Juan 8:25 - Biblia Yanowamö

²⁵ Abinaja cama nija bä cuma. —Cafä ¿wedi bei wa dodijiwä? Abinaja Jesúsnö bä nowa tama. —Ya wa̦fa jaba da wäyämoblei däjä, bämacö nowa da tableinaja, ö̦jö ya waiquiwä.

Juan 8:25 Iomraidhean Croise

Lucas 22:67

—Yai Bada tänö a shömabä a lä yaileno wei, ö̦jö lä cafä bei wa e waiquiwä ja, a wa̦ nö da wäbo —bä cuma ma cui, abinaja Jesús a cuma. —Bämacö nowa taö ma cui ja, wamale a̦ nia bejedi bufiimi.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 1:22

Ö̦jö däjä, abinaja a nowa tamaje. —Ja̦o. ¿Wedi bei wa, ö̦jö lä? Yamalecö lä shömöleno wejei bä nija, ¿wedinaja yama tä a̦ wäaö cuojolobä? Cafä ¿wedi bei wa wa̦fa jilou?

Juan 10:24

Yai Bada etä yafi jamö a juma cudeenö, cama nija judio bä fa co̦camoliyonö, a wa̦lii cadidioyolumaje. —Bei. Cafä bäfä a̦ nö dabou showaa lä cule. ¿Wedi tabä yamalecö yömölaö cadidiomi? Yai Bada tänö a shömabä a lä yaileno wei a lä cui, ö̦jö lä wa waiquiwä ja, wawädowä a wa̦ da wämobo —bä cuma.

Juan 19:9

Cama etä yafi jamö a lucäa fa co̦lunö, Jesús a wa̦lii co̦oma. —Cafä ¿wediteli wa dodijiwä? —e cuma ma cui, Jesús e a̦ juonomi.

Juan 8:12

Judio bä nija Jesús a wa̦ faö co̦o ja, abinaja a cuma. —Yanowamö ya täbä wacacamabobä, camiyä ei ya shi̦i. Camiyä nija bä lä nocao wei bä lä cui, mö didi jamö bä nia juimi. Camiyä ya shi̦i wacacaobä jamö bä cuo ja, ba̦limi bä nia cuo —a cuma.

Juan 8:24

Wa̦lidiwä showawä wamacö nia lä nomablou wei tä ja, bämacö yömölalema. ¿Ö̦jö tawä? “Yai Bada tänö a nia lä shömano wei, fei a waiquiwä”, wamale nofi taboimi ja, wamacö wa̦lidiwä showai wamacö nia malä nomablou wei —a cuma.

Juan 8:26

Cafä bämacö a̦fa tabä, bluca ya tä tabou. Bämacö jömabä tä bluca. Ö̦jö ma cui, wale lä shömöleno wei ya wa̦ fa ji̦lilänö, yanowamö täbä nija, ö̦jö lä ya wa̦ nia shi̦lo yai wäyäö. Ö̦jö a bejedimou —bä nowa tama.