Juan 9:6 - Biblia Yanowamö

⁶ Einaja a cuolanö, mashita jamö tä fa cläshäcönö, bei canojoli bänö tä a̦jiblamalema. Inaja a fa tablalönö, a̦ji a̦ji cäcönö, jubäbö a lä cui mamo casöcö ya̦leblalema.

Juan 9:6 Iomraidhean Croise

Marcos 7:33

Bä bluca lä co̦camono wei jamö Jesúsnö a jalili ca̦i fa bayäcäblalunö, bei yömöcacö jamö imicö lucäa mö fedududaliyoma. Bei canojoli bä fa jämolunö, aca ya̦lebalema.

Marcos 8:23

Ö̦jö däjä, shabono a sibo jamö, Jesúsnö a lä jubäböono wei a öböa showadalefälöma. Cäcöbö fa sibolunö, bei canojolibö fa jämolunö, a lä jubäböono wei mamo casöcö jölöcölema. Ö̦jö däjä, imicö ca̦i maquea fa baliicunö, a wa̦lima. —¿Fei däjä, wa täbä möö tawä? —a cuma.

Juan 9:11

Abinaja a cuma. —Jesús a wa̦fa lä culenö, a̦ji a̦ji cäcönö wale mamo casöcö fa ya̦lelönö, Siloe uca jamö wale shömölema, ya mö ya̦lömobä. Ö̦jö cudeenö, ya julayoma. Ya mö fa ya̦lömolönö, bei ya mamocu yai jalolayou cublei —a cuma.

Apocalipsis 3:18

Ö̦jö cudeenö ya bä yömölaö, camiyä nija bä yai bayeliblamobä. Camiyä nija olo bä lulabeje ya wa̦, tä wa̦lidiwä coyocoa lä mlai. Camiyä nija jai olo bä yai lä dodijidai bä fa lulualalöjenö, bä yai bayeliblamobä. Camiyä nija bä camishi lä au wei bä ca̦i fa lulualalöjenö bä didiobä, bä shinoco nö dablamou quilijio mlaobä. Bä mamocu fä̦lömamobä, camiyä nija toubä ca̦i fa lulualalöjenö bä mamocu fä̦lömamobä, täbä möö liyäjäblou co̦obeje.