Jueces 7:3 - Biblia Yanowamö

³ ¿Ö̦jö tawä? Bä bluca da yömöla, ö̦jö lä. Abenaja wa bä nowa tabä. “Wamacö lä quilii wei, wamacö shi̦lo cu̦jamöbä”, wa bä nowa ta —a Jeobaa cuma. Jedeoninö bä quilii wabaö fa showadaonö, 22,000 bä co̦layoma. Cama lija 10,000 bä cuo showao fe yadioma.

Jueces 7:3 Iomraidhean Croise

Mateo 13:21

Ö̦jö ma cui, mobä nasöcö daloblou fa mlacunö mosibä nö dedejebloimi. Ö̦jö mosibä lä culenaja bä lä cui, bä nö jaba wa̦lojaö ma bäquei wei ma cui, bä yabäcamou däjä yedu bä waiquidou. Tä a̦ lä däaö wejei tä a̦ nowa ja, bä nö bleaamaöje däjä, inaja showawä bä waicou.

Mateo 20:16

’¿Ö̦jö tawä? —Jesús a cuma—. “Camiyä balöwä”, täbä nofi lä tamamou wei bä lä cui, ö̦jö lä bä nia nojablou majöo. Inaja showawä, äyämö bä nojablou si lä ijejei bä lä cui, ö̦jö lä bä nia shino balöblou nomöjöo.

Apocalipsis 17:14

Oweja a wa̦fa ocalo lä jilamou wei a nabä nia queo ma cujei, ö̦jö a lä cuinö bä nö nia shino bleaamaö ayao. Ö̦jö a shino Bada lojode malä ayai. A nö shino lä wa̦lojaö wei, ö̦jö a Bada. Oweja a wa̦fa ocalo lä jilamou weinö bä ca̦i lä juu wei bä lä cui, Yai Bada tänö bä lä nacano wei ö̦jö lä cäbä. Bä yailema. Ö̦jö bä bejedimou —a a̦jele cuma.

Apocalipsis 21:8

Inaja ö̦jö ya bä nia ma taamaö wei ma cui, ai bä lä cui ya bä nö nia bleaamaö ayao. Wale a̦ juaö lä quilii wejei bä ma cui, wale nofi mölabou fe yadio lä mlajei bä ma cui, bä shami nö lä quilii bä ma cui, täbä lä shäö wejei bä ma cui, bä lä joleblalou wei bä ma cui, fecula bä nija täbä nabä lä shömaö wejei bä ma cui, nö idubö täbä lä bufiblaö wejei bä ma cui, bä caficö a̦ lä jolemou wei bä ca̦i bluca ma cui, cowa wacö ca jamö bä queamabä bä li waiquiwä, cowa yaitawä nacli wacöbä lä waole jamö. Täbä nia nomablou lä co̦o wei, ö̦jö bei tä waiquiwä —wale nowa tama.

Jueces 6:35

Manasesi ebä bluca lä bälöblai jamö bä fa shimölönö, Jedeoni lija ö̦jö bä wayu ca̦i co̦cablamaö bufii showaomaje. Aselo ebä ma cui lijamö, Sabulono ebä ma cui lijamö, Nefitali ebä ma cui lijamö, ö̦jamö bä moyawämabeje bä fa shimölönö, Jedeoni lija bä co̦cao lä waiquiono wei bä mö baamadayobeje, bä ca̦i dolequebefälöma.