Jueces 7:2 - Biblia Yanowamö

² Ö̦jö däjä, abenaja Jeobaa a cuma, Jedeoni lija. —Wa bä ca̦i wayu lä cule bä bluca dicowä ja, ö̦jö bä lija Madianateli ya bä noshi nia ö̦jödaboimi. Camiyä wale lofote dablaö mlajei, cama bä nofi shi̦lo doablamou dicoicu. “Camiyä yamacö lofotenö yamacö nö wa̦lojama”, bä cuu dicoicu.

Jueces 7:2 Iomraidhean Croise

Génesis 46:2

Ö̦jamö Yai Badanö Isaeli a wa̦ majali wayomama. —Jacobo, Jacobo. —Aö.

Jeremías 9:23

Abenaja Jeobaa a cuu. —Yanowamö a wa̦ shi doaö bufi doblao ja, cama a nofi doamolanö mlai, camiyä wale daö cudeenö a wa̦ shi yai doaö ja, a wa̦ shi doabä. ’¿Ö̦jö tawä? —a cuu—. A bufi lä jaducäi a lä cui, a bufi ma jaducäi, ö̦jö tä ja a wa̦ shi nia doimi. Inaja showawä, a nö lä wa̦lojaö wei a lä cui, a nö ma wa̦lojale ma cui, ö̦jö tä ja a bufi nia ayäyaimoimi. A nö lä madofibö wei a ma cui, inaja showawä. A nö ma madofibö wei ma cui, ö̦jö tä ja a wa̦ shi doobä tämi. Camiyä ya lä cuaaö wei tä daö cudeenö, ö̦jö tä ja a wa̦ shi nia shi̦lo yai doaö. Jeobaa ya lä cuinö, bita jamö bä lä bälöle ya bä nofimalanö showadi ya bä bayeliblaö. Dodijidawä ya bä ca̦i cua. Ya bejedimou. Inaja ya cuaaö bufi malä doblao wei. Inaja bä lä cuaaö wei bänö, wale bufi doblamabouje —Jeobaa a cuu.

Romanos 11:18

oliba fi bococu lä joyamono wei wama fi bococu nofi nia wa̦liboimi. “Camiyä yamacö yai”, wamacö bufi cuu dicoo ja, ei tä nofi da jaducäläje. Fii wamacö fi bococu lä cuinö wama tefi nasöcö bayeliboimi. Ö̦jö tefi nasöcö lä cuinö, cafä wamacö yai li bayelibou.

Romanos 3:27

¿Ö̦jö tawä? Yai Bada tänö bämalecö dodijidawä tabou yalo, ¿bämacö nofi nia doo tawä? Bämacö nofi doobä tä cuami. Bämacö lä dodijaö wei tänö bämalecö nofi tabou malä mlai. Jesucristo bäma a nofi lä mölabou wei tänö, jai bämacö dodijidawä waiquiwä bämalecö nofi shi̦lo yai tabou.

2 Corintios 4:7

¿Ö̦jö tawä? Yama tä a̦ lä tabole tä a̦ nowa yai bluca ma cui, mashita yamacö ma cuinö yama tä a̦ didibou. Cama tä nia lofote fa dablamonö, inaja tä li taö. Camiyä jai jaboca yamacö lä cule yamacö lä cui, yamacö lofote malä mlai.

Efesios 2:9

Täbä lä dodijaö wei tänö täbä fucäamoimi yalo, cama bä dodijidawä jimöobä etä cuami.

Santiago 4:6

Ö̦jö ma cui, Yai Bada tänö bämalecö nofi yai ojodabou lä dodijio wei etä wawäblou talei. Ö̦jö cudeenö abinaja tä a̦ ca̦i cuu. Cama bä lä jömöo wei bä lä cui nija Yai Bada a wa̦ Bufi lämou. Ö̦jö ma cui, bä jömöo lä mlai bä lä cui bä nofi yai ojodabou.