Juan 9:32 - Biblia Yanowamö

³² Bita jamö täbä yanowamö lä bälöle, yedu ja täbä jaba ma bälöaliyono wei ma cui, camiyä wale lä taamano weinaja, moli ma cui, tä a̦ ca̦i jaba ji̦limou buonomi. Fei däjä ma cui, tä a̦ ji̦limamoimi showawä. Jubäbö showadawä bä lä tablamou wei bä lä cui, bä mamocu nö dodijidablobimi waiquiwä.

Juan 9:32 Iomraidhean Croise

Lucas 1:70

Yedu jamö ma cui, cama a wa̦no wäyämobä ebä lä yaileno wei, inaja cama bä cuu balöo showadaoma, Yai Bada a wa̦no wäyälewä bä lä cui.

Juan 10:21

Abinaja judio ai bä cuu mö feduoma. —Fei a wa̦ shaliliablalou lä cuaaö weinaja, fecula bänö bei bä a̦ famaö cuwämije. Fecula bänö ¿jubäbö bä mamocu jalomaö daö mada sijewä? —bä cuma.

Juan 9:31

Yai Bada tänö wa̦lidiwä talewä bä a̦ ji̦liaimi. Ö̦jö bäma tä daö. Yai Bada nija bä möfe bolanö, a wa̦fa Bada doblao lä taö wejei bä lä cui, ö̦jö bä a̦ shino ji̦liaö ayao, tä tamaö lä bufii wei tä ja, bä lä cadidou wei bä lä cui.

Juan 9:33

Fei a lä cui, Yai Bada tänö a shömaö mlao fa cunoja, a nö cuaabö mlai —bä nowa tama.

Apocalipsis 16:18

Madula a wacö blada bladamou showadaoma. Täbä a̦ bluca ca̦i mashiquiwä ji̦lioma. Ya̦lu a wa̦ ca̦i faö nö quiliaö mö feduoma. Ulifi a ca̦i bada blösö blösömou nö quiliaö showadaoma. ¿Ö̦jö tawä? Yedu ja yanowamö täbä ma bälöono wei ma cui, inaja a ulifi bada blösö blösömou nö lä quiliano weinaja, moli ma cui tä ca̦i jaba dablamou cuo bädaonomi.