Jueces 8:2 - Biblia Yanowamö

² Abenaja Jedeoninö bä nowa tama. —Ma, camiyä ya lä cuaale tä nowa cuami. ¡Cafä wamacö shi̦lo yai! ¿Ö̦jö tawä? Abiesele nodiwä yamacö ma cuaablalou wei ma cui, yamacö cuaaö si ijejewämi. Eflaini wama ecö moli lä icudou wei däjä, wamacö dodijaö showadao malä cui.

Jueces 8:2 Iomraidhean Croise

Jueces 6:11

Abiesele nodiwä Joasa a wa̦fa lä cuono wei, Ofla jamö a bälöoma. Joasa bä ijilubö Jedeoni e ojodamou däjä, ö̦jamö Jeobaa etä a̦jele fa waloiquiyonö, Joasa e tefi bada cotä jamö a loquema. ¿Ö̦jö tawä? Jedeoninö nii sibä joyablaama, mobä feiblobä. Madianateli bänö mobä dablaö mlaobeje, uba ubä showadi lä tamou wei jamö sibä joyaö ja̦tooma.

Jueces 6:34

Ö̦jö ma cui, Jedeoni lija Jeobaa a Bufi fa lucälönö, a cadidiblamalema. Bä moyawämabä, Abiesele nodiwä bä lä bälöono wei jamö, yalo yo̦la jolamaö bufima. Ö̦jö tä a̦ fa ji̦liläjenö, cama lija bä wayu co̦cablou showadalayoma.

Jueces 8:1

Eflaini ebä nacaö showadao fa mlacunö, Jedeoni lija bä jushudou fe balojooma. Bä a̦ lafujaö ja, abenaja bä cuma. —¿Wedi tabä inaja yamalecö li taamaö dicooma? Madianateli wama bä nabä yai fuu däjä, wamalecö nacanomi —bä cuma.

Jueces 8:3

’Yai Bada tänö ¿cafä wamacö lija Madianateli cäcöbä noshi bada ö̦jödabonomi tawä, Olebe, Sebe cäcöbä a̦fa lä cule? Camiyänö moli ya lä shälufe tä nowa cuami, cafä wamacö nö shi̦lo yai wa̦lojama —bä nowa tama. Inaja bä nowa taö ja, bä a̦ oquelayoma.