Juan 9:11 - Biblia Yanowamö

¹¹ Abinaja a cuma. —Jesús a wa̦fa lä culenö, a̦ji a̦ji cäcönö wale mamo casöcö fa ya̦lelönö, Siloe uca jamö wale shömölema, ya mö ya̦lömobä. Ö̦jö cudeenö, ya julayoma. Ya mö fa ya̦lömolönö, bei ya mamocu yai jalolayou cublei —a cuma.

Juan 9:11 Iomraidhean Croise

Lucas 13:4

’Siloe jamö a yafi ösöwä lä wäcälayono wei däjä, Jelusaleteli 18 bä lä shäblaliyono wei bä lä cui, ¿wedinaja wama bä nofi ö̦jö tabou? —a cuma—. “Jelusaleteli ai bä dobloimi fe balojoo mlai, ö̦jö bä nofi yai doblou fa mlacunö, bä li inaja tablamolayoma”, ¿wama bä nofi tabou tawä?

Juan 9:10

Abinaja bä cuma. —Ja̦o. Ö̦jö lä wa ja lä, ¿wedinaja wa mamocu li jaloa cua bälayoma? —bä cuma.

Juan 9:12

—Ö̦jö a lä cui, ¿wedi jamö a li culayou cufe? —bä cuma. —Cuwi —a cuma.

Juan 9:27

Abinaja e cuma. —Uo. Bämacö yömölaö ma waiquiono wei ma cui, wamale a̦ ji̦lianomi. ¿Wedi tä tabä, wamale a̦ ji̦liaö bufi doblao co̦o? Ja̦o. Cafä wamacö ma cui, ö̦jö nija wamacö nocaobä, ¿bei wamale wa̦lii co̦o daanö? —e cuma.