Juan 8:52 - Biblia Yanowamö

⁵² Jesús nija abinaja judio bä cuma. —Ei malä cui, ¡fecula wa malä bälömabole! Ablaamö a ma cui, a nomalayoma. Yai Bada a wa̦no wäyälewä bä ma cui, inaja showawä. Ö̦jö ma cui, “Wale a̦ nofi lä cadidibou wejei bä nomaö mlaicätä”, bei wa li cuu.

Juan 8:52 Iomraidhean Croise

Mateo 11:18

’¿Ö̦jö tawä? —Jesús a cuma—. Cafä wamacö ma cui, inaja showawä wamacö cuaaö. Wamacö a̦ juomi fe balojowä. Fe ojomalewä Juan a lä cui, ö̦jö wama a wa̦ juano malä mlai. Ö̦jö a fa waloiquiyonö, a iyaö wasöoma. Nashiwä toubä ca̦i coanomi. A waiyoma cudeenö, “A li feculabö”, wama a nofi li taboma.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 14:23

Abinaja Jesús e cuma. —Wale lä nofimaö wejei bänö, wale a̦ nofi nia cadidibouje. Fayänö bä nia nofimaö. Ö̦jö bä nija yafäcö nia walooyoluu, yafäcö bälödiobä.

Juan 15:20

’Cafä wamacö nija ya lä cuno wei, tä a̦ nofi da jaduculeje. Bada a lä cui a nofi tabou mlaoje däjä, cama ebä nofi nia tabou ayaomije. ¿Ö̦jö tawä? Camiyä wale nö bleaamaö waiquiaje ja, inaja showawä, cafä wamacö nö nia ca̦i bleaamaö mö feduoje. Camiyä wale a̦ nofi cadidibou waiquiaje ja, inaja showawä, cafä wamacö a̦ nofi nia ca̦i cadidibou cuo mö feduoje.

Juan 17:6

’Fabe —a cuma—. Ei bita jamö afä wa bä lä tabono wei, camiyä nija wa bä jöböbema. Wa bä lä jöböbeno wei bä nija, cafä bäfä damalalema. Wa wa̦ nofi cadidibouje.

Juan 7:20

Abinaja bä cuma. —¡Jolemou dijä! Fecula wa tabou yalo, wa wa̦ li faö mojodi. ¿Wedi jamö a lä cuinö wa li shäö bufi doblao? —bä cuma.

Juan 8:22

Ö̦jö däjä, judio bä wa̦liyoma. —¿Cama a nia shämou daanö? “Ya nia lä cuo wei jamö, wamacö juu daomi”, a malä cui wei —bä cuma.

Juan 8:48

Judio bä a̦ juoma. —Cafä Samaliateli bäfä a̦fa wa̦li wäyäö ja, yamacö a̦ bejedi. Fecula wa lä bälömabolenö, wa wa̦ li —bä cuma.

Juan 8:51

Cafä wamacö nija ei ya wa̦ lä cui, bejedi lä ya wa̦. Wale a̦ nofi lä cadidibou wejei bä lä cui, bä nomaö mlaicätä —a cuma.

Juan 8:55

Ö̦jö ma cui, Fayä wama a daimi. Camiyänö ya shino daö. ¿Ö̦jö tawä? “Ya daimi”, ya cuu fa cunoja, cafä wamacö jolemou lä culenaja, ya nö cuo mö feduobö wei. Ö̦jö ma cui ya daö lä. Ya wa̦ nofi ca̦i cadidibou.

Juan 9:24

Einaja cäcöbö cuma yalo, a lä jubäböono wei a nacaö co̦omaje. Abinaja a nowa tamaje. —Yai Bada tä nofi shino yai da doabla. Wa mamocu lä jalomaleno wei, yama a dobloimi daö waiquiwä —bä cuma.

Hebreos 11:13

Yai Bada a wa̦ nofi mölabou showalajenö, ö̦jö bä bufi bluca mlao cuaama. Yai Bada tänö tä a̦fa ulufi lä wäqueno wei tä wawädowä möno ma mlajei, tä nia jo̦wa lä cublono wei a wa̦ bejedi bufibou showao fe yadiomaje. A wa̦ bejedi bufibomaje yalo, bä bufi doblaloma. Bita jamö bä nia cudio lä mlai, cama bä a̦fa wawädowä wäyämoma. Bä a̦fa shomi jilamoma.

Hebreos 2:9

Jesús bäma a daö, a lä yanowamöblaleyoluno wei a lä cui. A̦jele bä ba̦limi lä culenaja a jaba ma cuono wei ma cui, yanowamö bämacö ba̦limi lä mlainaja a li cublou majölayoma. Yai Bada tänö bämalecö nofi lä ojodabole jamö, a nia nomamaö fa läonö, a li yanowamöblamalema. A nomaö däjä a nö ninili bleaama yalo, dodijidawä fe balojowä a tabou majöadayoa. Wawädowä a nofi yai tabou.