Juan 7:48 - Biblia Yanowamö

⁴⁸ Bada ai bä ma cuinö, faliseo ai yamacö ma cuinö, ¿ö̦jö yama a wa̦ bejedi lä bufii wei, wama tä a̦ ji̦libou da culanö, wama a bufii mö feduobä?

Juan 7:48 Iomraidhean Croise

Mateo 11:25

Ö̦jö däjä, abinaja Jesús a cuma, Yai Bada nija. —Fabe. Fedu jamö ma cui, bita jamö ma cui, cafä lä wa shino Bada cua ayaa. Ei ya tä a̦ lä wäyäfe, bä bufi a̦fa moyawä lä taö wejei bä nija wa tä a̦ nofi mojodumabou. Bä bufi a̦fa dao lä taö wejei bä ma cui nija, inaja showawä. Inaja ö̦jö wa bä ma taamabou däjä ma cui, jai ijilu täbä lä cule bä nija wa tä a̦ yai wawäblamalema.

Lucas 23:13

Ö̦jö däjä, Biladonö bä co̦camomalema. Nofi bäyäalewä blowäjäwä bä ma cui, judio bada ai bä ma cui, ai bä bluca ma cui, ö̦jö bä fa co̦camomalönö,

Juan 12:42

Inaja tä ma cuono wei ma cui, bada bä ca̦i bluca ma cuinö, Jesús a wa̦ bejedi bufia fe yadilemaje. Ö̦jö ma cui, faliseo bä nö bada quili fa tajenö, wawädowä bä a̦ nö wäonomi, judio bä yododabä yafi jamö bä coyocamabou mladou mlaobeje.

Juan 3:1

Faliseo ai a wa̦fa Nicodemo lä cuono wei, judio bada a cuoma.

Juan 7:26

Eja wawädowä a wa̦ ma fale ma cui, a wa̦ wasöimije. “Yai Bada tänö a shömabä a lä yaileno wei a lä cui, ö̦jö lä a waiquiwä”, bada bänö ¿fei bei a nofi tabou cadidia da culajenö?

Juan 7:49

Ö̦jö ma cui, fei bä lä co̦camole bänö Moisesi etä a̦ daö fa mlacujenö, bä li lulamou. Yai Bada nija bä waimobä cäbä —faliseo bä bada cuma.

Juan 7:50

Ö̦jö däjä, cama faliseo ai a bada lä cui, a wa̦ fama, Nicodemo a wa̦fa lä cuono wei, Jesús nija a jaba icua fe lä jaluqueno wei a lä cui. Cama ai ebä nija abinaja a cuma.

Hechos 6:7

Inaja bä fa cuaanö, Yai Bada tä a̦ ji̦limou blaucou cuaama. Ö̦jö däjä, Jelusale jamö, Jesucristo nija bä nia lä nocao wei ebä blucablou dodijilayoma. Nofi bäyäalewä ai bä bluca ma cuinö, Jesucristo etä a̦ fa julejenö, a bufilemaje.

1 Corintios 1:20

Täbä bufi a̦fa jaducäwä ma jilabou wejei ma cui, Yai Bada tänö bä möfe nia bomabou. Moisesi tä a̦ oni lä daö wejei, bä a̦fa moyawe taö ma cujei, ö̦jö bä möfe nia ca̦i bomabou mö feduo. Ai täbä a̦ nö wa̦lojowä ma jimaö wejei ma cui, inaja showawä. Yanowamö täbänö tä a̦fa moyawe lä taö wejei, Yai Bada tänö etä a̦fa jole taö malä waiquii.

1 Corintios 2:8

Ö̦jö tä a̦ ja, ei tä ulufi jamö bä bluca lä nosiemou wei bä bufi jaducäblonomi. Bä bufi jaducäblou fa cunoja, fii balitama tefi ja Bada tä nofi lä doablamou wei tä nö shäbö mlajei.