Juan 8:32 - Biblia Yanowamö

³² Yai Bada nija tä a̦ bejedi lä cule, wama tä a̦ bejedi fa dalalönö, ö̦jö tä a̦nö wamacö nia shino jujeblamolayou —a cuma.

Juan 8:32 Iomraidhean Croise

Proverbios 1:23

’Bämacö lä wasöö wei wamale a̦ da ji̦lilä —a cuu—. Ya bufi lä cuu wei ya tä a̦ nia wawämaö. Cafä wamacö lija ya wa̦ nia wawädoo showadao.

Proverbios 1:29

Wamacö bufi daobä wama tä bufino malä mlai. Jeobaa wama a nö quili tabä tä ma cuono wei ma cui, inaja wamacö bufi cunomi.

Proverbios 4:18

Ö̦jö ma cui, bä lä dodijaö wei bä lä cui, bä bufi walalawä ca̦i bälöaö yalo, motoca shi̦i balaö lä cuaaö weinaja, bä dodijidawä balafälöö. Ya̦cumö motoca a yo̦loloblou däjä, a mömou shi dowäjäwä lä culenaja showadawä.

Mateo 11:29

Bämacö nosiemaö ja wamale a̦ da julä, camiyä nija wamacö damamobä. Ya wa̦ oquewä malä cui. Ya ca̦i nofi. Camiyä nija wamacö bufi nia shino yanöcöwä ca̦i cuo.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 1:17

Yai Bada tänö tä tamaö lä bufii wei, Moisesi nija tä a̦ ma jöbäqueno wei ma cui, täbä nofi nia yai lä ojodabou wei tä lä cui, Jesucristo nija ö̦jö tä shino yai wawälayoma, tä a̦ yai lä bejedii tä a̦ ca̦i.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 16:13

Yai Bada tä Bufi waloyoluu däjä, bejedi tä a̦ jamö wamacö nia lulubou. Cama Bayeliawä a bufi lä cuu weinaja, a wa̦ nia faö bädaomi. Fayä nija tä a̦ bluca lä ji̦liaö wei tä a̦ nia yai wäyäö. Tä nia lä cublou wei, cafä wamacö nija tä a̦ nia ca̦i bluca wäwämaö.

Juan 17:17

Afä dodijidawä bä cuobä, bejedi tä a̦nö bä da yaimacö. Cafä wa wa̦ lä cui, ö̦jö bejedi lä tä a̦ waiquiwä.

Juan 6:45

Yai Bada a wa̦no wäyälewä ai a wa̦ oni jamö, abinaja tä a̦ cuu. Yai Bada nija täbä nia bluca damamou. ’¿Ö̦jö tawä? —a cuma—. Einaja tä a̦ cuu. Fayä a wa̦no fa ji̦liläjenö, bä yai lä damamou wei bä lä cui, camiyä nija bä juu.

Juan 7:17

¿Ö̦jö tawä? Yai Bada tänö bä taamaö lä bufii wei tä ja bä lä ojodao wei bä lä cuinö etä a̦ nö nia ö̦jöböaöje. Camiyä ya bufi cuu lä bädao weinaja ya tä a̦ wäyäö dicoo ja, wale nia ca̦i daöje.

Juan 8:36

Ö̦jö cudeenö, Yai Bada bei Ijilubö ya e waiquiwä lä cuinö, wa̦lidiwä tä ja bämacö yai jujeblaö ja, wamacö nia yai jujeblamolayou.

Romanos 6:22

Ö̦jö ma cui wa̦lidiwä tä ja, fei däjä wamacö fujeblaliyoma. Yai Bada wama a nosie yai fuaö majöobä wama ecö cublou fa nomöjölonö, wamacö yai bayeliblamou. Yai Badanö dodijidawä wamacö fa yaimacönö, ba̦limi wamacö cuobä.

Romanos 8:15

Yai Bada lija wamacö quilii co̦daabä a Bufi jibäonomi. Bada a wa̦ fuamobä bä lä tabou wei bä lä cuinö, a nö quili taö lä culajeinaja mlai. Ma, wama a nofi fö̦ömaö cadidobä cafä wamacö lija a Bufi jibämoquema. “¡Fabe, Fabemi!”, bäma ecö cuu ja,

Romanos 8:2

Yai Bada tä Bufinö bämalecö malä bayeliblaö wei. Jesucristo lija bämalecö fa yädämacönö, dodijidawä bämacö li cua. Wa̦lidiwä tänö bämalecö ma lofotobono wei ma cui, nomaö tänö bämalecö ca̦i ma lofotobono wei ma cui, Yai Bada tä Bufinö bämalecö fujeblamalema.

