Juan 9:34 - Biblia Yanowamö

³⁴ Abinaja a nowa tamaje. —Cafä wa̦lidiwä talewä wa oshe fa cublalunö, wa cua lä showale wa lä cuinö, ¿camiyä wamalecö nia damaö majöo daanö? —a nowa talajenö, sibo jamö i̦cali a jilululemaje.

Juan 9:34 Iomraidhean Croise

Génesis 19:9

—¡Uo! ¡Mijamö! A da bayäcälö —bä jushuo ca̦i cuma—. Cafä shomiteli wanö, yamalecö a̦fa tabä wa malä mlai. Inaja wa cuu dicoo ja, cama yama cäcöbö juwämaö ayao mlai, fei däjä cafä bäfä nia yai juwäaö dodijio —bä cuma. Inaja bä fa cunö, Lodo a i̦cali fa ja̦ilöjenö, bei yoca wa̦liaö showadaobeje bä bluca ajededou showalayoma.

Éxodo 2:14

A lä ishou wei a lä cuinö a wa̦ lafujolanö, abinaja a cuma. —Camiyä yamacö bada wa malä mlai, wale wasöö bashiobä. Ejidoteli wa shäa lä taleno weinaja, ¿wale nia shaö cuo nomöjöo daanö? —a cuma. Ö̦jö tä a̦ fa ji̦lilänö Moisesi a quililaliyoma. “Ya da isholui tä a̦ jo̦wa ji̦liaö nö cudujei”, a bufi fa cudalunö, a quililaliyoma.

Lucas 11:45

Ö̦jö däjä, Moisesi tä a̦ yai lä daö wei ai a wa̦ juoma. —Tä a̦ wäyäle. Faliseo bä bada lä cui, inaja wa bä nowa taö dicoo ja, camiyä yamacö ma cui yamalecö nö ca̦i waiblaö mö feduo dicoo —a cuma.

Lucas 14:11

¿Ö̦jö tawä? Cama a lä jömöo wei a lä cui, Yai Bada tänö a nia quilimaö malä majöo wei. A jömöo lä mlai, wawädowä a nofi nia shino yai tamabou —Jesús a cuma.

Lucas 18:17

Ei ya wa̦ lä cui, bejedi lä ya wa̦. Ijilu bänö Yai Bada a wa̦ juaö si ijejewä lä culajeinaja bä cuwä lä mlai, Yai Bada tänö cama ebä ca̦i cuobä jamö, ö̦jö bä nia cuomi waiquiwä —Jesús a cuma.

Lucas 6:22

’¿Ö̦jö tawä? —a cuma—. Ya lä yanowamöblaleyoluno wei wamale bufii yalo, wamacö nö ma bleaamaöje däjä ma cui, wamacö bufi doblalobä wamacö. Wamacö nofi ma wa̦libouje däjä ma cui, wamacö ma waibouje däjä ma cui, wamacö a̦fa ma lafujaöje däjä ma cui, wamacö a̦fa dobloimi ma taöje däjä ma cui, wamacö bufi doblalobä wamacö.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Juan 8:41

Wamacö fö̦öbö yai lä cuaano weinaja, wamacö cuaaö yauaö dicoa lä cule —Jesús a cuma. Abinaja bä cuma. —Shomi yamacö ijilubö malä mlai. Yamacö yai lä fö̦ömou wei, ö̦jö lä Yai Bada tä waiquiwä —bä cuma.

Juan 9:2

Cama ebä lä nocamabono wei bänö a wa̦liije ja, abinaja bä cuma. —Tä a̦ wäyäle. Ei a lä cui, ¿wedi mayo ja, a li jubäböblaliyoma? Cama a doblou lä mlai tä nowanö, ¿inaja a li tablamolayoma daanö? Ma, bä nöö, bä fö̦ö, ¿ö̦jö lä cäcöbö mayonö a jubäbö tawä? —bä cuma.

Juan 9:22

Judio bä nija cäcöbö quilima yalo cäcöbö a̦ li cuoma. ¿Ö̦jö tawä? Judio bada bä a̦ wayou malä waiquiono wei. “Yai Bada tänö a shömabä a lä yaileno wei, ö̦jö Jesús a waiquiwä”, wawädowä bä lä cuu wei, bä nia joyamaje. Judio bä yododabä yafi jamö, bä nia coyocomabou co̦daanomije.

