Juan 9:18 - Biblia Yanowamö

¹⁸ A mamocu lä jalolayono wei, a jaba daö fa mlacujenö, judio bänö a wa̦ bejedi bufii jaöonomije. “A ma jubäböono wei ma cui, mamocu jalomalema”, a nofi tabonomije. Ö̦jö cudeenö, bei bä nöö e sho, bei bä fö̦ö e sho cäcöbö nacamaje.

Juan 9:18 Iomraidhean Croise

Génesis 19:14

Inaja täcöbö cuu ja, bä tää ecöbö nia lä däaböno wei cäcöbö yömölabä, Lodo a didi aa showalayofälöma. Abinaja bei fecama ecöbö nowa tayoluma. —Bei. Bämacö docuu da showadaofälö. Jeobaanö ei tä mö ulifi nia jo̦wa watäblaö tai —cäcöbö nowa ma tano wei ma cui, jai a wa̦ biyäcou bädao, a wa̦ ji̦liböö cuoma.

Isaías 53:1

Yama tä a̦ lä ji̦libole, ¡tä a̦ nö bejedi bufibobö mlajei! Jeobaa a nö lofote ö̦jöböamobä tä ma cule ma cui, bä bufi jaducäbloimi.

Lucas 16:31

Abinaja Ablaamönö a nowa tama. “Moisesi tä a̦ ji̦liaö moji waiquiweje ja, Yai Bada a wa̦no wäyälewä bä a̦ ca̦i ji̦liaö moji waiquiweje ja, ai a demi jocädou ma co̦o wei ma cui, ö̦jö a wa̦ ma cui ja bä bufi nia jaducubloimi”, a cuma. ¿Ö̦jö tawä? —Jesús a cuma.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 5:44

Yai Bada a yami lä cule nija wamacö a̦fa dodijaö tamobä tä ma cule ma cui, ö̦jö tä lä cui wama tä nofi yai cadidiboimi. Ma, Yai Bada nija mlai, yanowamö täbä nija wamacö a̦fa shino dodijaö tamou bufi doblao. Ö̦jö cudeenö, camiyä wamale a̦ bejedi nö bufibimi waiquiwä.

Juan 9:19

Cäcöbö wa̦liije ja, abinaja bä cuma. —¿Ei ijilufä a tawä, jubäbö showadawä wafä a jo̦wa lä tano wei a lä cui? ¿Wedinaja a li fa cublalunö, täbä li möö majöwä? —bä cuma.

Juan 9:22

Judio bä nija cäcöbö quilima yalo cäcöbö a̦ li cuoma. ¿Ö̦jö tawä? Judio bada bä a̦ wayou malä waiquiono wei. “Yai Bada tänö a shömabä a lä yaileno wei, ö̦jö Jesús a waiquiwä”, wawädowä bä lä cuu wei, bä nia joyamaje. Judio bä yododabä yafi jamö, bä nia coyocomabou co̦daanomije.

Hebreos 4:11

¿Ö̦jö tawä? Yai Bada tänö bämalecö bufi nia yai lä yanöcömabou wei tä ja, bämacö nö da wa̦lojoo, ö̦jö lä. Bämacö nö badabönö Yai Bada tä a̦ fuaö lä mlaono wejeinaja, ai bämacö cuaaö nodio dicoo mlaobä.