Juan 9:16 - Biblia Yanowamö

¹⁶ Faliseo ai bä bada lä cui, abinaja bä cuma. —Ma. Ei a lä jalomalöfe, Yai Bada tänö a shömanomi. Täbä yanöcöobä, tä mö jalu nofi cadidibou malä mlai —bä cuma. Ö̦jö ma cui, abinaja ai bä cuu mö feduoma. —Wa̦lidiwä talewä a cuo fa cunoja, tä nö lä quilijii tä lä wawämafenaja, a nö cuaaö fe balojoobö mlai —bä cuu mö feduoma. Einaja bä bluca cuu majöadalou ja, bä bufi shedequeblaliyoma.

Juan 9:16 Iomraidhean Croise

Mateo 12:10

Ö̦jamö lä imicö lä cofeono wei a cuoma. ¿Ö̦jö tawä? A nia dobloimi fa jömajenö, Jesús a wa̦limaje. —Sábado däjä täbä nia lä jalomaö wejei, ¿bei tä a̦ läami daanö, täbä yanöcöobä tä mö jalu ja? —bä cuma.

Mateo 12:2

Ö̦jö ma cui, faliseo bä bada lä cuinö, ö̦jö bä fa dalalöjenö abinaja Jesús nija bä cuma. —Quiji afä wabä lä nocamabole, bä da mö. Täbä yanöcöobä tä mö jalu ja, inaja bä cuaaö mlaobä tä a̦ ma läle ma cui, bä cuaaö fe yadio —bä cuma.

Lucas 13:14

Ö̦jö ma cui, judio bä yododabä yafi jamö a bada lä läono wei a jushudaliyoma. ¿Ö̦jö tawä? Täbä yanöcöobä tä mö jalu ja Jesúsnö a jalomama yalo, a jushudaliyoma. Bä lä yododono wei abinaja bä nowa tama. —Wamacö ojodamodibä 6 tä mö jalu cua. Bämacö nia lä yanöcöo wei tä mö jalu cublou showaa mlai ja, wamacö jalomamou mö juimabä, ö̦jö lä, sábado däjä mlai —bä nowa tama.

Juan 10:19

Jesús a wa̦ ja, judio bä bufi shedecou co̦oma.

Juan 14:11

Fayä nija ya lä cule, camiyä nija Fayä a ca̦i lä cule, tä a̦ bejedi da bufije. Ö̦jö lä yafäcö. ¿Ö̦jö tawä? Camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi jaducua fe da yadiicu, wamale a̦ bejedi bufii fe yadiobä.

Juan 15:24

Cama bä nijamö tä nö lä quilijii ya tä bluca wawämaö mlao fa cunoja, bä nö wa̦lidiwä jömamobö mlai. Ö̦jö ma cui, ya lä cuaano wei tä ma dalaleno wejei ma cui, wale nofi wa̦libou fe yadioje. Fayä a ma cui, a nofi ca̦i wa̦libou mö feduoje.

Juan 2:11

Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Juan 3:2

Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 5:10

Ö̦jö cudeenö, abinaja judio bä cuma, a lä jalolayono wei a nija. —Bämacö yanöcöobä tä mö jalu. Wa lä maqueono wei wa täcö ca̦i jubä tämi. Tä a̦ läa —bä cuma.

Juan 5:36

’Ö̦jö ma cui, Juannö wale a̦fa ma wäyäö wei ma cui, yale a̦fa yai bejedi wäyäö lä lojode wei, ai tä cua. ¿Ö̦jö tawä? Ya lä cuaaö wei tä showawänö, Fayänö wale lä shömöleno wei tä dablamou malä wawädole. Camanö wale taamaö cudeenö, ya e li cuaaö.

Juan 6:52

Ö̦jö däjä, Jesús a wa̦ ja judio bä a̦ lafumayoma. Abinaja bä cuma. —¿Wedinaja bei ya̦ji nia li jöböamou cuo, bäma ya̦ji wabä?

Juan 7:12

Bluca bänö a wa̦fa wajado wayoaö cuaamaje. —A dodijaö —ai bä cuma. —Ma. Täbä mölamaö dicoo talei —ai bei bä cuu mö feduoma.

Juan 7:23

’Moisesinö tä tamaö lä bufii wei tä ja wamacö cadidobä, täbä yanöcöobä tä mö jalu ma cui ja, ijilufä wama bä mosi sicö joyaö dao. Inaja wamacö ma cuaaö däjä ma cui, ¿wedi tabä ö̦jö tä mö jalu jamö ai ya jalomaö ja, camiyä nija bei wamacö shino li jushudou?

Juan 7:43

Inaja bä a̦ cuablalou ja, Jesús a wa̦ ja, bä bufi bluca sheleleolaliyoma.

Juan 9:24

Einaja cäcöbö cuma yalo, a lä jubäböono wei a nacaö co̦omaje. Abinaja a nowa tamaje. —Yai Bada tä nofi shino yai da doabla. Wa mamocu lä jalomaleno wei, yama a dobloimi daö waiquiwä —bä cuma.

Hechos 14:4

Ö̦jö ma cui, ö̦jamö bä lä bälöle bä lä cui, bä bufi sheleleblaliyoma. Ai bänö, judio bä a̦ ji̦lii bufi doblaomaje. Ai bä mö feduwä lä cuinö, Jesucristonö bä lä shömöleno wei cäcöbö a̦ ji̦lii bufi doblao mö feduomaje.