Juan 9:2 - Biblia Yanowamö

² Cama ebä lä nocamabono wei bänö a wa̦liije ja, abinaja bä cuma. —Tä a̦ wäyäle. Ei a lä cui, ¿wedi mayo ja, a li jubäböblaliyoma? Cama a doblou lä mlai tä nowanö, ¿inaja a li tablamolayoma daanö? Ma, bä nöö, bä fö̦ö, ¿ö̦jö lä cäcöbö mayonö a jubäbö tawä? —bä cuma.

Juan 9:2 Iomraidhean Croise

Éxodo 20:5

Ö̦jö täbä nö idubö ja wamacö möfe nia deiomi. Wama täbä a̦fa nia bada doblao taimi. ’Camiyä Jeobaa ya lä cui, cafä wamacö nija ya bufiblamobä ya. Ya bufi lä jaluo wei, ö̦jö ya. Wale a̦ ji̦liblaimije ja, wale nofi lä wa̦libou wejei täbä nija showadi ya nö yuo. Cama bä ma cui nija, bei ijilubö ebä ma cui nija, bä fääshä ebä ma cui nija, ö̦jö cama bei ijilubö ebä mö feduwä bä ma cui nija, ya nö yuo nodiablalou showao.

Mateo 16:14

Abinaja bä cuma. —Fe ojomalewä Juan bei wa jo̦wa fa talei. Ai bä mö feduwänö, Yai Bada a wa̦no wäyälewä Elia a cuo lä balöono wei, ö̦jö wa jo̦wa bufidaö talajei. Ai bä mö feduwä lä cuinö, Jelemia wa bufiije. Ai bä a̦ showawä ja, Yai Bada a wa̦no wäyälewä ai a demi jocädou fa co̦lonö, ö̦jö bei wa jo̦wa co̦dawä fa talei —bä cuma.

Mateo 23:7

Nii bä lä lulaö wejei jamö, bä nö bada ca̦i ö̦jöböamou bufi doblao. “Tä a̦ wäyäle”, bä nowa tamamou bufi ca̦i doblao.

Mateo 23:8

’¿Ö̦jö tawä? —a cuma—. Ö̦jö ma cui, cafä wamacö lä cui, “Tä a̦ wäyäle”, bä nowa tamamou bufio dijä. Cafä wamacö nija ya tä a̦ lä wäyäö wei, ei ö̦jö moli lä ya waiquiwä malä cui. Cafä wamacö lä cui, moli wamacö ca̦i mashi.

Lucas 13:2

Abinaja Jesúsnö bä nowa tama. —Ö̦jö bä Calileateli shämou nö lä quiliano wei bä lä cui, ¿wedinaja wama bä nofi li tabou? “Calileateli ai bä dobloimi fe balojoo mlai, ö̦jö bä yai doblou fa mlacunö, Yai Bada tänö inaja bä li tablalema”, ¿wama bä nofi tabou tawä?

Juan 4:31

¿Ö̦jö tawä? Cama bä juu showao däjä, Jesús a nia iyamaö fe fa yadiojenö, cama ebä lä nocamabono wei bä a̦ fe blacäjoma. —Tä a̦ wäyäle. A da iyayo, ¿ö̦jö tawä? —ebä cudima.

Juan 9:1

Jesús a jayualanö jubäbö tä dalalema, jubäbö showadawä a oshe lä tablaleno wei a lä cui.

Juan 9:34

Abinaja a nowa tamaje. —Cafä wa̦lidiwä talewä wa oshe fa cublalunö, wa cua lä showale wa lä cuinö, ¿camiyä wamalecö nia damaö majöo daanö? —a nowa talajenö, sibo jamö i̦cali a jilululemaje.

Hechos 28:4

Madateli bänö cäcö shadia fa dalalöjenö, abinaja bä nowa tayoma. —Ei a lä cui, yanowamö shädimi a nofi yaiwä. Modu u jamö a ma docubeno wei ma cui, yai tä nö yualewä lä cuinö a demi nia tamaboimi —bä nowa tayoma.