tä ulifi jamö a ca̦i da alufälö. Tä ulifi lä jefubö wei jamö wa ca̦i fa waloicunö, ya jefu lä jömaö wei jamö wa ca̦i fa dolequebofälönö, camiyä nija a da dodobojolu. Yalo bä ö̦shö dodobou lä cuaaö wejeinaja, wa dodobou cuo mö feduobä —a nowa tama.

Génesis 22:8

—U̦asi. Yai Bada nija oweja bäfä a wai ö̦shö nia lä dodobou wei, camanö a jöböaö wä. Cama Yai Bada tänö bäfäcö dobäö weicätä —Ablaamönö a nowa fa tanö, cäcöbö dolequea showabefälöma.

Génesis 8:20

Abinaja Noewä a cuaaö nomöjöoma. Jeobaa nija, yalo a nia ö̦shö lä dodobono wei a yalo maqueabä, maa mabä yododomaquema. Ö̦jö däjä, bä lä juu wei bä ma cui, bä lä yäö wei bä ma cui, bä shami lä mlai ai bä yalo fa yaialalönö, bä shäalalema. Bä fa shäalalönö, Jeobaa nija tä waqueshi waloamadayobä, bä yalo lä dodoblamou wei bä maqueblamobä täcö ja, bä ö̦shömalema.

Éxodo 12:5

Ö̦jö wama bä yalo nia lä waö wei bä lä cui, tä wai jalili yädäa lä mlai wama bä waö cuaabä, bä lä liyäjäi. Wa̦lo wama bä nia shino waö. Moli a lasha lä famaleno wejei wama bä nia ocalo waö. Oweja bä ma cui, shibo bä ma cui, ö̦jö wama bä wabä.

Éxodo 24:5

Isaeli ai ebä fiya nija, yalo baca bä nabä fa shömöcönö, Jeobaa nija ai bä yalo lä cui bä comi ö̦shö dodobomaje. Ai bä yalo mö feduwä lä cui ja, bä comi ö̦shömaö mlajei, ai ya̦ji bä mashi waö ayaomaje, Jeobaa a wa̦ oquemabeje, bä showadi lä cuaaö weinaja showawä.

Éxodo 32:6

Ö̦jö tä fena ja, yalo bä ö̦shö dodobou fenaobeje bä ca̦i waloomaje. Ai bä yalo lä cui bä nia comi ö̦shö dodobomaje. Ai bä yalo mö feduwä lä cui ja, bä comi ö̦shömaö mlajei, ai ya̦ji bä nia mashi wamaje. Ö̦jö däjä, bä iyabä, bä loquema. Bä fa iyalönö, bä shi jalimolanö, bä i̦liyamobä bä jocäcälaliyoma.

Éxodo 35:21

Bä faa fa co̦lalufälönö, Jeobaa a dobäö bufi lä doblaono wejei bä ma cui, täbä madofi jöbäbeje bä shi lä jalimono wei bä ma cui, ö̦jö bä bluca waloa co̦quema. Jeobaa e yano tablabeje täbä ca̦i madofi waloa co̦beyolumaje. Ö̦jamö täbä madofi nia lä taano wejei täbä tablabeje täbä ca̦i. Camishi bä nia lä yaio wei bä ca̦i diyäblabeje, täbä ca̦i.

Éxodo 35:29

Isaeli ebä lä cuinö, Jeobaa nija täbä madofi dodobou bufi lä doblaono wejei bä bluca lä cuinö, täbä ca̦i waloquemaje. Wa̦lo bä ma cuinö, suwä bä ma cuinö, Moisesi nija Jeobaanö tä tamaö lä bufino wei tä tabeje, täbä ca̦i waloquemaje. Jeobaa a dobäbeje, no mlai ja täbä jöbämaje.

Éxodo 35:5

Cama Jeobaa wama a dobäbä, wama etäbä nia madofi jöbäö. Wama täbä noshi lä ö̦jödabou wei wamacö lä cuinö, äyämö wama täbä ca̦i nia waloo. Olo bä ma cui, blada bä ma cui, wama bä nia jöbäö. Duo shibä ca̦i.

Levítico 1:10

’Oweja wa̦lo a ma cui, shibo wa̦lo a ma cui, ö̦jö a nia comi ö̦shö dodobou ja, a lä dodijidai a nia ca̦i icuo, etä wai jalili yädäa lä mlai —a cuma—.

Levítico 16:7

Ö̦jö däjä, shibo cäcöbö fa dälänö, Jeobaa ya lä cule jamö cäcöbö ca̦i fa juimanö, iba yano jamö yoca lä cui jamö cäcöbö ca̦i nia icuo.

Levítico 23:12

Wama bä dodoablalamaö däjä, ö̦jö däjä showawä oweja wa̦lo wama a nia ocalo dodobou, lasha moli a lä famaleno wei a lä cui. Jeobaa ya nija, a lä dodijidai wama a nia dodobou, etä wai jalili yädäa lä mlai.

