Jueces 5:3 - Biblia Yanowamö

³ Bada wamacö, wamale a̦ da ji̦lilä. Wama bä ca̦i lä cule bä yömöca da daicu. Jeobaa lija ya wa̦ ji̦liamobä, ya tä a̦ amowa taö. Jeobaa lija ya wa̦ nia dodijaö, Isaeli bäma ecönö Jeobaa bäma a lä bufiblaö wei a lä cui lija.

Jueces 5:3 Iomraidhean Croise

Génesis 6:17

’Tä ulifi befi ca̦i bluca baoblobä, mau bada ya u nia bada shömaö. Modu u maquejou lä dodijio wei ja, jödödöwä bä fö̦shöacö lä faö wei bä mö watäblou showadaobä, ya u nia shömaö. Ai bä demi nia feibloimi —Yai Bada a cuma.

Génesis 9:9

—Bei. Wamale a̦ da ji̦lilä. Cafä bämacö nia lä bayelibou wei, ijilufä ya bä nodiwä ca̦i nia lä bayelibou wei, ya tä a̦ wäaö da cadidio.

1 Reyes 18:22

Ö̦jö däjä, abenaja Elianö bä nowa tama. —Camiyä Jeobaa ya wa̦no wäyälewä ya lä cui, ö̦jö cä lä, ei ya lä feiblaliyono wei ya waiquiwä. Tä jole lä bufiblamou wei a wa̦no wäyälewä 450 bä bluca cua ayaa.

1 Reyes 19:10

Abenaja Elia e cuma. —Isaeli ebä lä cuaaö wei tä nowa ja, cafä Jeobaa bä nofi jalujubou dodijiwä, wa shi̦lo lofote lä ayai wa lä cui. Wa bä nowa lä tano wei tä a̦ joyalemaje. Cafä lija yalo bä lä dodoblamou wei bä maqueblamobä, täbä ca̦i wa̦lialalemaje. Sibala sibänö wa wa̦no wäyälewä bä ca̦i shäalalemaje. Camiyä yami ya feiquia lä cule. ¿Ö̦jö tawä? Camiyä ma cui wale ca̦i dayäaöje, wale shäbeje —e cuma.

1 Reyes 19:14

Abenaja Elia a cuu co̦oma. —Isaeli ebä lä cuaaö wei tä nowa ja, cafä Jeobaa wa lä cui lija, ya bufi wajäaö a lä cule, cafä wa shi̦lo lofote lä ayai wa lä cui lija. Wa bä nowa lä tano wei tä a̦ joyalemaje. Cafä lija yalo bä lä dodoblamou wei bä maqueblamobä, täbä ca̦i wa̦lialalemaje. Sibala sibänö wa wa̦no wäyälewä bä ca̦i shäalalemaje. Camiyä yami ya feiquia lä cule. ¿Ö̦jö tawä? Camiyä ma cui, wale ca̦i dayäaöje, wale shäbeje —e cuma.

Éxodo 31:6

’¿Ö̦jö tawä? —a cuma—. Abinaja ca̦i, Dani nodiwä a Aoliaba lä cuinö, Besalelo a nia bayeliblaö, Aisamaco bei ijilubö e lä cuinö. A bayeliblabä, camiyänö ya tablamaö waiquia lä cule. ¿Ö̦jö tawä? Madofi täbä ja bä lä dodijaö wei bä bluca ma cui, camiyänö ya bä bluca bayelibou waiquia, cafä nija ya täbä bluca tablamaö lä bufino wei täbä tabeje.

Jueces 5:7

Camiyä Debola ya bada läo showao mlao däjä, Isaeli ebä bälöjöwä lä siboblai, bä nö bleaaö fe balojoo balöoma. Ö̦jö däjä, bä nöö ebä nofi lä tabolajeinaja, Isaeli ebä lä cuinö camiyä wale nofi talemaje.