Juan 7:7 - Biblia Yanowamö

⁷ Yanowamö bänö cafä wamacö nofi wa̦libou dao ma mlajei ma cui, camiyänö ya täbä a̦fa dobloimi wäyäö yalo, wale nofi yai li wa̦libouje.

Juan 7:7 Iomraidhean Croise

Proverbios 8:36

Ö̦jö ma cui, wale dablaö lä mlai a lä cui, cama a nö nia bleaamamou. Wale nofi lä wa̦libou wejei bä bluca lä cuinö, bä nia lä nomablou wei tä yai nofimaöje. Bufi Jaducäwä tä lä cui, einaja a cuu.

Lucas 6:26

’¿Ö̦jö tawä? —a cuma—. Bluca bänö wamacö a̦fa dodijaö lä taö wejei däjä, wamacö nö nia bleaaö majöo. Cama bä nö badabö ma cuinö, inaja showawä Yai Bada a wa̦no jole jole lä wäyäno wejei, bä taamaö malä balöono wejei.

Juan 17:14

Iba bä nija bäfä a̦no wäyäö ja, bä shomiblaliyoma. Yanowamö täbänö bä nofi wa̦libouje, cama bämi cudeenö. Camiyä ya shomi lä culenaja, iba bä cuwä mö feduwä yalo, bä nofi li wa̦libouje.

Juan 3:19

’Yanowamö täbä bufi wacacamabobä, bita jamö Yai Bada etä shi̦i ma waloole ma cui, etä shi̦i bufiimije. Mö didi tä shino yai bufiije, ¿ö̦jö tawä? Bä dobloimi waiquiwä cudeenö bä jo̦yao bufi doblao. Inaja bä cuaaö cudeenö bä nö nia bleaamaö.

Romanos 8:7

Yanowamö täbä showadi lä cuaablalou wei tä ja bä bufi shi̦lo lä daeodii wei bä lä cuinö, Yai Bada tä nofi wa̦libouje. Yai Bada tänö tä tamaö lä wasöö wei tä ja, bä shijilodoimi. Bä nö shijilobimi waiquiwä.

Gálatas 4:16

Fei däjä, bejedi tä a̦ ja bämacö yömölaö shalilio tä nowa ja, ¿wamale nofi nia wa̦libou majöo dicoblao daanö?

Santiago 4:4

¡Uo! Shominaja wamacö bufi lä cuaablalou wei wamacö lä cuinö, ¿ei bei wama tä daö mlaa culawä? Yanowamö täbä showadi lä cuaaö wei tä ja wamacö bufi cuo dicoo ja, Yai Bada wama tä nö nabämaö waiquiwä. Ö̦jö cudeenö, ö̦jö tä jamö wamacö cuo bufi lä doblao wei wamacö lä cui, Yai Bada nija wamacö nö nabämobä wamacö li cuaaö.

1 Juan 4:5

Yai Bada a wa̦no jole jole wäyälewä bä lä cui, yanowamö showadi täbä lä cuaaö weinaja bä cuaaö mö feduo yalo, cama yanowamö tä a̦ li tabouje. Ö̦jö tä a̦ tabouje yalo, yanowamö täbänö bä a̦ shino ji̦liaö bufi doblaoje.