Levítico 23:18

’Ö̦jö wama ji̦bä dodobou däjä, yalo wama bä nia ca̦i dodobou yädämou —a cuma—. Oweja 7 wama bä nia ocalo dodobou, lasha moli a lä famano wejei bä lä cui. Bä lä dodijidai, etä wai jalili yädäa lä mlai. Baca wa̦lo wama a nia ca̦i ocalo dodobou, oweja cäcöbö wa̦lo sho. Jeobaa ya nija bä nia ö̦shö dodomamou. Lo̦shi mobä ma cui, uba nashiwä toubä ma cui, ö̦jö wama bä dodobou däjä wama bä nia yalo dodobou yädämou showao. Cowa wacö ja wama bä fa ö̦shömanö, ya tä nö wa̦queshi u̦cucaö däjä, “Tä dodijidawä” ya tä nofi nia tabou.

Levítico 3:1

Moisesi a yömölaö showalanö, abinaja Jeobaa a cuu co̦oma. —Jeobaa wale a̦ oquemabobä, ai anö cama yalo e ca̦i juu däjä, cama baca ebä nijamö a lä dodijidai a nia yaiaö. Suwä a ma cui, wa̦lo a ma cui, Jeobaa ya nija etä wai jalili yädäa lä mlai a nia dodobou.

Levítico 4:15

Ö̦jö däjä, ö̦jö fe yalo ja, bada bä imicö maquelanö, camiyä Jeobaa ya lä cule jamö a nia shäöje.

Levítico 4:23

a doblono lä mlai etä wawäblamaöje däjä, shibo a dodobobä, bada anö a nia ca̦i juimaö. Shibo a lä dodijidai a nia wa̦lo ca̦i juimaö, etä wai jalili yädäa lä mlai.

Levítico 4:3

Abinaja Jeobaa a cuma. —Nofi bäyäalewä a bada ma cuinö, ya tä taö lä wasöö wei tä ja a yacläö dicoo ja, bä nofi nia bluca nacaaö. Ö̦jö bluca bä nija ya tä nowa tabou mladobä, baca ocalo a nia wa̦lo dodobou, a lä dodijidai. Etä wai jalili yädäa lä mlai a yalo ca̦i fa juimanö, camiyä Jeobaa ya nija a nia dodobou, etä nowa mladobä.

Levítico 4:32

’Ö̦jö a lä cuinö, a doblono lä mlai etä nowa mladobä, oweja a ocalo ca̦i juu ja, suwä a nia ca̦i juu, a lä liyäjäi, etä wai jalili yädäa lä mlai —a cuma—.

Levítico 5:15

—Camiyä Jeobaa ya nija etä nowa co̦amabeje tä bluca cublawä. Etä nowa cua ja, täbä ca̦i jubeje, iba täbä nia yaio. Ai anö etä ca̦i juimi dicoo ja, tä wa̦lidiwä. “Ya jolemou daanö”, cama a bufi cuu ma mlai ma cui ya etä nowa tabou. ¿Ö̦jö tawä? Wa̦lidiwä etä nowa co̦amabä, Jeobaa ya nija oweja wa̦lo a nia ca̦i juimaö, a lä dodijidai, etä wai jalili yädäa lä mlai. Ö̦jö a nowa yalo lä cui, cafänö wa nowa nia jayublaö, iba yano jamö showadi täbä nowa wawämaö lä culajeinaja showawä. ’¿Ö̦jö tawä? —a cuma—. Wa̦lidiwä etä nowa co̦amabä a.

Levítico 5:18

Nofi bäyäalewä a nija, oweja wa̦lo a nia ca̦i juu, a lä dodijidai, etä wai jalili yädäa lä mlai. Ö̦jö a nowa yalo lä cui, cafänö wa tä nowa wa̦fa nia jayublaö. “Tä nowa co̦amabä, ö̦jö waiquiwä,” wa nofi tabobä. A yacläö lä ja̦toono wei ya etä nowa mladamabä, inaja nofi bäyäalewä a nia cuaaö. Ö̦jö däjä, ya etä nowa nia mladamaö.

Levítico 6:2

—Abinaja ai bä cuaaö si ijejeo fa dicoonö, Jeobaa yanö ya tä nowa tabou. Ai anö, cama bä showawä ma cui, a mölamaö. Etä madofi nowamabä a ma cui, e däaö läo. Etä majöaö ma cui etä co̦amaimi. A tomömou. A fa waitelionö etä däaö fe yadio. Ai etä madofi nofi lä mojodulayono wei etä ma tabole ma cui, a wa̦ mojodumou. A wa̦ nö wäamaö ma cujei a jolemou.

