Levítico 1:10 - Biblia Yanowamö

¹⁰ ’Oweja wa̦lo a ma cui, shibo wa̦lo a ma cui, ö̦jö a nia comi ö̦shö dodobou ja, a lä dodijidai a nia ca̦i icuo, etä wai jalili yädäa lä mlai —a cuma—.

Levítico 1:10 Iomraidhean Croise

Génesis 4:4

Inaja bei fääshä e ca̦i nia fa cuaanö, yalo ocalo a dodobobä a ca̦i waloa mö feduquema. Yalo oweja jaba a lä cui a fa yailönö, a fa bacäcälalönö, a ya̦jicö daböjöwä dodoboyoluma. Inaja a cuaaö ja, Abele nija, Jeobaa a bufi doblaloma. Yalo a lä dodobono wei a ma cui ja, a bufi ca̦i doblaloma.

Génesis 8:20

Abinaja Noewä a cuaaö nomöjöoma. Jeobaa nija, yalo a nia ö̦shö lä dodobono wei a yalo maqueabä, maa mabä yododomaquema. Ö̦jö däjä, bä lä juu wei bä ma cui, bä lä yäö wei bä ma cui, bä shami lä mlai ai bä yalo fa yaialalönö, bä shäalalema. Bä fa shäalalönö, Jeobaa nija tä waqueshi waloamadayobä, bä yalo lä dodoblamou wei bä maqueblamobä täcö ja, bä ö̦shömalema.

Éxodo 12:5

Ö̦jö wama bä yalo nia lä waö wei bä lä cui, tä wai jalili yädäa lä mlai wama bä waö cuaabä, bä lä liyäjäi. Wa̦lo wama bä nia shino waö. Moli a lasha lä famaleno wejei wama bä nia ocalo waö. Oweja bä ma cui, shibo bä ma cui, ö̦jö wama bä wabä.

Levítico 16:3

’Abinaja Aaloni a cuaalanö, iba yano lä nowamaö wejei jamö a nia shino juu —a cuma—. Camiyä Jeobaa ya nija, yalo cäcöbö dodobobä cäcöbö nia ca̦i lucäö. Wa̦lidiwä etä nowa mladobä, baca wa̦lo a ocalo ca̦i nia juu. A ö̦shömabä, oweja wa̦lo a ca̦i nia juu showao.

Levítico 16:5

’Wa̦lidiwä etä nowa mladobä, cama Isaeli ebä blucanö, Aaloni nija shibo 2 cäcöbö wa̦lo nia jöbäaöje —a cuma—. A ö̦shö dodobobä, oweja moli a nia wa̦lo ca̦i jöbäaöje.

Levítico 23:12

Wama bä dodoablalamaö däjä, ö̦jö däjä showawä oweja wa̦lo wama a nia ocalo dodobou, lasha moli a lä famaleno wei a lä cui. Jeobaa ya nija, a lä dodijidai wama a nia dodobou, etä wai jalili yädäa lä mlai.

Levítico 3:1

Moisesi a yömölaö showalanö, abinaja Jeobaa a cuu co̦oma. —Jeobaa wale a̦ oquemabobä, ai anö cama yalo e ca̦i juu däjä, cama baca ebä nijamö a lä dodijidai a nia yaiaö. Suwä a ma cui, wa̦lo a ma cui, Jeobaa ya nija etä wai jalili yädäa lä mlai a nia dodobou.

Levítico 4:23

a doblono lä mlai etä wawäblamaöje däjä, shibo a dodobobä, bada anö a nia ca̦i juimaö. Shibo a lä dodijidai a nia wa̦lo ca̦i juimaö, etä wai jalili yädäa lä mlai.

Levítico 4:3

Abinaja Jeobaa a cuma. —Nofi bäyäalewä a bada ma cuinö, ya tä taö lä wasöö wei tä ja a yacläö dicoo ja, bä nofi nia bluca nacaaö. Ö̦jö bluca bä nija ya tä nowa tabou mladobä, baca ocalo a nia wa̦lo dodobou, a lä dodijidai. Etä wai jalili yädäa lä mlai a yalo ca̦i fa juimanö, camiyä Jeobaa ya nija a nia dodobou, etä nowa mladobä.

Levítico 5:15

—Camiyä Jeobaa ya nija etä nowa co̦amabeje tä bluca cublawä. Etä nowa cua ja, täbä ca̦i jubeje, iba täbä nia yaio. Ai anö etä ca̦i juimi dicoo ja, tä wa̦lidiwä. “Ya jolemou daanö”, cama a bufi cuu ma mlai ma cui ya etä nowa tabou. ¿Ö̦jö tawä? Wa̦lidiwä etä nowa co̦amabä, Jeobaa ya nija oweja wa̦lo a nia ca̦i juimaö, a lä dodijidai, etä wai jalili yädäa lä mlai. Ö̦jö a nowa yalo lä cui, cafänö wa nowa nia jayublaö, iba yano jamö showadi täbä nowa wawämaö lä culajeinaja showawä. ’¿Ö̦jö tawä? —a cuma—. Wa̦lidiwä etä nowa co̦amabä a.

Números 6:14

Camiyä Jeobaa wale dobäbeje bä nia yalo jöböaöje. Bä ö̦shö nia lä dodobou wejei, oweja ocalo moli bä nia wa̦lo jöbäöje, etä wai jalili yädäa lä mlai. Wa̦lidiwä etä nowa mladobä, oweja ocalo moli bä ca̦i nia suwä jöböaöje, etä wai jalili ca̦i yädäa lä mlai. Wale a̦ oquemabobeje, oweja moli bä ca̦i nia wa̦lo jöböaöje, etä wai jalili ca̦i yädäa lä mlai.

Juan 1:29

Ö̦jö tä fena ja, Jesús a juu fa dalalönö, Juan a wa̦ fama. —¡Ei, ei! Quiji a lä cui, Yai Bada tänö a shömölema. Oweja a wa̦fa ocalo lä jilamou wei a. Bita jamö täbä lä bälöblai täbä nowa wa̦lidiwä mladamabä, a nia lä shämou wei, ö̦jö lä a.

1 Pedro 1:19

Tä nowa yai lä bluca wei tänö wamacö nowa co̦molayoma, ö̦jö Cristo i̦yäbö showawänö. Jaba däjä yanowamö täbä doblou lä mlai etä nowa mladobä, oweja bä shämou läoma, moli etä wai wa̦lidiwä cuono lä mlai bä oweja lä cui. Inaja showawä, wa̦lidiwä etä cua mlai ja, Cristo a ma cui a shämoa läa majölayoma.