Jueces 15:7 - Biblia Yanowamö

⁷ Abenaja Sasononö bä nowa taö showaoma. —Bei. Cafä wamacö lija ya wa̦ nö wäo lä cule. Inaja wamacö cuaaö dicooma ja, cafä wamacö lija ya nö nia yuo dodijio. Ya nö yuo jödödölayou ja, ö̦jö däjä ya nia shi̦lo yanöcöblou —bä nowa tama.

Jueces 15:7 Iomraidhean Croise

Romanos 12:19

Bämacö lä nofimale wamacö. Bä nö yuo dijä. Täbä doblou lä mlai täbä nö nia lä yuaö wei, ö̦jö Yai Bada tä waiquiwä. Inaja lä tä cuobä. Abenaja tä a̦ oni malä cuu wei. “Nö yualewä camiyä ya yai. Ya tä nowa nia co̦aö”, Bada tä cuu. Einaja tä a̦ oni malä cuu wei.

Jueces 14:19

Ö̦jö däjä, Jeobaa a Bufinö Sasono a fa lofoteblamalönö, Asicalono jamö a dimöa showadabaliyofälöma. Asicalonoteli 30 bä filideo fa shäalalönö, bä lä didiono wei sibä bluca dolalema. Tä a̦ lä wawämano wejei bä 30 lä cui lija, ö̦jö sibä ja bä dobäa co̦lalejeloma. Ö̦jö däjä, bä fö̦ö e lijamö a jushuo ca̦i co̦a co̦layoma.

Jueces 14:4

¿Ö̦jö tawä? Jeobaanö filideo bä nia jushuo luluboma yalo, inaja Sasono a taamama ma cui, “Jeobaanö tä taamaö da culanö”, bä fö̦ö e bufi cunomi. Etä danomi. Bä nöö e ma cui, inaja showawä. ¿Ö̦jö tawä? Filideo bä nö bleaamaö bufio waiquia yalo, bä nia jushuo luluboma. Isaeli ebä lija filideo bä bada nosiemoma, ö̦jö däjä.

Jueces 15:6

Inaja tä cublou ja, filideo bä a̦ fama. —¿Wedinö ö̦jö tä wacä li ömömaquei cufe? —bä cuma. —Wedinö mlai —ai bä cuma—. Sasono a cuoma. Dinadateli bä fecamabö e lä cui. Cama nofi e lija bä suwäbö e jibäa jäquemaje cudeenö, ö̦jö a nö bäshälö taö lä cule —bä cuma. Ö̦jö cudeenö, Dinada jamö filideo bä dolequea fa showadabofälönö, cowa wacä ja Sasono bä shö̦ö e ma cui, bä suwäbö e ma cui, cäcöbä yaa showadabemaje.

Jueces 15:8

Bä nabä quea fa showadaicunö, bä bluca wa̦liabodayoma. Bluca bä shäa fa showadabodunö, Etamö macö ca lä wacocoono wei jamö a fa cubofälönö, ö̦jamö lä a didialejelayoma.