Jueces 12:8 - Biblia Yanowamö

⁸ Jedei a fa nomalönö, Belenateli Ibisana a bada läo nomöjöoma, Isaeli ebä lulubobä.

Jueces 12:8 Iomraidhean Croise

Mateo 2:1

Judea tä ulifi jamö, Lomateli bänö Elode a bada lä lämabono wejei däjä, Belena jamö Jesús a oshe cublaliyoma. A oshe cublaliyono wei ja, motoca a lä faö wei jamö bä lä bälöono wei, ai bä bufi daolewä waloqueyoluma. Tä nia lä cublou wei tä daö showadaobeje, shidicali bä shino mödimaje. Jelusale jamö ö̦jö bä fa yafilionö, abinaja bä cuma.

Miqueas 5:2

Belena Eflada jamö wamacö lä bälöle wamacö blucami. Judawä ai ebä mö feduwä lä cublai bä shi̦lo teteblawä ayawä. Ö̦jö ma cui, Isaeli ebä lija a bada läobä, cafä Belenateli wamacö lija, iba ya nia wawäblamaö, yedu ja a cuo lä showadaono wei.

1 Samuel 16:1

Samuel lija abenaja Jeobaa a cuma. —Saulo ya lä taamaö wei tä ja, ¿wa bufi nia li wajäaö shi wa̦liblou dicoo? Isaeli ebä lijamö a bada läobä, camiyänö ya waia ma waiquileno wei ma cui, ¿wedi tabä wa nofi li tabou fe yadio? Bei. Afä yalo yo̦la ja, täbä showadi lä jölöcamou wei wa toubä fe dabö fa lajoblamalönö, wa toubä ca̦i fubä. Belenateli a lija bä nia shimaö, Isai a wa̦fa lä cule lija. Bada ya lämabou majöobä, ö̦jö Isai bä ijilubö ya e nofi cadidibou waiquiwä —a cuma.

Génesis 15:19

¿Ö̦jö tawä? Seneo bä ulifibö ma cui, seneseo bä ca̦i ulifibö ma cui, camoneo bä ca̦i ulifibö ma cui, afä ijilufä nodiwä bä nija ö̦jö ya bä ulifibö jöböäö.

Jueces 12:7

¿Ö̦jö tawä? Isaeli ebä lulubou showalanö, Jedeinö lasha 6 a lalomalema. Ö̦jö däjä, Calaadateli a Jedei lä cui, a bufi mlaquema. Cama a lä bälöono wei a shabono jamö, a didiquemaje.

Jueces 12:9

Ibisana bä ijilubö 30 ebä cuoma. Ö̦jö ebä lija suwä bä dämabobä, shomi täbä lija bä nacama. Bä tää ebä ca̦i 30 cuo mö feduoma. Shomi bä lija bä jibäaö mö feduoma. Isaeli ebä lulubou showao däjä, lasha 7 a famalema.