Juan 8:24 - Biblia Yanowamö

²⁴ Wa̦lidiwä showawä wamacö nia lä nomablou wei tä ja, bämacö yömölalema. ¿Ö̦jö tawä? “Yai Bada tänö a nia lä shömano wei, fei a waiquiwä”, wamale nofi taboimi ja, wamacö wa̦lidiwä showai wamacö nia malä nomablou wei —a cuma.

Juan 8:24 Iomraidhean Croise

Juan 3:36

Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

Juan 3:18

’Wale a̦ bejedi lä bufii wejei bä lä cui, Yai Bada tänö ö̦jö bä nö bleaamabä bämi —a cuma—. Wale a̦ bejedi bufii lä mlajei bä lä cui, ö̦jö bä nö bleaamabä cäbä. Yai Bada bei Ijilubö moli ya e lä cui, wale a̦ bejedi bufiimije yalo, bä nö bleaamabä bä li waiquiwä.

Marcos 16:16

Wale a̦ bejedi lä bufii wejei bä lä cui, bä fe fa ojoblamolunö, bä jucäamou wä. Ö̦jö ma cui, wale a̦ bejedi bufii lä mlajei bä waimamobä cäbä.

Hebreos 12:25

Bada tä lä culadi a wa̦fa lä ji̦liole däjä, bä yömöcacö comao dijä. Bita jamö bä wasöö lä balöono wei däjä, a wa̦ ji̦liano lä mlajei bä nö bleaamaö malä balöono wei. Fei däjä fedu jamö culanö bämalecö yai lä wasöladi däjä, bäma a wa̦ ji̦liablaimi ja, bei bämalecö nö bleaamaö yaiquei.

Proverbios 8:36

Ö̦jö ma cui, wale dablaö lä mlai a lä cui, cama a nö nia bleaamamou. Wale nofi lä wa̦libou wejei bä bluca lä cuinö, bä nia lä nomablou wei tä yai nofimaöje. Bufi Jaducäwä tä lä cui, einaja a cuu.

Juan 13:19

Tä cublou showaa mlai ja, bämacö yömölaö balöa lä cule, tä bejedi cublou däjä wamacö bufi yai möblobä. Ya wa̦fa showadi lä wäyämamou wei, wamale a̦ bejedi bufibä.

Juan 4:26

Ö̦jö däjä, abinaja Jesús e cuma. —Bäfäcö a̦ lä wayole, ö̦jö ei lä ya waiquiwä, ya cua shi lä wa̦lile —e cuma.

Hebreos 2:3

bämacö bufi yai da jaducäblo, ö̦jö lä, camiyä bämalecö nö bleaamaö nomöjöo mlaobä. Bämacö nia lä fucäamou wei tä a̦ lä cui, cama Bada tä showawänö, tä a̦ wäyäö balöoma. Ö̦jö däjä, camiyä bämacö lija a wa̦ lä ji̦liano wejei bänö, walalawä a wa̦no wäyäö nomöjöomaje.

Juan 8:21

Judio bä nija abinaja Jesús a cuu co̦oma. —Ya nia julayou. Wamale nia ma dayäö wei ma cui, wamacö wa̦lidiwä showai wamacö nia nomalaliyo. Ya nia lä cuo wei jamö, wamacö juu daomi —a cuma.

Hechos 4:12

Ai a nija bämacö nia lä jucäamou wei a cuami. Jödödöwä täbä lä bälöblai täbä ma cui nija, ai a wa̦fa wäyämamou malä mlai, bämacö jucäamobä —Pedronö bä nowa tama.

Marcos 13:6

Obi, bluca bä nia wawäblou. Camiyä ya wa̦fa nia ma wäyämou wei ma cui, bä möla dijä. “Ö̦jö ya”, bä nia cuu. “Tä bluca waicou bufio lä cule”, bä nia ca̦i ma cuu wei ma cui, ö̦jö bä nija bä nocao dijä.

Lucas 21:8

Abinaja Jesúsnö bä nowa tama. —Bä da moyaweicu, ö̦jö lä, wamacö mölamaö mlaobeje. Obi, bä lä jolemou wei bluca bä nia wawäblou. Camiyä ya wa̦fa nia ma wäyämou wei ma cui, bä möla dijä. “Ö̦jö ya”, bä nia cuu. “Tä bluca waicou bufio lä cule”, bä nia ca̦i ma cuu wei ma cui, ö̦jö bä nija bä nocao dijä.

Éxodo 3:14

Abinaja Yai Bada tänö Moisesi a nowa tama. —Ya lä cule cä ya —a cuma—. Abinaja Isaeli wa ebä nowa tabä. “Yacua tä a̦fa lä jilou wei tä lä cuinö, cafä wamacö nija wale shömölema.” Einaja wa bä nowa tabä —Yai Bada a cuma.

Mateo 24:5

Obi, bluca bä nia wawäblou. Camiyä ya wa̦fa nia ma wäyämou wei ma cui, bä möla dijä. Abinaja bä nia jole cuu. “Yai Bada tänö wale shömabä wale lä yaileno wei, ¡ö̦jö lä ei ya e waiquiwä!”, bä jole fa cunö, bluca täbä nia lulubouje.

Juan 8:25

Abinaja cama nija bä cuma. —Cafä ¿wedi bei wa dodijiwä? Abinaja Jesúsnö bä nowa tama. —Ya wa̦fa jaba da wäyämoblei däjä, bämacö nowa da tableinaja, ö̦jö ya waiquiwä.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.