Juan 7:4 - Biblia Yanowamö

⁴ Wawädowä bä nö ö̦jöböamou bufi lä doblao wei bä lä cui, bä cuaaö ja̦too malä mlai. Wa jo̦wa lä cuaaö wei wa tä taö ja, yanowamö täbä nija a da damolaludu —a nowa tamaje.

Juan 7:4 Iomraidhean Croise

Mateo 23:5

’Ö̦jö bä lä cui, yanowamö täbä nija bä dodijidawä dablamobä, bä jole jole li dodijaö bäa —a cuma—. Bä bufi nia cadidou fa dablamonö, bei wäyäcu jamö ma cui, bei e̦fetacö jamö ma cui, Yai Bada etä a̦ lä onibolajei täbä shino oni blebou talajei. Bä nö dodijidawä ö̦jöböamamobä, camishi cäcö lä feyacabou wejei cäcö casö febalashi malä lababou wejei.

Mateo 4:6

abinaja a nowa tama. —Bei. Yai Bada wa Ijilubö ja lä, a da quelufälö. Abinaja tä a̦ oni malä cuu wei. Cafä nija a̦jele etäbä nia läamaö. ’Einaja tä a̦ oni cuu. Abinaja ca̦i. Dodijidawä wa nia ya̦caaöje, maa mabä ja wa mamicö shäo mlaobä. ’Einaja tä a̦ cuu —fecula badanö a nowa tama.

Mateo 6:16

Abinaja Jesús a cuma. —Yabäcou mlai ja, Yai Bada nija wamacö nö bayeli nia fa nacaodinö wamacö iyaö wasöo ja, dodijidawä bä mömou fe da yadio, bä jole jole lä dodijaö wei bä lä cuaaö weinaja mlai. Ö̦jö bä lä cui bä iyaö wasöo däjä, Yai Bada nija bä dobämobä bä li cuaaimi. Yanowamö täbä nija bä nö nia fa ö̦jöböamonö, bä li cuaaö buo. ¿Ö̦jö tawä? Bä nö nia fa ö̦jöböamonö, bä mö ya̦lömou mlai ja bä fe shaclacawä bufi ca̦i wa̦lidiwä juadalou. Cafä wamacö nija ei ya wa̦ lä cui, bejedi lä ya wa̦. Yai Bada nija ö̦jö bä lä cui bä nia dobämoimi. Yanowamö täbä nija bä nö ö̦jöböamobä, ö̦jö cama etä li waiquiwä.

Mateo 6:5

Abinaja Jesús a cuma. —Wa nö bayeli nacao däjä, bä jole jole lä dodijaö wei bä lä cuaaö weinaja, a cuaa dijä. Judio bä yododabä yafi bä jamö ma cui, sibo jamö bä bluca lä juaaö wei jamö ma cui, ö̦jö bä lä cui, Yai Bada nija wawädowä bä a̦ shino faö bufi doblao talei, yanowamö täbä nija bä nia dodijaö fa dablamonö. Cafä nija ei ya wa̦ lä cui, bejedi lä ya wa̦. Inaja bä lä cuaaö wei bä lä cui, Yai Bada nija bä nia dobämoimi. Yanowamö täbä nija bä dodijaö dablamobä, ö̦jö cama etä li waiquiwä.

Lucas 6:45

’A lä dodijaö wei a wa̦ faö däjä, bei bufi jamö tä dodijidawä lä didile etä a̦ nia wawäblou —a cuma—. Inaja showawä, wa̦lidiwä talewä a lä cui a wa̦ faö däjä, bei bufi jamö tä wa̦lidiwä lä didile etä a̦ nia ca̦i wa̦lidiwä wawäblou mö feduo. ¿Ö̦jö tawä? Bei täbä bufi jamö tä lä didile etä a̦ shino malä wawäblou wei.

Juan 18:20

Jesús abinaja e cuu mö feduoma. —Yanowamö täbä nijamö, wawädowä ya wa̦ shino faö talei. Judio bämacö yododabä yafi bä jamö ya tä a̦ shino wäyäö, Yai Bada etä yafi jamö ca̦i, judio bä bluca lä yododadii wei jamö. Moli ma cui, ya tä a̦ wäaö ja̦toonomi.

Juan 7:3

Ö̦jö cudeenö, Jesús bä fääshä ebänö abinaja a nowa tamaje. —Eja wa cudio mlai ja, Judea jamö a yai da ju, ö̦jamö cafä nija bä nocao bufi lä doblao wei bä lä cuinö wa dablabeje. Wa lä cuaaö wei tä ca̦i möbeje.

Juan 7:5

Bä fääshä ebä ma cuinö a wa̦ bejedi bufino malä mlajei.