Jueces 2:4 - Biblia Yanowamö

⁴ Jeobaa etä a̦jele lä cuinö, Isaeli ebä bluca lija ö̦jö tä a̦ wäyäö ja, bä ö̦cöö ja bä a̦ nacläama.

Jueces 2:4 Iomraidhean Croise

Lucas 6:21

’Yai Bada nija wamacö cadidou bufi lä doblao wei wamacö lä cui, wamacö bufi yai doblalobä wamacö. Yai Bada tänö wamacö bufi nia malä doblamabou wei. ’Wamacö lä ö̦cöö wei wamacö lä cui, wamacö bufi yai doblalobä wamacö. Wamacö nia i̦cablalou malä majöo wei.

Lucas 7:38

Jesús matacö mö cuobä jamö a ublaqueyoluma. Ö̦jamö a ö̦cölanö a möfe boquema. Bei mabu ubänö Jesús mamicö jelemalalema. Ö̦jö däjä a fa loicunö, cama suwä fe̦ta ucu showawänö mamicö ya̦jöblalema. Mamicö buyucadima. Toubä nö lä cle̦deli wei toubänö mamicö fe löblalema.

2 Corintios 7:10

¿Ö̦jö tawä? Yai Bada tänö bä bufi fo̦liblamaö däjä, bä bufi mö yabajadou fa majöonö bä malä fucäamou wei. Ö̦jö tä ja, bä shädayaimobä etä cuami majöwä. Ö̦jö ma cui, yanowamö täbä lä cublai, täbä bufi lädou ma mlai ma cui, täbä bufi fo̦lijiblou bädao ja, Yai Bada tänö täbä fucäabä ö̦jö tämi. Täbä nomabä ö̦jö täbä li waiquiwä.

Santiago 4:9

Wamacö doblou lä mlai, ¡bä bufi wa̦lidiwä yai da damolalu! ¡Bä yai da ö̦cö! Wamacö i̦cablalou lä bashiblao wei, ¡bä bufi yai da wa̦lidiblalu! Wamacö bufi shi jaliblalou mlai ja, ¡bä bufi yai shino da shädayaimo!

Jueces 2:3

’Ö̦jö cudeenö, fei däjä abenaja ya cuu majöo —a cuma—. Wamacö nia lä fuu wei jamö camiyänö ya bä nia yashuu baläläomi. Wamacö yabäcabeje ö̦jö bä nia yai cuo. Täbä lä bufiblaö wejei täbä lija wamacö fa yabäcäonö wamacö nia dobloimi —Jeobaa etä a̦jele cuma.

Jueces 2:5

Bä ö̦cöblaama cudeenö, Boquimi tä ulufi a̦fa jilaquemaje. Jeobaa lija ö̦jamö yalo bä dodobomaje.

1 Samuel 11:4

Bä wa̦no wäyäbeje bä lä shimöleno wejei, Cabaa jamö bä waloquema, Saulo a lä bälöono wei jamö. Ö̦jamö bä fa waloicunö, bä bluca yömölamaje. Tä a̦ fa ji̦liläjenö, bä bufi bluca jaluaö ja, bä a̦ nö bleaama.