Juan 9:41 - Biblia Yanowamö

⁴¹ Ö̦jö bä nija abinaja Jesús a cuma. —Wamacö mamocu a̦fa wa̦lidiwä tamou showadao fa cunoja, afä tä nowa nö cuobö mlai. Täbä lä jubäbö wei, täbä shino bayeliblamou malä cui. Ö̦jö ma cui, “Yama tä dodijidawä möö waiquia lä cule”, wamacö cuu dicoo ja, afä tä nowa cua showaa.

Juan 9:41 Iomraidhean Croise

Lucas 12:47

’¿Ö̦jö tawä? —Jesús a cuma—. Bada a nosie juamobä a lä cuinö, a taamaö lä bufii wei tä daö ma waiquiono wei ma cui, tä tanomi yalo a nö nia bleaamaö dodijio.

Lucas 18:14

’Cafä bämacö nowa taö lä cule —a cuma—. A nofi ojode tablamobä a wa̦ lä fano wei a lä cui, Yai Bada tänö ö̦jö a nofi shino yai dodijaö tabou ayalanö, a co̦a co̦layoma. Bä lä jömöo wei bä lä cui, Yai Bada tänö bä nia quilimaö malä majöo wei. Bä jömöo lä mlai bä lä cui, wawädowä ö̦jö bä nia shino yai tamabou. ¿Ö̦jö tawä? —Jesús a cuma.

Hebreos 10:26

Bei bämacö bufi jamö dodijidawä bäma tä a̦ tabou ma waiquile ma cui, bämacö fe ou majöablalou dicoo ja, wa̦lidiwä bäma tä fulii mö yabaaö lä co̦le däjä, bämacö doblou lä mlai tä nowa mladobä, tä nia cuo co̦o majöomi. Ai a shämou co̦obä, a nia cuo co̦daaimi.

Santiago 4:17

¿Ö̦jö tawä? Tä lä dodijidai bäma tä nö ma ö̦jöböaö wei ma cui, bäma tä taimi ja bämacö dobloimi waiquiwä.