Jueces 16:3 - Biblia Yanowamö

³ Ö̦jö ma cui, Sasono a yanöcöblaa fa balöicunö, a bäshäcuoladi jocälayoma. Yoca laa fa dalalönö, yoca fuwäa showadaalema. Teficö lä i̦tao wei teficö ma cui, tefi maquea lä blilile tefi ma cui, ö̦jö tä befi ca̦i bluca ucäa fa showadalönö, teficö befi ca̦i maolefälöma. Eblono tä mashi jamö tä balöcö ösöwä lä ublale jamö, ö̦jamö teficö befi ca̦i fa dolequebofälönö, teficö befi ca̦i bälaquedayoma.

Jueces 16:3 Iomraidhean Croise

Hechos 2:24

Ö̦jö ma cui, a ma shäleno wejei ma cui, Yai Bada tänö a jucäa fe yadilema. A ca̦i demi jocädamaö co̦layoma. A nomaö shi wa̦lijiobä a cuono malä mlai.

Jueces 16:2

Casateli bä bluca yömölayoa showadaaliyoma. —Quiji yano jamö Sasono a cua lä cule —bä nowa fa tayolunö, a shabono fe bada fa̦yoblalemaje. A nö dabolajenö, ala nacö jamö yoca lä joleono wei jamö, bä lämou fe jaluma. ¿Ö̦jö tawä? Didi däjä bä a̦ fanomi. Abenaja bä nowa shi̦lo tayolayoma. —Bämacö nö dao da balöo. Bä tä mö jaluimaö däjä, ö̦jö däjä bäma a nabä yai queobä —bä nowa tayolayoma.

Jueces 16:4

Ö̦jö tä cublou fa waiquilonö, Soleco tä lä yalöbe jamö a suwä lä bälöono wei a suwä lija, a bufi cua majöquema. A wa̦fa Dalila cuoma.