1 Corintios 7:22

Bä nosie fuamobä wa lä tabou wejei wa lä cui, Bada tä lija wa bufi cuo ja, jai wa fujemoa waiquilayoma Bada tänö wa nofi tabou. Jesucristo lija wa bufi cuobä wa bufi malä fujeblamono wei. Inaja showawä, bä nosie fuamobä wa tabou lä mlajei wa lä cui, shomi täbä lija wa ojodamou ma mlai ma cui, Jesucristo lija wa bufi cuo ja, cama Jesucristo lija wa yai ojodamobä wa tabou malä cui.

Gálatas 5:1

Bämacö nö bleaaö buo mlaobä, Moisesi etä a̦ ja Cristonö bämalecö fujeblamalema. Bä bufi da lofotoicu, ö̦jö lä. Moisesi tä a̦ ja bä nosiemamou co̦daa dijä. Bä noshi yai da umlao, wamacö nö bleaaö dicoquei.

Gálatas 5:13

Moisesi tä a̦ ja wamacö yai fujeblobä, wamacö malä nacaleno wei. Wamacö lä fujeblou wei wamacö lä cui, wamacö fa nofimayonö wamacö nia li yai bayeliblayou. ¿Ö̦jö tawä? Abenaja wamacö nia cuimi. “Ja̦o. Ö̦jö ya tä a̦ fuabä tä cuami majöwä waiquiwä cudeenö, ya cuaaö bufi lä doblao weinaja ya shi̦lo yai da cuaa, ö̦jö lä.” Ma. Inaja wamacö nia cuimi.

2 Timoteo 3:7

Bä a̦ faö lä bädao wei bä ma cui, bä a̦ bluca ji̦liaö showadaoje. Ö̦jö ma cui, showadi bä a̦ bluca ma ji̦liablalaö wejei ma cui, tä a̦ bejedi dablaimi fe yadioje.

Santiago 1:25

Ö̦jö ma cui, Jesucristo etä a̦ dodijidawä lä cui tä a̦ fa ji̦liläjenö, tä a̦ nofi jaducubou fe lä yadio wejei bä lä cui, ö̦jö bä nia shino yai bayeliblamou, tä a̦ juaöje yalo. Bä bayeliblamobä tä a̦. Sadanasinö täbä ma tabou wei ma cui, täbä nia jujeblamou fe lä yadio wei, ö̦jö lä tä a̦. ¿Ö̦jö tawä? Ö̦jö ma cui, tä a̦ ji̦liaö lä buo wejei bä lä cui, tä a̦ nofi mojodubou majöo dicooje ja, bä nia bayeliblamoimi.

Santiago 2:12

Moisesi tä a̦nö wamacö waimou mlaobä, Jesucristonö wamacö jujeblamalema, cama dodijidawä etä a̦ ja wamacö nosiemamou majöobä. Ö̦jö etä a̦nö wamacö nia shino jömamou cudeenö, bä a̦ da wasöo. Bä shino da dodija.

1 Pedro 2:16

Ö̦jö bä bada lä cui bä nosie bada juamobä wamacö taboimije. Bejedi lä. Wamacö nosiemamou mlai ja, wamacö cuaaö bufi lä doblao weinaja wamacö cuaaö dao lä ma cui, bä da moyaweicu. Abinaja wamacö bufi cuu mlai. “Ja̦o. Ya cuaaö bufi lä doblao weinaja ya cuaabä lä ya waiquiwä cudeenö, ¿wedi tabä ya bä nosie li julei?”, bä bufi cu dijä. Yai Bada wama a nosie juabä wama ecö malä cui. ¿Ö̦jö tawä? Dodijidawä wamacö shino yai cuobä, ö̦jö lä. Yai Bada tänö bä a̦ bada juamaö bufii waiquiwä ja lä, wama bä a̦ nia juaö.

2 Juan 1:1

Mijamö Jesucristo wama ecö lä yaile wamacö nija ya tä a̦ oni shömaö, wamacö bluca lä yododaö wei wamacö nija. Eja Jesucristo ya ebä ca̦i lä yododaö wei ya. Bejedi lä bämacö nofimaö dodijiwä. Bejedi tä a̦ lä daö wejei bä bluca ma cuinö wamacö ca̦i nofimaöje.