Jueces 2:2 - Biblia Yanowamö

² Abenaja ca̦i. “Ö̦jamö bä lä bälöblai bä sho, wamacö nofi nia tamayoimi”, ya e cuma. “Ö̦jö bä lija wamacö a̦ nö wäobä bämi. Cama etäbä lija, bä yalo lä dodoblamou wei bä maqueblamobä täbä lä cui, wama etäbä nia wa̦liaö showadao”, bämacö nowa tama ma cui, yamale a̦ ji̦liblanomi. ¿Wedi wama tä li taö dicooma?

Jueces 2:2 Iomraidhean Croise

Génesis 12:18

Bada a nö bleaama yalo, Ablamö a nacalema. —¿Wedi tä tabä, camiyä wale nö li bleaamaö bufio dicooma? ¿Wedi tä tabä, “Iba a li suwä”, wa cuu showadao mlai, wale li mojodumabou dicooma?

Génesis 4:10

Öjö däjä, Jeobaa a wa̦ faö co̦oma. —¿Wedi wa tä taö dicoo cufe? Mashita jamö, fääshäfä wa i̦yäbö nofi jushua dodijimaquema. Camiyä nija i̦yäbö nö jo̦wa yuamamou bufio lä cule.

Éxodo 32:21

Aaloni nija abinaja Moisesi a cuma. —Ei bä lä cui, ¿wedinaja cafä nija bä li fa cuaanö, bei wa bä nö li bleaamaö nomöjöo bufio cule? Wa bä yacläa dicomalema, Jeobaa nija bä doblou mlaobä.

2 Tesalonicenses 1:8

Yai Bada tä daö bufio lä mlajei bä nabä fa queicunö, a nö yuo cuquei. Bada tä Jesús etä a̦ dodijidawä ji̦liblaö lä mlajei bä nabä nia ca̦i queo.

1 Pedro 4:17

Yai Bada tänö täbä nia bluca lä jömaö wei tä cuaaö waiquia lä cuimadi. Cama bäma ecö lä cui, bämacö nia jömamou lä balöblao wei bämacö. Bämacö fei däjä lä wabamou wei, ö̦jö tä li waiquiwä. ¿Ö̦jö tawä? Camiyä bämacö jömamou balöblao ja lä, Jesucristo dodijidawä etä a̦ juaö lä mlajei bä lä cui, ö̦jö bei bä nia yai jömamou dodijio.

Jueces 2:20

Ö̦jö cudeenö, Isaeli ebä lija Jeobaa bei a jushudou fe balojolayoma. Abenaja a cuma. —Ei bä nö badabö lija ya wa̦ nö wäoma. Ya bä nowa lä tano wei, ö̦jö bä lija ya tä nabä shimaö cadidioma ma cui, wale a̦ ji̦liblaimi dicoweje ja,

Jueces 6:10

Bämalecö nowa ca̦i taö showaoma. “Wamale bufiblabä ya Jeobaa”, a cuma. “Amoleo bä ulufibö jamö wamacö bälöjöwä ma cui, ö̦jö bänö täbä lä bufiblalajei bä nö quili ta dijejä”, a cuma. ¿Ö̦jö tawä? A cuma ma cui, wama a wa̦ ji̦liblanomi —Jeobaa a wa̦no wäyälewä a cuma.

Jueces 6:8

Jeobaa a wa̦no wäyälewä a shimölema, Isaeli ebä lija. Abenaja a cuma. —Jeobaa ya wa̦no taö lä cule, Isaeli bäma ecö lija a bufiblamobä a lä cui. Ejido jamö bämalecö co̦lema. Bämalecö nö lä bleaamano wejei jamö culanö, bämalecö luluboimama.

Jueces 8:27

Ö̦jö bä olo ja, Jedeoninö nö ijidubö a tablamalema. Nö ijidubö a fa tablamalönö, Oflateli bä shabonobö jamö a i̦tamaboma, cama a lä bälöono wei jamö. Ö̦jö a ja, Isaeli ebä bufi bluca yabäcäo fa dicoonö, ö̦jö tä cotä ja, bä möfe boblaama. Jedeoni a ma cui, cama ebä ma cui, ö̦jö nö ijidubö ja bä bufi fa wabamonö, bä bufi shomiafälöma.