Juan 8:22 - Biblia Yanowamö

²² Ö̦jö däjä, judio bä wa̦liyoma. —¿Cama a nia shämou daanö? “Ya nia lä cuo wei jamö, wamacö juu daomi”, a malä cui wei —bä cuma.

Juan 8:22 Iomraidhean Croise

Salmo 22:6

Ö̦jö ma cui, yanowamö täbä nofi lä tabou wejeinaja, wale nofi taboimije. Jai cojolomö shicö lä culenaja, wale nofi tabou dicooje. Wale nö waiblaöje. Wale nofi ca̦i wa̦libouje.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 10:20

Abinaja ai bä cuma. —Fecula a lä bälömabole, a wa̦. A wa̦ faö nofi malä mojodi wei. ¿Wedi tabä bei wama a wa̦ li ji̦lidii?

Juan 7:20

Abinaja bä cuma. —¡Jolemou dijä! Fecula wa tabou yalo, wa wa̦ li faö mojodi. ¿Wedi jamö a lä cuinö wa li shäö bufi doblao? —bä cuma.

Juan 7:35

Judio bä wa̦liyou ja, abinaja bä cuma. —Fei a lä cui, ¿wedi jamö a nia li juu fa nomöjöonö, a wa̦ li? Bei bäma a nia jo̦wa dablaö co̦daaimi. Clesiateli bä nijamö, ai bämacö judio lä coyocole bä nijamö, ¿ö̦jamö a nia juu tawä, shomi täbä nija tä a̦ li wäyäö nomöjöobä?

Juan 8:48

Judio bä a̦ juoma. —Cafä Samaliateli bäfä a̦fa wa̦li wäyäö ja, yamacö a̦ bejedi. Fecula wa lä bälömabolenö, wa wa̦ li —bä cuma.

Juan 8:52

Jesús nija abinaja judio bä cuma. —Ei malä cui, ¡fecula wa malä bälömabole! Ablaamö a ma cui, a nomalayoma. Yai Bada a wa̦no wäyälewä bä ma cui, inaja showawä. Ö̦jö ma cui, “Wale a̦ nofi lä cadidibou wejei bä nomaö mlaicätä”, bei wa li cuu.

Hebreos 12:3

Wa̦lidiwä talewä bänö a nofi wa̦libomaje yalo, inaja a taamamaje. Ö̦jö ma cui a bufi nö wa̦lojoablalou fe yadio showaoma. Ö̦jö lija bä bufi da daeo, cama a lä taamamono weinaja wamacö ca̦i taamamou mö feduo ja, wamacö modablou mlai ja, wamacö bufi lofote ca̦i cuo fe yadiobä.

Hebreos 13:13

Ö̦jö cudeenö, cama lija bämacö yaua fa showadaicunö, Jesús a nö ca̦i yamili bleaamaö siboo lä cuono wejeinaja, inaja bämacö taamamou ojodao cuo mö feduobä.