Juan 8:14 - Biblia Yanowamö

¹⁴ Abinaja Jesús e cuu mö feduoma. —Camiyä ya wa̦fa wäyämamou ma bädao wei ma cui, ya bejedimou. Ya cuo lä balöono wei tä ma cui, ya nia lä juu wei tä ma cui, ya tä malä dale. Ö̦jö ma cui, cafä wamacö lä cuinö, ya cuo lä balöono wei wama tä shino daimi. Ya nia lä juu wei tä ma cui, wama tä ca̦i daimi.

Juan 8:14 Iomraidhean Croise

Proverbios 8:7

Camiyä ya wa̦ faö ja, bejedi tä a̦ lä cui, ya tä a̦ shi̦lo nia malä taö wei. Jolemou ya tä a̦ nofi bluca wa̦libou.

Números 12:3

¿Ö̦jö tawä? Cama Moisesi a jömamono lä mlai a cuoma. Ai bä jömöo lä mlai bä bluca ma bälöblamono wei ma cui, Moisesi a shino yai jömamonomi dodijiwä.

Juan 10:36

¿camiyä bei wamale nia li bufiblaimi, eja, bita jamö Fayänö wale shömabä, wale lä yaileno wei ya lä cui? Yai Bada ya a̦fa Ijilubö jilou yalo, ¿wedi tabä “Yai Bada wa tä nö waiblaö”, wamale nowa li taö dicoo?

Juan 13:3

Jesús a lä cuinö, jödödöwä täbä lojodobobä, bä Fö̦ö enö Bada a yai tablamaö lä waiquilayono wei tä daö waiquioma. Yai Bada nija a cuo lä balöono wei tä ca̦i daö showaoma. Ö̦jö nijamö a nia lä co̦o wei tä ca̦i.

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 16:28

Fayä nijamö ya culanö, bita jamö ya waloqueyoluma. Fei däjä ei bita ya tabi fa feicönö, Fayä nijamö ya nia co̦jamöö —a cuma.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 18:37

—Ö̦jö waiquiwä —Bilado e cuma—. Bada wa wa̦fa jilou malä waiquiofe. —Cafänö wale a̦fa shino bada jilaö lä cufe —Jesús e cuma—. Bejedi ya tä a̦ wawämabä ya oshe tablamolayoma. Inaja ya cuaabä ya bita jamö waloqueyoluma. Bejedi tä a̦ nofi lä yaibou wejei bä blucanö, wale a̦ ji̦liaöje —e cuma.

Juan 5:31

’¿Ö̦jö tawä? —Jesús a cuma—. Camiyä ya wa̦fa shino wäyämamou ayao fa cunoja, wamale a̦ bejedi bufibä tä nö cuobö mlai.

Juan 8:42

Abinaja Jesúsnö bä nowa tama. —Yai Bada wama ecö ijilubö cuo fa cunoja, wamale nö nofimabö wei. Ö̦jö lä Yai Bada nija ya cuoma ya malä juno wei. Camiyä ya juu bashio bufi fa doblaonö mlai, ö̦jönö wale yai shömölema.

2 Corintios 11:31

Ya jolemoimi. Bada tä Jesús bä Fö̦ö e lä cuinö wale bejedimou daö, Jesús lija a lä bufiblamou wei a showawä lä cuinö. Ö̦jö a nofi yai doamou shi wa̦libä.

2 Corintios 12:11

Jai ya bufi daomi ya wa̦ cuaaö lä cufe. Cafä wamacö mayo ja. Camiyä ya wa̦fa wäamamobä mlai ja, cafä wamacönö wamale a̦fa yai wäyäbä wamacö yai ma cui, wamacö a̦ fanomi dicowä. Miji bä lä cui, “¡Jesucristonö bä lä shimöleno wei, fei bä yai!”, wama bä nofi jo̦wa ma tablalaö ma cule, camiyänö inaja ya bä nofi nö tabobimi. “Ö̦jö bä shi̦lo yai dodijaö”, camiyä ya bufi cuimi. Camiyä wamale nofi tabou ma mlale ma cui, bämacö nowa taö.

2 Corintios 12:19

“Pablonö bä ca̦i lä cule, bä nofi bäyäobä a wa̦”, ¿wamale nofi tabou tawä? Ma, bämacö lä nofimale wamacö. Yamacö nofi bäyäobä ya wa̦mi. Bämacö bufi nia yai fa lofotomabonö, bämacö yömölaö, Cristonö wamacö yömölaö ja, a nö lä cubö weinaja showawä. Yai Bada tänö wamalecö a̦ bejedi daö.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.