Jueces 4:2 - Biblia Yanowamö

² Canaanateli Jabini a bada lija bä noshi ö̦jödabou nomöjöoma. Asolo jamö, Jabini a bada bälöoma. Cama wayu ebä ca̦i fubä, Sisala a bada lämaboma. Ö̦jö Sisala a lä cui, Alosecoimi jamö a bada bälöo mö feduoma.

Jueces 4:2 Iomraidhean Croise

Mateo 18:25

Tä nowa cuoma ma cui, blada bä nia lä co̦amaö wei bei etä cuonomi dicowä. Tä nowa nö co̦amabimi yalo, shomi täbä nija bada anö a jöböamaö bufima. Cama a ma cui, bä suwäbö e ma cui, bä ijilubö ebä ma cui, täbä bluca lä tabono wei täbä ma cui, blada bä ja bada anö bä nia bluca nomöjöamama, tä nowa co̦amamou fe yadiobä.

Jueces 4:13

cama wayu ebä befi ca̦i läläabä täbä bada madofi fude blacämaö showadao bufima. Etäbä 900 cuoma. Bä nia befi ca̦i lä läläaö wei bä ca̦i wayu showawä. Alosecoimi jamö bä culanö, Sisono u ja bä wayu ca̦i aa showadaaliyofälöma.

Jueces 4:16

Bä befi ca̦i lä läläano wei bä ma cui, bei mamicö jamö bä wayu lä funo wei bä ma cui, bä docuu co̦fälöbä jamö, Balaconö bä nosi däa fa showadaläfälönö, bä shäö showafälölajenö, Alosecoimi jamö bä wayu walomaquemaje. Sibala bänö Sisala ebä bluca shäalalefälömaje. Moli ma cui a feiblamanomije.

1 Samuel 12:9

’Ö̦jö ma cui, Jeobaa a bufiblabeje a ma cuono wei ma cui, a nofi mojodubomaje —a cuma—. A nofi mojodubomaje yalo, bä lä ishono wei däjä, bä noshi ö̦jödaboma. ¿Ö̦jö tawä? Sisalanö bä nö bleaamama. Ö̦jö a Sisala lä cui, Asoloteli a bada lija a yädäoma, Jabini a wa̦fa lä cule lija. Jabini ebä wayu luluboma. ¿Ö̦jö tawä? Filideo bä lija bä noshi ca̦i fa ö̦jödabonö, ö̦jö bänö bä nö ca̦i bleaamaö mö feduomaje. Moabateli a bada lija bä noshi ca̦i fa ö̦jödabonö, ö̦jönö ma cui, bä nö ca̦i bleaamaö mö feduo showaoma.