Juan 8:6 - Biblia Yanowamö

⁶ ¿Ö̦jö tawä? Jesús a nia fa wabajenö bä a̦ li cuoma, Moisesi etä a̦ ja a wa̦ shominajaaö ja, a wa̦fa dobloimi tabeje. Jesús a lolanö, bei iminö, coshi coshi bä jamö tä a̦ onimama.

Juan 8:6 Iomraidhean Croise

Génesis 49:9

’U̦asi. Cafä öla ocalo a waiteli lä culenaja wa cuwä. Wa nia fa niyablaonö, wa yäläalio. Wa fa isholunö, wa co̦a co̦layou. Inaja wa cuo däjä, ¿wedinö cafä wa li yabäcaö cuquei?

Números 14:22

Bä nö badabö nija ya tä a̦fa ulifi ma wäqueno wei ma cui, ei bä doblou lä mlai bänö tä nia ulifi möimi waiquiweje. ’Ejido jamö ma cui, ei tä ulifi lä blocole jamö ma cui, cama bä nija wawädowä ya shi̦i dablamou wawädooma —a cuma—. Ya nö lojode ö̦jöböamobä, bluca ya nö quiliama. Ö̦jö tä bluca ma dablaö wejei ma cui, wale bejedimou shino wabadii dicooje. 10 wale wabaö cua waiquiaje. Wale a̦ ca̦i ji̦liblaimije. Ö̦jö cudeenö, ei bänö, wale nofi lä wa̦libou wejei bä lä cuinö, ya tä a̦fa ulifi lä wäqueno wei tä nia ulifi dablaimije.

Mateo 10:16

’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo.

Mateo 15:23

Ö̦jö ma cui, Jesús a wa̦ juonomi. ¿Ö̦jö tawä? A wa̦ juono ma mlai ma cui, a wa̦ suwä faö fe yadiblou showawä ja, Jesús nijamö bä lä nocaono wei bä a̦ fayoluma. Bä a̦ fe blacäjou ja, abinaja bä cuma. —¡Ei shomiteliyoma a suwä shömöa da co̦lö! ¡A wa̦ waidaloimi! —bä cuma.

Mateo 16:1

Ö̦jö däjä, faliseo bä bada ma cui, saduseo bä ca̦i bada ma cui, Jesús nija bä walooquema. A wa̦ nia bejedi fa wabajenö, abinaja bä cuma. —Yai Bada wa e nö ö̦jöböamobä, tä nö lä quilijii tä da wawämalö —bä cuma.

Mateo 19:3

Ö̦jö däjä, Jesús nija faliseo bä bada fa icuicunö, a wa̦limaje. A wa̦ bejedi nia fa wabajenö, abinaja bä cuma. —Täbä suwäbö joyao bädao mlaobä, ¿tä a̦ läa tawä? —bä cuma.

Mateo 22:18

Ö̦jö ma cui, bä bufi wa̦lidiwä daö waiquilanö, abinaja Jesús e cuma. —Jole jole wamacö lä dodijidai, ¿wedi tabä wamale a̦ bejedi wabaö?

Mateo 22:35

Ai a lä cui, Moisesi tä a̦ ja täbä lä damaö wei bei a cuoma. Ö̦jönö Jesús a wa̦ nia bejedi fa mönö, a wa̦lima.

Mateo 26:63

Jesús a wa̦ juo mlai ja, mamicai a ubladioma. Ö̦jö däjä, nofi bäyäalewä bada a lä cui, abinaja a cuu nomöjöoma. —A wa̦ nö da wäicu, Yai Bada a demi shi lä wa̦lile a malä cule. Yai Bada tänö a shömabä a lä yaileno wei, ¿ö̦jö lä cafä bei wa e waiquiwä tawä? ¿Yai Bada wa etä Ijilubö dodijiwä tawä? A wa̦ nö da wäbo —a cuma.

Marcos 10:2

Ö̦jö däjä, Jesús nija faliseo bä bada fa icuicunö, a wa̦limaje. A wa̦ bejedi nia fa wabajenö, abinaja bä cuma. —Täbä suwäbö joyao mlaobä, ¿tä a̦ läa tawä? —bä cuma.

Marcos 12:15

Judio bämacö lä cuinö, ¿blada bä ja bäma bä dobäbä, bämacö daanö? Ma, camiyä bämacönö, blada bäma bä jöböaö mlaobä, ¿ö̦jö bei bämacö?—ebä cuma. Ö̦jö ma cui, bä jole jole dodijaö lä buono wei bä daö waiquilanö, abinaja Jesús e cuma. —¿Wedi tabä wamale a̦ bejedi wabaö? Ja̦o. Blada a da jöböbaje, ya möblaabä —e cuma.

Marcos 3:2

Täbä nia lä yanöcöono wei tä mö jalu sábado cuoma cudeenö, Jesús nijamö bä mamo bluca showajaoma. Imicö lä cofeono wei a jalomaö fe yadio ja, a wa̦fa nia dobloimi wäyämaje.

Marcos 8:11

Jesús nija faliseo bä bada waloquema. Bä fa waloicunö, a wa̦ dodijidawä ji̦liaö mlajei ja, bä a̦ shino lämoma. Jesús a wa̦ nia bejedi fa wabajenö, abinaja bä cuma. —Yai Bada wa e nö ö̦jöböamobä, tä nö lä quilijii tä da wawämalö —bä cuma.

Lucas 10:25

Ö̦jö däjä, Moisesi tä a̦ yai lä daö wei ai a fa ublaiquiyonö, Jesús a wa̦ bejedi wabama. —Tä a̦ wäyäle. ¿Wedinaja ya yai fa cuaanö, ya li ba̦limi bälöquedayou?

Lucas 11:16

Ai bä mö feduwä lä cuinö Jesúsi a wa̦ nia bejedi fa wabajenö, abinaja bä cuma. —Yai Bada wa e nö ö̦jöböamobä, tä nö lä quilijii tä da wawämalö —bä cuma.

Juan 8:2

Tä mö jaluaimaö däjä, Yai Bada etä yafi jamö Jesús a jua fenaa fa co̦lunö, ö̦jö nija bluca täbä co̦camou fenao co̦oyoluma. A fa loicunö, tä a̦ wäyäö co̦oma.

1 Corintios 10:9

Yai Bada bäma a jushuo ca̦i lulubou mlai. Inaja ai bä cuaaö fa dicoonö, olu bänö bä bluca waicama.