Jueces 4:6 - Biblia Yanowamö

⁶ Debola a lä cuinö, Abinoama bä ijilubö Balaco e nacamaö bufima. Nefitali ebä ulufibö jamö a bälöoma, Sedesiteli bä shabonobö jamö. Abenaja a nowa taö mö baoma. —Isaeli bäma ecö lija Jeobaa a lä bufiblamou wei a lä cui, cafä lija a wa̦no wäyämamou bufi doblaa lä cule. ¿Ö̦jö tawä? Dabolo cäcö jamö wa nia shimaö, ö̦jamö afä 10.000 wa bä toujublamabä. Wa bä nia lä toujublamaö wei, Nefitali nodiwä wa ebä nia nacaö. Sabulono nodiwä ebä ca̦i.

Jueces 4:6 Iomraidhean Croise

Hechos 13:47

Bada tänö yamalecö nosiemaö ja, abinaja tä a̦ malä cuu wei. Bämacö yaia waiquilema. Judio bä lä mlai bä nijamö, jai shi̦i jilajawä wama ecö nia cuo, bä bufi möblobä. Bä bälöo lä jödödole jamö ma cui, bä jucäamobä wama tä a̦ wäyäö cuaabä. ’¿Ö̦jö tawä? —Pablo a cuma—. Einaja tä a̦ cuu.

Hebreos 11:32

Ai ya bä a̦fa jayumaö ma dao wei ma cui, ya tä a̦ labamaö bufiomi. Jedeoni a ca̦i malä cule, Balaco a ca̦i, Sasono a ca̦i, Jedei a ca̦i, David a ca̦i, Samuel a ca̦i, Yai Bada a wa̦no wäyälewä bä ca̦i bluca.

Josué 1:9

¿Ö̦jö tawä? Bä nowa taö malä waiquiofe. A nö da wa̦lojoicu. A bufi da lofotoicu. A quili dijä. A bufi ca̦i mla dijä. Wa fuu lä bädao wei jamö ma cui, cafä lija Jeobaa ya lä bufiblamou wei yanö, bä ca̦i malä cule —a cuma.

Jueces 4:10

Balaco a lä cuinö, Sabulono ebä nacamaö showadaoma. Nefitali ebä ca̦i. Sedesi jamö bä fa co̦camoliyonö, Balaco lija 10.000 bä yaua showalayofälöma. Debolanö Balaco a ca̦i dolequea majöa showabefälöma.

Jueces 5:1

Ö̦jö lä däjä, Debola sho, Abinoama bä ijilubö Balaco a lä cui sho, amowa tä a̦ taböma. Abenaja cäcöbä amowabö a̦ cuma.

Jueces 6:35

Manasesi ebä bluca lä bälöblai jamö bä fa shimölönö, Jedeoni lija ö̦jö bä wayu ca̦i co̦cablamaö bufii showaomaje. Aselo ebä ma cui lijamö, Sabulono ebä ma cui lijamö, Nefitali ebä ma cui lijamö, ö̦jamö bä moyawämabeje bä fa shimölönö, Jedeoni lija bä co̦cao lä waiquiono wei bä mö baamadayobeje, bä ca̦i dolequebefälöma.

Jueces 8:18

Ö̦jö däjä, Jedeoni a lä cuinö, Seba, Saluna cäcöbä wa̦lima. —Dabolo jamö wama bä jo̦wa lä shäleno wei, tä a̦ da wäböba —a cuma. Bä a̦ fuo ja, abenaja cäcöbä cuma. —Cafä wa lä culenaja bä cuoma. Inaja showawä bä bluca cuwä mö feduoma. Bä bälöo lä dodijii bä bada mömou lä culenaja, bä mömou cuo mö feduoma —cäcöbä cuma.

1 Samuel 10:3

’Ö̦jö däjä, wa aa fa co̦lufälönö, co̦lufälönö, Dabolo tä jamö fii fi bada lä ublale ja, wa nia waloo —a cuma—. Ö̦ja wa fa waloicunö, Bedele jamö Yai Bada lija bä nö bayeli nacaodayobä, 3 bä lä fuu wei bä lija wa nia waloo. Ai anö shibo 3 bä nia lulubou. Ai anö nii 3 ji̦bä nia bou mö feduo. Ai a mö feduwä lä cuinö, yalo si ja nashiwä toubä nia ca̦i besibou mö feduo.

1 Samuel 12:11

’¿Ö̦jö tawä? —a cuma—. Ö̦jö däjä, wamacö bayeliblaö läobeje, Jeobaanö bä shimama. Jedeoni a ma cui, Balaco a ma cui, Jedei a ma cui, ö̦jö bä bluca shimaö balöoma. Fei däjä camiyä Samuel ya ma cui, wale ca̦i shimaö nomöjöoma. Inaja a fa cuaanö, bä nö nabämou fe lä fa̦yoaö wei bä lija, Jeobaanö wamacö fa bayeliblanö, dodijidawä wamacö yanöcöwä bälöo majöoma.