Juan 8:20 - Biblia Yanowamö

²⁰ Yai Bada etä yafi jamö bä yömölaö ja, einaja a cuma, Yai Bada nija bä blada lä jöböblaaö wejei, bä blada didiobä tä lä cule jamö. Ö̦jamö bä yömölaö ma wawädoono wei ma cui, a juwäamanomije. A yai nia lä shämou wei etä cuo showadaono malä mlai.

Juan 8:20 Iomraidhean Croise

Mateo 26:55

Ö̦jö däjä, a nabä lä toujono wei bä nija abinaja a Jesús cuma. —Tomömolewä bä nabä juu lä culajeinaja, ¿wedi tä tabä bei wamale nabä li juu cuaaö dicoo cufe? ¿Wedi tä tabä shocobi, nablushi wama bä ca̦i fa juimanö, bei wamale li juwämaö cuboyoi? Yai Bada etä yafi jamö showadi ya lolanö ya täbä yömölama ma cui, wamale juwäano malä mlai.

Mateo 27:6

Nofi bäyäalewä bä blowäjäwä lä cuinö bä blada doa fa jälalöjenö, abinaja bä nowa tayou juoma. —Eja, Yai Bada etä yafi jamö, yama bä blada lä nowamale jamö, ei bä blada nö didiobimi. Tä a̦ läa. Unocaye cäbä —bä nowa tayoma.

Marcos 12:41

Yai Bada nija bä blada jöbööje ja, bä blada lä didiblaaö wejei tä mashi jamö Jesús a döcöaliyoma. Ö̦jamö lä bluca täbä lä co̦camou wei täbänö bä blada didiabeje jamö, bä nö daama. Bä nö lä madofibö wei ai bä bluca lä cuinö, blada bluca bä didiblamaje.

Marcos 12:43

Ö̦jö däjä, cama ebä lä nocamabono wei bä nacaa fa ajedelönö, abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ai bä bluca lä cuinö, blada bä bluca ma didiaö wejei ma cui, fei suwä a yami nö jo̦lili lä bleaale a lä cui, ö̦jö lä a shi shino yai ö̦jöde fe balojowä.

Lucas 20:19

Moisesi tä a̦ ja täbä lä damaö wejei bä ma cuinö, nofi bäyäalewä blowäjäwä bä ma cuinö, a mili juwäamaö showadaomaje. A wa̦ lä shomiano wei tä a̦ ja, cama bä nö malä ö̦jöbömolayono wei. Ö̦jö ma cui yanowamö täbä nö quili tamaje yalo, bä waiquidaliyoma.

Lucas 21:1

Yai Bada nija bä blada jöbööje ja bä blada lä didiblaaö wejei jamö, Jesús a cuoma. Tä fa mödalönö, bä nö lä madofibö wei bänö bä blada didiabeje jamö, bä nö daama.

Juan 10:39

Bada bänö a juwäamaö wabaö ma co̦ono wejei ma cui, a fa moyawäonö a juwäamonomi.

Juan 2:4

Abinaja Jesúsnö bä nöö e nowa tama. —Nabe. Cafänö wale shömabä wami. Ya tä taö mö lä juno wei, ya tä taö showadaobä tämi —a nowa tama.

Juan 7:14

Bä iyaö ca̦i lä co̦camou wei bä nö dedejeblou waiquio däjä, Jesús a aa fa jälönö, Yai Bada etä yafi jamö a co̦blou jälayoma. A co̦blou fa jälonö, Yai Bada etä a̦ ja bä yömölama.

Juan 7:30

Inaja a cuu yalo, a nia juwäama ma cujei, a nia yai lä shämou wei etä cuonomi showawä yalo, bä imicö queonomi.

Juan 7:44

Ai bä lä cuinö a juwäamaö bufi ma doblaono wejei ma cui, moli ma cui imicö queo bädaonomi.

Juan 7:8

Bä iyaö ca̦i co̦camobä jamö, cafä bä da ju. Fei däjä camiyä ya nia juimi. Ya nia yai lä juu wei tä cua showaa malä mlai —bä nowa tama.

Juan 8:2

Tä mö jaluaimaö däjä, Yai Bada etä yafi jamö Jesús a jua fenaa fa co̦lunö, ö̦jö nija bluca täbä co̦camou fenao co̦oyoluma. A fa loicunö, tä a̦ wäyäö co̦oma.

Juan 8:59

Inaja a cuma yalo, maa mabä ya̦caalalemaje, a shäyäbeje. Ö̦jö ma cui, Jesús a nofi fa mojodublalufälönö, Yai Bada etä yafi jamö a siboa co̦a ja̦toa showalayofälöma.