Juan 9:35

Mamocu lä jalolayono wei, Jesúsnö a wa̦fa jilulamou ji̦lilema. Ö̦jö däjä, a fa dayäblalönö, abinaja e cuma. —A lä yanowamöblaleyoluno wei a lä cui, cafänö ¿wa wa̦ bejedi bufii cule? —e cuma.

Juan 9:40

Faliseo ai bä lä ajedeono wei bä bada lä cui, ö̦jö a wa̦ fa ji̦liläjenö, abinaja bä cuma. —Camiyä yamacö ma cui, ¿yamalecö a̦fa ca̦i möbloimi taö mada tawä? —bä cuma.

1 Corintios 5:13

Mojodi täbä doblou lä mlai, Yai Bada camanö täbä dobloimi jimabä cätä. Abenaja tä a̦ oni malä cuu wei. Cafä wamacö lija tä coyocoo mlaobä, a doblou lä mlai a da blajamalöje. Einaja tä a̦ cuu.

Gálatas 2:15

¿Ö̦jö tawä, judio wamacö? Camiyä judio bämacö oshe cuo showadaoma. Judio bä lä mlai bä a̦fa wa̦lidiwä talewä lä jilabolajei, ö̦jö bämacömi.

Efesios 2:3

Ö̦jö bä lä cuaaö weinaja, camiyä bämacö bluca ma cui, inaja bämacö ca̦i jaba cuaama. Wa̦lidiwä bäma tä lä didibole tä ja, bämacö showadi luluamoma. Bämacö cuaaö bufi lä doblaono wei tä ja, bämacö cuaaö shalilioma. Wa̦lidiwä bämacö cuo waiquioma yalo, Yai Bada tä nö wa̦lowä lä jushudou wei a lä cuinö bämalecö nö nia blemaboma, ai bä nö nia lä blemabou weinaja showawä.

1 Pedro 5:5

Fiya wamacö lä cuinö, bada wama bä a̦ ca̦i nia juaö. ¿Ö̦jö tawä? Bluca wamacö ma cui, wamacö a̦ dodijidawä juayobä wamacö. Cafä wamacö jömöo mlai, ai wama bä a̦ shino ji̦liabä. Abinaja tä a̦ malä cuu wei. Cama bä lä jömöo wei bä lä cui nija, Yai Bada a bufi lämou. Ö̦jö ma cui, bä jömöo lä mlai bä lä cui bä nofi yai ojodabou. ¿Ö̦jö tawä? Einaja tä a̦ cuu.

3 Juan 1:10

Mijamö ya waloo bädao ja, cama a lä cuaaö wei ya tä a̦ nia wawämaö. Wale a̦fa jo̦wa wayoadii cudeenö. Ö̦jö ma cui, “Inaja lä waiquiwä”, a bufi cuu mlai, abinaja a ca̦i jo̦wa cuaaö dicoo. Jesucristo etä a̦ wäyäbeje bä fama ma juu wei ma cui, bä dodijidawä co̦blamaimi. Bä waloamaö bufi lä doblao wejei bä ca̦i wasöö. Bä bälömabou fe blacäjouje ja, Jesucristo ebä yododabä jamö bä ca̦i lomabou co̦daaimi.

3 Juan 1:9

Mijamö Jesucristo wama ecö ca̦i lä yododaö wei wamacö nija ya tä a̦ oni shömölema ma cui, Diodefe a lä cuinö wale a̦ jo̦wa ji̦liaö moji. “Ö̦jönö yamalecö shino yai yömölabä”, wale nofi jo̦wa taboimi. Cama a wa̦ jo̦wa shino ji̦liamou bufi doblao dicoo.

Apocalipsis 13:17

Bä oniblamou lä mlai bä lä cui, blada bä ja täbä nia ca̦i madofi nomöjöamaimi. Madofi bä ma cui ja, blada bä nia ca̦i däamaimi. ¿Ö̦jö tawä? Bä nia lä oniblamou wei, yalo a waiteli jaba lä wawälayono wei bei a wa̦fa oni tamou dao. Bei a wa̦fa oni nowa lä wabamou wei tä ca̦i número tamou dao.