Números 23:19

Yanowamö bämacö lä culenaja, Yai Bada a cuwämi. A ca̦i jolemoimi. A bufi nia shominajaaö lä majöo wei etä cuami. A wa̦ lä cadidou wei tä ja, ¿a nia cuaaö nomöjöomi daanö? A wa̦ nö lä wäo wei, ¿etä nia bejedi cubloimi daanö?

Números 23:27

Balaama nija abinaja Balaco a cuma. —Bei. Jabo. Ai tä jamö bäfä nia lulubou nomöjöodayou. Ö̦jamö wa cuo däjä, Yai Bada tänö bä wafäblamaö ja̦toa bäquei fa cui, wale bayeliblabä —a cuma.

Números 23:3

Ö̦jö däjä, Balaco nija abinaja Balaama a cuma. —Afä wa ö̦shö lä dodobole jamö wa ublao juo däjä, camiyä ya nia bayäcäblou. Jeobaanö wale yömölaö bäqueyoluu fa cui. Ya nö daodayou. Wale yömölalei ja, cafä nija ya tä a̦ wäyäö weicätä —a cuma. Ö̦jö däjä, tä lä ösöladi jamö a judayoma, fii fibä cua lä mlai jamö.

Números 23:30

Balaama a lä cuno weinaja, Balaco a cuaaö fa showaonö, bä yalo maqueblamobä täbä ja, baca, oweja a sho, bä dododaö bolacadoma.

Lucas 1:35

Ö̦jö däjä, abinaja a̦jele e cuma. —Yai Bada tä Bufinö wa fe walou däjä, Yai Bada tä Bada lä ayai tä lojodenö wa nia jo̦yablaö. Ö̦jö cudeenö ijilufä a nia yaio. Yai Bada Ijilubö e a̦fa nia jilamou.

Juan 1:36

Jesús a jayuama. A jayuaö fa dalalönö, abinaja cäcöbö nowa tama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a —cäcobö nowa tama.

Juan 10:7

Tä a̦ ji̦liaö möblanomi cudeejenö, abinaja Jesús a cuma. —Cafä wamacö nija ei ya wa̦ lä cui, bejedi lä ya wa̦. Oweja bä lä faö wei, camiyä bei ya yoca.

Juan 10:9

Camiyä ö̦jö bei cä ya yoca. Camiyä nija bä lä faö wei, bä nia jucäamou. Bä iyabä, quilii mlai ja bä nia fadii.

2 Corintios 8:12

Wama tä lä tabole wama tä jibäaö bufi doblao ja, Yai Bada wama a bufi doblalamaö cuquei. Wama tä tabou lä mlale tä nia wa̦lii malä mlai.

2 Corintios 9:7

Wama bä nia blada lä jibäö wei wamacö lä cuinö, cafä wamacö bufi bluca lä shalilou weinaja, wama bä nia blada jibäö cuaaö. Wama bä blada jibäalanö wamacö bufi läblou majöo mlai. Bä da jibäcöje, täbä cudii tänö mlai. Bufi doblalolanö täbä lä jibäö wejei bä lä cuinö, Yai Bada tä Bufi yai doblalamaöje.

Efesios 2:18

Cafä wamacö ma cui, camiyä yamacö ma cui, Cristo a lä cuaano wei tänö, bä Fö̦ö e lija bämalecö bluca ajedamaö dao malä cui. Ö̦jö cama a Bufi showawänö bämacö ajedou.

Efesios 5:27

Bämalecö dodijidawä ajedemabobä, inaja bämalecö li taamama. Wiisibö tä wai wa̦lidiwä sudia mlai ja, bämacö sicö wai wa̦iquiblalou mlai ja, bäma ecö a̦fa tamobä tä cua mlai ja, bäma ecö dodijidawä cuobä.

Hebreos 7:26

Bämalecö nofi nia lä bäyäbou wei, ö̦jö Jesús a waiquiwä. Ö̦jö a lä cui, nofi bäyäalewä Bada a. A yaia. A wa̦fa ca̦i tamobä etä cuami. Etä ca̦i shami läami. Wa̦lidiwä talewä bämacö lä cui lijamö a coyocomabou mlai ja, fedu fe dole jamö Yai Bada tänö a yai doblamabodayou.

Hebreos 9:14

¡fei däjä yai! Cristo i̦yäbönö fei däjä bei wamacö bufi yai aublou dodijia yailayou. Etä wa̦lidiwä cua mlai ja, Yai Bada lija a dodomoquema. Yai Bada tä Bufi lä ba̦limi wei tä lofotenö, a dodijidawä dodomoquema. Wamacö lä cuaano wei tänö wamacö mili nomama ma cui, bei wamacö bufi jamö tä wa̦lidiwä lä läono wei, Cristo i̦yäbönö tä mladamalema. Wamacö bufi aublou majölayoma. Fei däjä wamacö yai au, Yai Bada a cua shi lä wa̦lile wama a nosie yai fuaö majöobä.