Jueces 3:2 - Biblia Yanowamö

² Isaeli ebä wabäono lä mlai bä damaö fa bufinö, shomi bä lä bälöblaono wei, Jeobaanö bä daa majöquema.

Jueces 3:2 Iomraidhean Croise

Génesis 2:17

Ö̦jö ma cui, nö wa̦lidiwä ö̦jöböamodima defi ja, täcö wa dijä. Ö̦jö defi ja wa täcö waö ja, ö̦jö däjä showawä wa nia nomaö —a nowa tama.

Génesis 3:5

Cama Yai Bada a bufi dao lä culenaja, wafäcö bufi nia cublou mö lä feduo wei tä daö yalo, a wa̦ li cuo bädaoma malä cui. Wafä täcö waö däjä, bufi dao wäfäcö nia cublou. Wa̦lidiwä tä ma cui ja, dodijidawä tä ma cui ja, cama Yai Bada tä bufi dao lä culenaja, wafäcö bufi nia li cublou mö feduo —cäcö olu cuma.

Génesis 3:7

Cäcöbö bufi möblou fa showadalonö, cäcöbö nö ca̦i shinoco ö̦jöbömoa showadalayoma. Ö̦jö däjä, cäcöbö fa quililalunö, cäcöbö colocu jo̦yaobä, ico jenabä diyäblabölema.

Juan 16:33

Camiyä nija wamacö culanö, wamacö bufi yanöcöo fe yadiobä ya wa̦. Bita jamö wamacö cua showalanö, wamacö nö nia ma bleaamaö wejei ma cui, bä bufi nö da wa̦lojoicu. Bita jamö a lä nosiemou wei a nija ya nö wa̦loblou waiquilayoma —a cuma.

1 Timoteo 6:12

Täbä wayu fubä jamö täbä bufi nö wa̦lojoablalou lä culenaja, a bufi da cuicu, Yai Bada wa wa̦ yai fuaö shaliliobä. Wa nia lä ba̦limiblou wei tä a̦ da lofotolö. ¿Ö̦jö tawä? Wa ba̦limiobä, Yai Bada tänö wa nacalema. Jesucristo wa nofi a̦fa mölabou lä wäono wei däjä, bluca täbä yömöca mada daoblei.

2 Timoteo 2:3

Wayu bä fuu däjä bä nö bleaaö ma cui, bä fuu fe lä yadio weinaja, cafä a ca̦i da cuaa, camiyä yamacö lä cuaaö weinaja showawä. Jesucristo a showawänö wa ca̦i malä fuole.

2 Timoteo 4:7

Yai Bada tänö camiyä lija tä nabä lä shimöbeno wei tä ja, ya nö wa̦lojoablaloma. Tä tamaö lä bufino wei, ya tä jödödöblalema. Ya tä a̦ bufibou showale ei ya.

Jueces 3:1

Canaana jamö ai bä shomi bälöjöwä yaiblamou lä showaono wei, Jeobaanö bä lä feibono wei fei bä li. Ö̦jö bä lija Isaeli ebä wabäobä bä feiboma. ¿Ö̦jö tawä? Canaana jamö Isaeli ebä ishou dao lä mlai, bä nia bluca wabäoma.

Jueces 3:3

Bä bälöjöwä yaiblamou lä daqueno wei, fei bä li. Filideo bada 5 bänö bä ca̦i lä cuono wejei, ö̦jö bä li. Canaanateli bä ca̦i bluca. Sidonoteli bä ca̦i. Libano cäcö jamö bä ebeo lä bälöono wei bä ca̦i. Ö̦jö bä lä cui, Baalemono cäcö jamö bä bälöblamou fa cuaanö, Amada yo lä bale jamö bä bälöo fe wädöoma.